IBRIMI 1:2 - Sümi Tiqhelimi Bible

² ikemu hi ashekha tsalaqo lo ye pa ye pa Nu, khuu thime kümtsü mheghi kiyighiu shipe niye pa no süküsü shi, eno khuu vechewo pa no ayeghiqha lhosü keno, pa vechewo ningu pütsa ke.

BAIBEL (BSI)

² Ikemu itehi ashekhalau tsalaloye pano Anu lakhi vechewo ningu vilo pivae. Alhou no pa vechewo atsutsu ayeghi kumtsu lhoke eno pa pelo thwokhalo amheghi kiyighiu shitsuke.

Sumi Naga CL (Re-edited) Bible (BSI)

² ikemu hi ashekha ghuloki loye Pa no khuu vecheo ayeghiqha pulhosü no thime kümtsü shou amheghi kiyighiu shi peniye kishephe keno, Pa Nu vecheo ningu pütsae.

IBRIMI 1:2 ပူးပေါင်းရင်းမြစ်များ

MATTHEW 13:39

eno aghümi khuu no alupiqo xusü keno tiye tüghami ke. Ghile ye ashekha ghuloki ke, eno ghile hu kemiqo ye kungumiqo ke.

MATTHEW 17:5

Peter no piaphi lono, khüngküsü vüqai keu no panongu küzüpholuve, eno khüngküsü lono asütsa lakhi no ishi pi, “Hiye I Nu, I no kimiye chekeu ke; pa lau I lokiqi acheni. Pa no pikeu inilo!”

MATTHEW 21:38

“Ikemu kughou mishichi chekemiqo no panu ithulu keno, panongu lakhi no lakhi vilo ishi pie, ‘Hino amheghi ighi nikeu ke. Ighilo, ningu pa pìthíve no pa mheghi luvetsünie.’

MATTHEW 26:63

Ikemu Jisü ye inaqhoi ngove. Achinetomi shou atou no pa vilo pi, “I no xü akeu Lhou je lono ashoqhi shi no O nguku ani: Nono Alhou Nu Messiah shi aghí aye ningu vilo pilo.”

MATTHEW 28:18

Ikelo Jisü no panongu lau ighino pi, “Kungugha lo eno ayeghi lo kükagha kümtsü pesü I tsüvae.

MATTHEW 3:17

Eno kungugha lono asütsa lakhi ishi pi, “Hiye I no qhuivü chekeu I nu ke; ni ye pa shou I mlokiqi achenie.”

Mark 1:1

Alhou Nu, Jisü Messiah tsakiviu ghili hukuthu ye

Mark 12:6

“Pa ye puwu nike ghenguno timi lakhi likhive, tiye pa no kimiye chekeu panu ke. Pa no ishi pi ghi kümtsü gholo ashekhau puwu, ‘Panongu ye I nu gihu kepu ke.’

Mark 12:7

“Ikemu mishichi chekemiqo no lakhi no lakhi vilo ishi pi, ‘Hino amheghi kiyighiu ke, ningu pa pìthíveni, tishiaye amheghi ye ninguw shive nani.’

John 1:10

Pa ye ayeghi lo ae, eno pa vechewo ayeghiqha lhophe kemu ayeghilomi no pa ikhilumoe.

John 1:14

Atsa hu no ashi shive eno ningu gholo xüke. Ningu no pa juküvü ithuluvae, ajuküvü tiye Anu lakhi likhi akeu ke, Anu ye küpükini ngò kuchou no chhitoi shi püzü Apù lau no ighike.

John 1:3

Pa vechewo thime kümtsü lhophe ke; lhosüpüa keu thimeqo lakhimu pa sümo no lhosü pe püamoe.

John 13:3

Jisü ye Apù no thime kümtsü pa küká qholo qhipüani kepi ithi ake, eno pa ye Alhou lau no ighi eno Alhou lau idechile wucheni kepi ithi ake;

John 13:32

Tsalá pa vechewo Alhou juküvüpu shive aye, Alhou no pa vechewo Anu jekipipu shitsü nani, eno ghuthukhavi lono pa jekipipu shitsü nani.

