FILIPIAMI 4:8 - Sümi Tiqhelimi Bible

⁸ Athiküzümi eno achelimiqo, ashekha shi kiu no kuchou, kiu no xüpivi, kiu no achipiu, kiu no akimthe, kiu no alo keu, kiu no jupe amloqilu cheni—kiu-kiumu akighiché momu sheqhe küzüpu aghí aye—thime tipaqo shou kümsüpuku alo.

BAIBEL (BSI)

⁸ Athikuzumiqo, ashekhashi kiuno kuchou, kiuno gihukuzupu, kiuno achipiu, kiuno mutsumisheyi, kiuno alokepu, kiuno kupukinipu keno akivipu eno shekepushi aghiaye tipaqo thime shou kumsupuku alo.

Sumi Naga CL (Re-edited) Bible (BSI)

⁸ Ashekhashi athiküzümiqo, kiu no kuchou, kiu no gihuküzüpu, kiu no achipiu, kiu no tsüghükhüi, kiu no juviqhiyi, kiu no ashepe tsüküzü keno, akighiche eno sheqhe küzüpu aghi aye, thime tipaqo shou kümsü puku alo.

FILIPIAMI 4:8 ပူးပေါင်းရင်းမြစ်များ

MATTHEW 22:16

Phariseemiqo no panongu khopemiqo eno Herod papemiqo puwu no ishi pipe, “Akükütsüu, ningu no ithi akeu ye no ye kikhikighimi eno Alhou laghi kuchou kiqi lono kütsü achenie. No ye kütami no züluve chekemi kumo, kughengu pano ye khuu keno no ye tipau akhotoshi chemo ke.

Mark 6:20

kughengu Herod no John ye amikuchomi eno akimthemi lakhi kepi ithi no pa sümsa eno süsho acheke. Kughou Herod no John ghili chilu keno pa ye ighono avehuizüve; tishimu pa ye John tsa ini nishive.

Luke 16:15

Jisü no panongu vilo pi, “Nongu no timi zülo nongu likhi nongu ye achipi kepi pìye acheni, ikemu Alhou no nongu mloqo kümtsü ithi ani. Timi no kiu ameküapu kijè ipi cheni keno Alhou zülo ye kiumu amekühae.

Luke 2:25

Jerusalem lo timi amikuchomi eno Alhou sükümsami lakhi Simeon ipikeu ache. Aghungu Kimthe no pa shou ache eno pa ye Alhou no Israel lokughuno tsü nikeu khekulhoshi acheke.

Luke 23:50

Ike tile timi lakhi Joseph ipikeu ae, pa ye Jewmi Hoho lo kihimpemi, akivimi eno achipiu shi chekemi,

John 7:18

Khukhumu pa likhi pa no pi aye tiye pa likhi pa jekipi ghenguno pi anike, ikemu khuu no pa puwu keu jekipi phu cheni keno pa ye kuchou timi ke; pa ye kimikimi kumoe.

Apostolmi 10:22

Panongu no ishi khochile, “Ningu ye aqhe shou zatsüu Cornelius lau no ighi anie. Pa ye amikuchomi, Alhou sümsa chekemi eno Jewmi kümtsü no pa gihu chekemi lakhi ke. Akimthe kungumi lakhi no pa vilo pikeu no O pelo pa ki lo ighino nono kiu pi kepu ani keno pa no ini kepu shini ke ighino pilo pie.”

Apostolmi 22:12

“Timi lakhi Ananias ipikeu no I sasü kusho nike ighi. Pa ye amlokütsü shi ayeza pelu chekemi eno Jewmi tile xüküami kümtsü no akiqheu lono gihu chekemi ke.

Apostolmi 6:3

Athiküzümi eno achelimiqo, nongu dolo timi tsünì Aghungu no chhitoi kemi eno alokütsümi kishephe lo. Ningu no bemakho hipau panoqo pichebeve

Rommi 13:13

Atsala küvü lo akemi toi ningu ghushoghili lo kithikiyi shini nolo. Ningu itho-igho eno shomzümoni, kipito xüküpsa eno ghüpoghüzü shimoni, kichighimo eno anhekushu shimoni nolo.

Rommi 13:3

Kughengu achipi shi chekemi ye ayekipemiqo msà akepu kühae, ikemu khuno no achipi shichemo keno panongu ye msà kepu ani. No ye ayekipe lo akemi msàmo no xü nishi cheni keshea? Tishiaye kiu no achipi keno tipau shilo eno no ye akishé ithulu nani.

