FILIPIAMI 4:1 - Sümi Tiqhelimi Bible

¹ Tighenguno, I thiküzümi eno I chelimi I no kimiye, kümsü eno sholu nishi chekemi shompamiqo, I lokiqi eno I kijuvilei shitsü chekeqo, hipau ghola lono Ampeu lono ithamo no puthugho lo!

BAIBEL (BSI)

¹ Tishiaye, ino kimiye eno ino kusholu nishi achekemi ithikuzumiqo, ilopivi chekeqo eno ikijipivi tsu chekeqo, ino kupuchekeqo, nonguno Ampeu gholono xuakeulo hikithipushi mutotoi puthugho akepuke.

Sumi Naga CL (Re-edited) Bible (BSI)

¹ Tighenguno I thiküzümi khunoqo I no kimiye eno sasü kusho lunishi cheni keno, I lopivi eno I kijivile tsü chekeqo, Ampeu lau mtotoi puthugho lo, I no qhuivü chekeqo.

FILIPIAMI 4:1 ပူးပေါင်းရင်းမြစ်များ

MATTHEW 10:22

I ghenguno timi kümtsü no nongu mithi nani, ikemu khuu no ashekha kutólo mutotoi puthugho aghíni keno xaluve nani.

John 8:31

Jisü no pa pülüluve kemi Jewmiqo vilo ishi pi, “Nongu no I kükütsü papelu aye nongu ye kuchou no I khopemiqo ke.

Apostolmi 11:23

Kughou pa no Antioch tove püzü Alhou’w küpükini no kiu mülave tsü akeno ithulu kelo, pa ye amlokiqi shive eno amlo kümtsü pesü Ampeu ghokulu shi alo ipi panongu shikumto tsüe.

Apostolmi 14:22

eno hipaqo-a lo küpülümiqo pelo panongu küpülü lo kuchou shi apenike hakite eno shikumto tsü. Pama no pi, “Alhou kükaphu lo ilo nike ghenguno ningu ye shiluküsa kutomo veche moayesae.”

Apostolmi 2:42

Küpülümiqo no pulopiniyi shi apostolmi no kütsü keu pape, kuposhu, asho süpho kijé chu, eno akighini shie.

Rommi 2:7

Khunoqo no tamo no akümlà kivi shikeu lono ajuküvü, agigihu eno khilemu thivemo nikeu phu cheni keno, Alhou no lhokta küxü tsü nani.

1 Kor. 15:58

Tighenguno, I no kimiye chekemi athiküzümi eno achelimiqo, mutotoi puthugho lo. Kiu pelo nomu nongu süküghütha pe kevilo. Pülhapuju lo nongu likhi nongu dokivi kümtsü pesü Ampeu kümlapù lo tsülo, kughengu nongu no ithi akeu toi Ampeu ghenguno mülà keu lo khilemu adou shive chemoe.

1 Kor. 16:13

O likhi O khekuto alo: aküpülü lo mutotoi puthugho lo; amlo kumto shilo; akumto shilo.

2 Kor. 1:14

nongu no ningu ithikuthu khamla namu nongu ye ithikuthuluve nani kepi laju ani. Tishi keu vechewo Ampeu Jisü tsalà lo ningu no nongu ju pesü agijivilei ketoi nongu no ningu ju pesü agijivilei nani.

Galatiami 5:1

Ningu pelo khaqhipheve keu küxü xü penike ghenguno Khristo no ningu kuqhophevae. Tishiaye, akumto shi puthugho lo, eno aqüaxemiw kuokhasü lo O likhi O kitime kithe kevilo.

FILIPIAMI 1:27

Kiu-kiu shive namu, nongu likhi nongu pesü Khristo tsakiviu lo kiu aküzüpu keno tipau shilo. Tishianguno I no ighino nongu sasü kusholu na, I küküha lo nongu no kíshi ani keno tipau ghili likhi chilu namu, nongu no amlo lakhi shi no puthugho akeu, eno atsakiviu küpülü ghenguno akükümsü lakhi shi no pükapütsa akeu I pelo chilu pelo.

FILIPIAMI 1:8

I no Khristo Jisü’w ivüilai keu lono kíshi nongu kümtsü kümsü acheni keno Alhou no thopi shi tsülu nani.

FILIPIAMI 2:16

Tiye nongu no ithamo no aküxüpu tsa pelu keu lono shilu nani ke. Tishilu keu vechewo ni ye adou lono pokive püamo momu mülà pe püamo kepi Khristo tsalà lo agijivileilu nani.

FILIPIAMI 2:26

Kughengu pa ye nongu kümtsü kümsü ani eno nongu no pa no sǜ akeu ghili chiluve keu ghenguno pa ye ighono amlosa ani.

Kolosiami 4:12

Epaphras khuu Khristo Jisü qeu lakhi eno nongu gholo kuposhu ache keno pa ghí petha tsüpuwu ani. Pa ye pülhapuju nongu ghenguno pulopiniyi inikhu acheni, tiye nongu pelo thowkha kümtsü lo Alhou pulou shilu no ithamo püzü tekhoi eno mütsüqhei shi puthugholu peniye ke.

1 Thes. 3:13

Pa pelo nongu mlo shikumto tsü peniu, tishianguno Ampeu Jisü no paw akimthemiqo kümtsü sasü ighi kelo ningu Papù eno Alhou zülo tukutiye küha no akimthe shi ighilu peniye ke.

2 Thes. 2:15

Tishiaye, athiküzümi eno achelimiqo, ithamo no puthugho lo eno ningu no akichi tsa lono momu yèsü vechewo akükütsü tsaqo nongu tsü keqo mutotoi tsüqülulo.

2 Tim. 2:1

Tishiaye, I nu, no ye Khristo Jisü vechewo küpükini akeu lono akumto shilo.

IBRIMI 10:23

Ningu ye khilemu iqemo no ningu no piche keu lajupu tsüqüpeni nolo, kughengu Alhou ye pa no piqhipüa keu lo pükhükulu shi cheni ke.

IBRIMI 3:14

Kuchou lo ye ningu no atüghi lo pülütoilu keu hu ashekha kutólo ithamo no tsüqüpe aye ningu ye Khristo gholo küsaje niye ighiluvea ke.

IBRIMI 4:14

Tighenguno, ningu ye achinetomiqo shou atou akijeu, Alhou Nu Jisü, khuu kungugha lo ikuvea keno, pa anike ghenguno ningu ye ningu no piche keu küpülü mutotoi tsüqüpe ani nolo.

2 Peter 3:17

Tighenguno, kimiye chekemi shompamiqo, nongu ye azüu no pikichivea ke ghenguno, nongu likhi nongu khekuto lo tishianguno ayeza hekibidemiw shikipimi pelo nongu müsü sasü wuve pemo eno nonguw mutotoi keu-a lono ikiqive pemo niye ke.