John 15:15

Ni ye nongu vilo aqemiqo ipi kuchemovae, kughengu aqemi lakhi ye pa mpeu kümlàqo ithi chemoe. Tishini ke züqhulo, I no nongu vilo shompamiqo ipi ku cheni, kughengu I no I pù lau no shikalu keqo kümtsü I no nongu pelo ithivepe ake.

John 16:15

I pù no akeu kümtsü iw ke. Tighenguno I no piakeu ye, Aghungu no I lau no kiu ithulu keno pa no nongu lau pephe-piye nani ipi ke.”

John 17:2

Kughengu nono timiqo kümtsü shou kükagha puloza pesü pa tsüke eno pa pelo lhokta küxü pesü nono pa tsüke miqo kümtsü lau tsülu peniye ke.

John 3:16

Alhou no ayeghilomi kimiyekütü keu ghenguno pa Nu lakhi likhi akeu pesü tsüke, tighenguno khukhumu pa shou pülübelu keu ye pühavemo nani ikemu lhokta küxü ithulu nani.

John 3:25

John khopemiqo ngò Jewmi khami dolo qhukimthe keu chine-chini vehu lo kütsala keu hami ipeghive.

John 5:26

Kughengu Apù no pa lolo aküxü akeu toi, pa no Anu ghí alolo aküxü alu pe nikeu zà tsüvae.

John 5:27

Eno Apù no küghathalu penike kükagha pa tsüvea kughengu pa ye Timi Nu hu ke.

John 9:29

Ningu ye Alhou no Moses pütsa keu ithi anie, ikemu ningu ye timi hipau ye khilau no ighi keno ti ghí mthae.”

Apostolmi 10:36

Nongu ye Alhou no Israelmi lau akükütsü sütsa tsü keu hu ithi ani, tiye Jisü Khristo khuu kümtsü shou Ampeu keno pa vechewo alokughuno tsakiviu piputo tsüke.

Apostolmi 2:17

“ ‘Alhou no pi, ashekha tsalaqo lo I no I Ghungu pesü timi kümtsü shou lepuku nani. Nongu nu eno angáqo no tungkupu tsa pi nani, nonguw lhothemiqo no kungunhetsü ithulu nani, nonguw muchomiqo no asamo jeli pumó nani.

Rommi 1:4

eno Alhou nu kepi pephe-piye nike ghenguno pa ye Aghungu Kimthe küká vechewo akithí lono xülethuve ke: tiye ningu Mpeu Jisü Khristo ke.

Rommi 8:17

Ningu ye Alhou nuliqo ke ghenguno ningu ye pa mheghi kiyighiuqo ke. Eno Khristo gholo ningu ghí Alhou juküvü mheghi ighiküqha ke. Ikemu pa juküvü gholo küsaje nishi aye ningu ye pa ghime lo ghí küsaje moayesa nani.

1 Kor. 2:7

Moe, ningu ye Alhou lokütsü pesü asheshu cheni ke, tiye Alhou’w tuqhou küsüpüa keu eno Alhou no azüu no ningu jekipipu ghenguno kimishì pe püakeu ke.

1 Kor. 8:6

ningu ghengu ye Alhou lakhi likhi ani, pa ye Apù ke eno pa vechewo thowkha kümtsü ighi eno ningu ye pa ghenguno xü acheni ke; eno Ampeu lakhi likhi ani, tiye Jisü Khristo ke, pa vechewo thime kümtsü ighi eno ningu ye pa ghenguno xü acheni.

Galatiami 4:4

Ikemu kughou ado pekithi pe püakeu kupukülai tove keno, Alhou no pa Nu puwu, pa ye totimi lakhi vechewo punú, pa ye ayeza qholo no punú,

Ephesiami 1:10

Tiye kughou panongu ghenguno ado kupukülaive nike no tile no huthu ghi shikupu niye ke—eno tiye kungugha eno ayeghi lo thimeqo kümtsü küqha süwo Khristo qholo qhivetsü niye ke.