Rommi 14:18

Eno khuno no hipau ghola lono Khristo qeni keno Alhou mlokiqipu eno timi lopu shilu anike.

Rommi 2:29

Ikemu, timi khuu no alolo no Jewmi keno pa ye Jewmi ke; eno akiyé yeza lo yèpüa keu vechewo kumo no Alhou Ghungu vechewo amlo kililu keu hu no aphighüyiko-küghá kuchou ke. Titoi kemi lakhi ye timi kütami lau no kumo püzü Alhou lau no akishé ithulu cheni.

1 Kor. 4:5

Tighenguno kughupüa keu do tomphi züu ye kiumu küghathabe kevilo; Ampeu no ighimo ke kutólo khe aghílo. Pa no àküzǘ lo kiu küsüpüani eno amlo lo kiu kümsüpù ani keno kümtsü aküvü lo pekiphe shive tsü nani. Tipau dolo no kümtsü Alhou lau no akishé ithulu nani.

2 Kor. 13:7

Ikehu ningu ye nongu pelo achipikumo lakhimu shipemo nike ghenguno Alhou vilo akighini shi ani. Tiye timiqo pelo ningu ye peju keu lo puthugholuve kepi ithulu penike ghenguno kumoe ikemu ningu no tomove ketoi aghí namu nongu pelo kiu no achipiu keno tipau shipe niye ke.

2 Kor. 6:8

Ningu gihu aghí na gihumove aghí namu, ningu pipivi aghí na pipüsave aghí namu ningu ye Alhou qe acheni. Ningu ye amikuchomi kemu timi ghili kishimi toi kihi acheni.

2 Kor. 8:18

Eno ningu no pa gholo athiküzüu khuu atsakiviu pikülha keu ghenguno akukuhoqo kümtsü no sheqhe acheni keno tipau puwu ani.

2 Kor. 8:21

Kughengu ningu ye Alhou zülo likhi kumo no timi nhekithe lo ghí kiu no achipiu keno tipau shini ke aghime shi mülà acheni ke.

Galatiami 5:22

Ikemu Aghungu xathi ye kikimiye, alokiqi, aloino keu, kheakulu, küpüqhiyi keu, akivi, pichebekulu,

Ephesiami 4:25

Tighenguno akimiki tsa pi kevilo. Nongu lakhi-khi no nongu kisüghümi vilo kuchou tsa pilo, kughengu ningu kümtsü aphimpi lakhi lo kihiküsümi ke.

Ephesiami 5:9

(kughengu aküvü xathi ye kümtsü akivipu, achipiumikucho eno amikucho ke)

Ephesiami 6:14

Tighenguno ithamo no puthugholu lo, amikucho pesü nongu pokha shi pulo; achipiumikucho pesü amla küküzüpu shi pulo;

FILIPIAMI 3:1

I thiküzümi eno I chelimiqo, tinguno alau no Ampeu lono alovishelo! I no pive keqo itaghi atho nongu lau yè kithe aní keu I ghenguno kushokütsü kumoe, eno tiye nongu ghenguno sükushopu lakhi ke.

Kolosiami 4:5

Alhou pülümo kemi gizülo nongu ye alokütsü shi no xü pìyelo; eno adokivi ithukulu kümtsü akivishi peitha lo.

1 Thes. 4:12

tishi keu lono nongu küxü lhoaye vechewo Alhou pülü chemo kemiqo pelo nongu gihu peniye ke eno nongu pelo khuu shoumu pükhü pemo niye ke.

1 Tim. 2:2

Tihutoi kükami eno kükagha lo akemi kümtsü ghenguno inikhu tsülo, tishianguno ningu pelo Alhou ithi keu eno akimthe lono iqünhei eno aloino ghi xülu penike.

1 Tim. 3:11

Tipau tho lono totimiqo ghí gihu küzüpu shi moayesa, timi xishi kepu kumo ikemu aghibiu shi no thowkha lo pükhübekulu shi moayesa.

1 Tim. 3:4

Pa ye akivishi pa likhi pa kibo tucholu kemi shi moayesa eno pa nuliqo ye pa gholu aghí moayesa, eno pa ye pa nuliqo no akiqheu shi gihu nikeu ghola lono xü moayesa.

1 Tim. 4:12

Timi khuu pelomu no ye lhothemi kepi O jukünatha pe kevilo, ikemu atsapi lo, süqeghili lo, kikimiye lo, aküpülü lo eno akimthe küxü lo küpülümiqo ghenguno kiche-kipiye qhitsülo.

