FILIPIAMI 2:5 - Sümi Tiqhelimi Bible

⁵ Nongu lakhi no lakhi sasü kütshükime akeu lo Khristo Jisü kükümsü toi xapu lo:

BAIBEL (BSI)

⁵ Khristo Jisu lolo ache keu nongu gholo ghi alulo:

Sumi Naga CL (Re-edited) Bible (BSI)

⁵ Khristo Jisü kükümsü ghola khikhi nonguw shilu keno, hi no nongu gholo alo,

FILIPIAMI 2:5 ပူးပေါင်းရင်းမြစ်များ

MATTHEW 11:29

Iw kuokhasü ikhilu no pepulo eno I lau no shikalulo, kughengu ni ye amlo kümtshami eno aqhokighemi ke, eno nongu ngulho ghenguno akulhokiqhi phulu nani.

Luke 22:27

Kughengu khuu no akijeu kea, aghulhu lipa lo iqa akeu no keo pa lojí akeu no kea? Aghulhu lipa lo iqa akeu no kumo keshea? Ikemu ni ye nongu gholo lokijimi lakhi toi acheni ke.

Apostolmi 10:38

Nongu ye Alhou no kíshi Nazareth nó ghami Jisü shou Aghungu Kimthe eno aküka vechewo nukishelu keno ithi ani. Jisü no akümlà kivi shisü iqho-iqi eno tüghami küká lo qhasü pe akemi kümtsü shipivi ke, kughengu Alhou no pa gholo ae.

Apostolmi 20:35

I no shikeu kümtsü lo shishe aghime shi mülà püzü miqemilei kemi kuphu moayesae ipi nongu pìye ke, eno Ampeu Jisü ampi no hitoi pipüa keu tsa kümsülu akepue, ‘Tsü keu no lu keu nguno akümghapue.’ ”

Rommi 14:15

Tsalá nono kiuala chu keu ghenguno O thiküzümi momu O chelimi pukhu küpüsüpu shive aye, no ye kikimiye lono xü anike kumovae. O chuqu pelo timi khuu ghenguno Khristo thive keno tipau shipüsave pe kevilo!

Rommi 15:3

Khristo ghí pa likhi pa pulou shimo ke, kughengu Kuchoyesü lo ishi yèpüani: “Timi no nongu thaigha keqo ye I shou ikughivae.”

Rommi 15:5

Nongu pelo amlo lakhi eno asütsa lakhi lono Alhou eno ningu Mpeu Jisü Khristo Papù juküvü shilu penike ghenguno kutuukulu eno shikumto tsü chekeu Lhou pelo Khristo Jisü toi nongu dolo akükümsü lakhi lono xülu penike kuphutsü peniu.

1 Kor. 10:33

Ni ghí alaghi jeli thowkha lo nongu kümtsü mlopiqi tsü niye pükapütsa acheni ke. Kughengu ni ye I likhi I kivipu phu chemoe ikemu timi kutomo kivipu phu acheni, tishianguno panongu pelo xaluve peniye ke.

Ephesiami 5:2

eno Khristo no ningu kimiye no pa likhi pa ikhiphe pesü ningu ghenguno Alhou lau axokütsüngü kümlagho eno aghakishi lakhi shi tsüve keu toi, kikimiye lono xüche lo.

FILIPIAMI 1:1

Khristo Jisü qeu Paul ngò Timothy pama no, Khristo Jisü vechewo Philippi lo Alhou’w akimthemiqo eno panongu gholo jukükütsümi eno aghinimiqo kümtsü lau yèlu ani:

1 Peter 2:21

Hipau ghenguno nongu kulùvea ke, kughengu Khristo ye nongu ghenguno ime keu vechewo nongu ghenguno kiche-kipiye lakhi qhivetsüae, eno nongu ye pa nepa lo pape moayesae.

1 Peter 4:1

Tighenguno, Khristo ye pa phimpi lo imeve ake ghenguno, nongu ghí titoi keu kükümsü athoshi pulo, kughengu khukhumu aphimpi lono ime keu ye axiné shichemoe.

1 John 2:6

Khukhumu pa ye Alhou gholo xüani kepi pükha aghí aye Jisü no xü keu toi xü moayesae.