Ephesiami 3:9

eno Alhou khuu no thime kümtsü lhosü keno pa gholo wove keu tiqheliqo lo küsüpüa keu tuqhou hipau kümtsü lau mütsümishei ithikulupu shilu peniye bemakho I tsüke.

IBRIMI 1:5

Kughengu Alhou ye kungumiqo khuu vilo kughou no hitoi pipüani kea, “No ye I nu ke; ishí no I no O pù shiluvae” Momu itaghi, “Ni ye Papù shive nani, eno pa no I nu shive nani.”

IBRIMI 1:8

Ikemu Anu vehu lo pa no hitoi pi, “O Alhou, ow aküka lakhü ye alhokupuju eno alhokupuju ghenguno ache nani; amikucho yiküsü no O kükaphu yiküsü shi nani,

IBRIMI 11:3

Aküpülü vechewo lhokejeli ye Alhou’w azakütsü qholo no lhophe kepi vethalu cheni, eno kiu ithulu ani keno tiye kiumu küha keu lono lhophe püani ke.

IBRIMI 2:3

tsalá ningu no xakulu kijè hikithipu phimo aye ningu ye kíshi no pokajolu nani kea? Xakulu hipau khikhi Ampeu no atüghishi shuphe keno tiye timi khunoqo pa tsa chilu keno panongu no ningu lau ithitoi shitsü ke.

IBRIMI 3:6

Ikemu Khristo ye Anu lakhi kehu Alhou kibolomi shou ghí pükhübekulu shike. Ningu no ninguw pülükibe eno ningu no ajuküvü shi achekeu shou lajupu qhi akeu lo ithamo no tsüqüpe aye mütsüqhei no ningu ye pa kibolomi ke.

IBRIMI 4:14

Tighenguno, ningu ye achinetomiqo shou atou akijeu, Alhou Nu Jisü, khuu kungugha lo ikuvea keno, pa anike ghenguno ningu ye ningu no piche keu küpülü mutotoi tsüqüpe ani nolo.

IBRIMI 5:8

Pa ye Anu shi aghí namu pa ye pa no ime keu vechewo aghokulu shikaluve ke,

IBRIMI 7:28

Kughengu ayeza ye miqemilei kemi timiqo kümtsü pelo achinetomiqo shou atou shipe nike süküsü shi cheni; ikemu ashoqhi khikhi ayeza thiu no ighi keno, tino Anu khuu alhokupuju ghenguno kupukülai shipe qhivea keno pa süküsü shike.

IBRIMI 7:3

Apù momu azá küha, alagha küha no, hukuthu tsalaqo momu aküxü kishekha küha no, Alhou Nu kimihi shi ghi, pa ye alhokupuju ghenguno achineu lakhi shike.

IBRIMI 9:26

Tishimo aye Khristo ye ayeghiqha lhopheve keu thiu ghuthu kutomo ime moayesave niche ke. Ikemu pa ye ghuthukhavi lono alhokupuju ghenguno pa likhi pa no aghakishi shive keu vechewo axiné peve nike ghenguno tiqheli kishekha lo ipeghi ke.

1 Peter 1:20

Pa ye ayeghiqha pulhosü mphi lono kisheluve ke, ikemu nongu ghenguno ashekhau do hipaqo lono pa pephe-piye ke.

2 Peter 3:3

Kümtsü nguno akhotoshi, ashekha tsalaqo lo jukünatha chekemiqo no jukünatha ghi pano likhi panow küsakügha kükümsüqo pape ghi ighi nani kepi nongu ye ithi moayesae.

Jude 1:18

Panongu no nongu vilo ishi pi, “Ashekha ghuloki lo timi jukünatha chekemi khunoqo no pano likhi panonguw alhou sümo keu kükümsüqo pape cheni keno tipaqo ipeghi nani.”