Ephesiami 6:8 - Sümi Tiqhelimi Bible

⁸ kughengu panongu no aqüaxemi shi aghina momu kuqhopheve kemi shi aghí namu Ampeu ye panongu no kiu akivishi keno tipau ghenguno timi lakhi-khi qesaxu tsü nani kepi nongu no ithi anie.

BAIBEL (BSI)

⁸ Aqu-axemi na aqu-axemi kumo namu pano akumla kivi shipuakeu Ampeu no tipau pa tsuchile nani kepi ithilo.

Sumi Naga CL (Re-edited) Bible (BSI)

⁸ Aqü-axemi na monamu pa no akümla kivi shipüa keu ye Ampeu no tsüchile nani kepi ithilo.

Ephesiami 6:8 ပူးပေါင်းရင်းမြစ်များ

MATTHEW 16:27

Kughengu Timi Nu ye papù juküvü lono paw kungumiqo sasü ighi nani, eno tisheno pa no timi lüthü lakhi no kiu mülà püaghini keno tipau kiqi lono qesaxu tsü nani.

MATTHEW 20:7

Panongu no ishi khochile. “ ‘Kughengu khuu nomu ningu aqe-piqe moke.’ “Pa no panongu vilo pi, ‘Nongu ghí wulo eno I tsailu lo mülà lo.’

MATTHEW 5:12

Alovishelo eno alovi alo, kughengu kungugha lo nonguw qesaxu kijè ani, kughengu panongu ye nongu züu tungkupumiqo ghí tihutoi pishi-puju acheke.

MATTHEW 6:1

“O chipiumikucho kümlà ithulu peniye timi zülo pephe-piye keu shimo nike kutokupui alo. Tsalá nongu no tishiaye, Apù kungugha lo akeu lau no asaxu ithumla nani.

MATTHEW 6:4

tishianguno nono tsü akeu ye tuqhou shilu nani ke. Tishi keu vechewo nongu Papù khuu nongu no tuqhou no kiu mülà acheni keno ithulu akeu hu no asaxu nongu tsü nani.

Luke 14:14

eno no ye kümgha keu ithulu nani. Panongu ye O lochile müla nani ikemu amikuchomi xüleputhu keu tsalà lono O lochileve nani.”

Luke 6:35

Ikemu O ghümiqo kimiye lo eno panongu lau akivi kümlà shilo, püná lo eno kiumu tsüchile pe nikeu laju kevilo. Tishianguno no ye ajume kijè anani eno no ye shishe Akiqheu Lhou nuli shilu nani; kughengu pa ye shikimthi küha kemi eno küsaküghami lau kimiyeqhiyi ke.

1 Kor. 12:13

Kughengu ningu no Jewmi momu Jewkumomi shi aghina, aqüaxemi momu kuqhopheve kemi shi aghí namu aphimpi lakhi shive penike ghenguno ningu kümtsü Aghungu lakhi lono baptiz shike eno ningu kümtsü lau Aghungu lakhi tsüke.

2 Kor. 5:10

Ningu lüthü lakhi-khi no ayeghi phimpi hipau lo ache kelo akivi kümlà momu alhoküsa kümlà mülàpüa keu jume ithulu penike ghenguno ningu kümtsü Khristo küghakütha lakhü zülo ighi moayesa nani.

Galatiami 3:28

Ikehu Jewmi ngò Jewkumomi, aqüaxemi ngò kuqhopheve kemi, kipitimi ngò totimi dolo kütüqü keu kühae, kughengu Khristo Jisü gholo kimepe akeu lono nongu kümtsü lakhi ke.

Kolosiami 3:11

Alhoaye akitheu küxü hipau lo ye Jewmi momu Jewkumomi, aphighüyiko ghave kemi momu aphighüyiko ghamo kemi, ayekümthami, Scythiami, aqüaxemi momu kuqhopheve kemi kühae, ikemu Khristo no kümtsü nguno akhotou eno pa ye kümtsü lolo anike.

Kolosiami 3:24

kughengu nongu ye Ampeu lau no qesaxu mheghi ithulu nani kepi nongu no ithi anike. Nongu no qe akeu hu ye Ampeu Khristo ke.

Kolosiami 3:25

Khukhumu achipikumo shikeu ye panongu no achipikumo shikeu ghenguno lochile nani, kughengu Alhou ye agikuju shichemo ke.

IBRIMI 10:35

Tighenguno nonguw pülükibe pheve kevilo; tiye kinikülü shi qesaxu tsü nani ke.

IBRIMI 11:26

Khristo je ghenguno timi no pa peithapüsa keu lo Egypt yeghi lo akinikhuki kümtsü nguno amekushou kepi kihiluve, kughengu pa ye paw qesaxu huqhe ake.