Ephesiami 6:9 - Sümi Tiqhelimi Bible

⁹ Eno ampemiqo, nongu ghí tipau tho lono nongu qüaxemiqo peitha lo. Panongu kichi kevilo, kughengu nongu Lhou khuu kungugha lo ani keno, pa ye ampemi eno aqemi kinikujo Mpeu ke ipi nongu no ithi ani, eno pa ye agikuju shichemoe.

BAIBEL (BSI)

⁹ Amipemiqo, pivekeu toi nongu ghi nongu qu-axemi peitha pivilo, eno aqu-axemi kichi kevilo. Kughengu panongu eno nongu wu Ampeu ye kungughalo anikepi kumsululo, paye timi kumtsu aphiphishi peitha chenike.

Sumi Naga CL (Re-edited) Bible (BSI)

⁹ Ampemiqo, nongu ghi aqü-axemi peitha pivilo, eno panoqo kichi kümsa kevilo. Kughengu nongu Mpeu kungugha lo akeu no pano Mpeu ghi kepi ithilo, eno Pa gholo ye agikuju kühae.

Ephesiami 6:9 ပူးပေါင်းရင်းမြစ်များ

MATTHEW 22:10

Ikehu aqemiqo no alaghilaqo lo wu püzü timi akivimi ghí eno alhoküsami ghí khijehi sholu keno panongu no ku kumqolu, ikelo külakupu chebo kijè akeu hu ye inamiqo no chhive.

MATTHEW 22:8

“Tishi no pa no pa qemiqo vilo pi, ‘Külakupu ghulhu ye kutovae, ikemu I no khunoqo kusüpüa keno panongu ye ighi küzüpu kumovae.

MATTHEW 24:48

Ikemu tsalá aqeu no küsakügha shi no pa likhi pa pütsa ghi, ‘I mpeu ye ighi nikeu ado kushuwa lunani,’ ipi

MATTHEW 24:51

Ampeu no pa qeu aleqhi shi ghithave nani eno pa pesü kühaküghamiqo gholo qhive nani, eno tilehi ahu tsüghü-bubushi qa anani.”

MATTHEW 7:12

Ikehu thowkha kümtsü lo, O lau shipe nishi ketoi kütami lau shilo, tishianguno Moses yeza eno Tungkupumiqo kükütsü shikupuve anike.

Luke 6:31

O lau shipe nishi ketoi kütami lau shilo.

John 13:13

Nongu no I vilo ‘Akükütsüu,’ eno ‘Ampeu,’ ipi ku cheni, eno tishi ku keu ye achipi, kughengu tino ni ke.

Apostolmi 10:34

Tile Peter no ishi pithu: “I no itehi no vethalu akeu ye Alhou ye timi kümtsü aphiphi shi peitha acheni ipikeu ye kiutoi kuchou

Rommi 2:11

Kughengu Alhou ye agikuju shichemo ke.

1 Kor. 1:2

Alhou kukuhou Korinth lo Khristo Jisü lono shikimtheve no paw akimthemi shilu peniye kulùve kemi, tipau gholo ningu Mpeu Jisü Khristo, khuu ningu eno panongu Mpeu keno, pa jeku chekemi kümtsü lau yèlu ani:

1 Kor. 7:22

Kughengu timi khuu no Ampeu küpülü lo kulù kelo aqüaxemi shi ache keno pa ye Ampeu’w kuqhopheve kemi ake; tihutoi, timi khuu no kughou Ampeu no kulù kelo kuqhopheve no akeno pa ye Khristo qüaxemi ake.

Kolosiami 3:25

Khukhumu achipikumo shikeu ye panongu no achipikumo shikeu ghenguno lochile nani, kughengu Alhou ye agikuju shichemo ke.

Kolosiami 4:1

Ampemiqo, nongu qüaxemiqo lau achipi eno amikucho shilo, kughengu nongu no ithi akeu toi nongu Mpeu ghí kungugha lo anike.

James 2:13

kughengu khukhumu kimiyekini küha kemi lau ye kimiyekini pìyemo no küghatha nani. Kimiyekini no küghakütha shou tokulu shilu cheni.

James 2:8

Tsalá nongu no Kuchoyesü lo akiqheu yeza, “O likhi O toi O kisüghümi kimiye lo,” ipi püakeu kuchou no pape aye nongu ye achipi shi ani.

James 5:4

Julo! Nongu no akümlàmi khunoqo nongu luche lo atsüniqo gheve tsü keno tipaqo ajume tsümo keu ghenguno nongu lau igha qa anie. Ghile kuhumiqo küqa no Akughushuu Mpeu kìní tovae.