1 Tim. 5:10

eno li kümlà kivi ghenguno ajekipi shikemi. Akümlà kiviqo ye anuliqo saputhu keu, sasükini shikeu, Ampeu’w timiqo pukhu qhutsü keu, aveküsa shi akemi kuphu keu eno akümlà kivi jeliqo kümtsü lo amlo tsü keu ke.

1 Tim. 5:2

azá toi topumiqo peitha lo, eno ilimiqo ye achepu toi müqhamiqhiyi shi peitha lo.

Titus 1:8

Ikemu, pa ye inami sasükinimi shi aghí moayesa, kiu no alo keno kimiye chekemi, alikhi aghasü kulumi, amikuchomi, akimthe eno aghokulumi shi aghí moayesae.

Titus 2:14

pa no pa küxü pesü ningu ghenguno ikhiphe pe tsüve eno küsakügha kümtsü lau no ningu xachilelu eno pa likhi paw timiqo shikimthe tsüke, tiye ningu pelo kiu no akivi keno tipau lo minemighei shi ape niye ke.

Titus 2:2

Layemiqo vilo aghibiu shini keu, timi no gihu küzüpu, alikhi aghasülu nikeu, aküpülü lo mütsümishei nikeu, kikimiye eno kutuukulu shini keu hipaqo shikalo.

Titus 2:7

Thowkha kümtsü lo kiu no akivi keno tipau shi püzü panongu zülo kiche-kipiye lakhi shilo. Ow shiküka lo hipaqo pìyelo, kikhikighi, tsaqütsalei keu,

Titus 3:14

Niw timiqo ye kiu no akivi keno tipau shi aní keu lo pulopiniyi amoayesae, tishianguno avehupu shi akemiqo kuphulu eno ameküha keu küxü xümo nani ke.

IBRIMI 11:2

Hi ghenguno ningu pù-asüqo sheqhe ke.

IBRIMI 13:18

Ningu ghenguno inikhu tsülo. Ningu ye alolo kighithi eno thowkha jeli kümtsü lo agigihupu küxü xü nishi keu mütsümishei ani.

James 1:27

Ningu Papù Alhou no akimthe eno akipimí küha keu chineye ipi ikhilu chekeu ye hike: mighimi eno chimemiqo no aghime kitikhi shi akelo tucho-heju nikeu eno ayeghilomi pelo o shikuchubeve keu shipemo no putosülu keu ke.

James 3:17

Ikemu kungugha lono ighi chekeu lokütsü tipau ye atüghishi akimthe ke; tipau shelo külakishi kimiye keu, kümsükulu, aghokulu, kikimiye no chhitoi keu ngò axathi kivi, agikuju küha keu eno amikucho ke.

1 Peter 1:22

Itehi ye nongu pelo kuchou gholu keu vechewo amikucho shi lakhi no lakhi kimiyekilé penike ghenguno nongu ye thakütsüghüvea ke amlo lono thonhei shi no lakhi no lakhi kimiyekilé lo.

1 Peter 2:12

Jewkumomiqo gholo akivishi xülo. Panongu no nongu ye achipikumo kümlà shi ani kepi nguku aghí namu Alhou no ningu xuju ighi keu tsalà lo panongu pelo nongu kümlà kivi ithulu no ajuküvü pesü Alhou tsü pelo.

1 Peter 4:8

Kümtsü nguno alau, amlotsüqhiyi shi lakhi no lakhi kimiye lo, kughengu kikimiye no axiné kutomo nhavetsü cheni ke.

2 Peter 3:1

Kimiye chekemi shompamiqo, hiye nongu lau iw yèsü akiniù ke. Ni ye nongu pelo akükümsü akivipu lo kümsüpuku peniye nongu lau shikumto ghi pikithe akeu shi yèsü kinikujo yè ke.

1 John 3:18

Kimiye chekemi anuliqo, ningu atsa momu atsapi lo likhi no kimiyemoni ikemu akümlà eno kuchou lono kikimiye pepheni nolo.

1 John 3:3

Pa ye akimthe kehu pa shou lajupu qhi kemi kümtsü panongu likhi panongu shikimtheve cheni.

1 John 4:1

Kimiye chekemi shompamiqo, aghungu kümtsü pülü kevilo, ikemu aghunguqo hu ye Alhou lau no ighi keu keo mokeno peju lo, kughengu kichileu tungkupumiqo kutomo ayeghiqha lo ipeghivae.