Ephesiami 6:18 - Sümi Tiqhelimi Bible

¹⁸ Ado aghuloki kümtsü lo Aghungu lono qhüiniju eno inikhu achelo. Amlo lo hipau qhi no kutokughoi alo eno pülhapuju Ampeu’w timiqo kümtsü ghenguno tamo no inikhu achelo.

BAIBEL (BSI)

¹⁸ Ado aghuloki kumtsulo Aghungu no sapiyekeu lono Alhou vilo qhuiniju ghi pulhapuju inikhu chelo. Tipau kimji lono tsukhuyi shialo eno khilemu kughucho kevilo; Alhou wu timiqo ghenguno khuini tsualo.

Sumi Naga CL (Re-edited) Bible (BSI)

¹⁸ Ado kümtsü lo Aghungu lono Alhou vilo khu, eno qhüiniju keu kighini shilo. Tipau kimji lono tsükhüi shino küpülümi ghenguno khuini tsülo.

Ephesiami 6:18 ပူးပေါင်းရင်းမြစ်များ

MATTHEW 17:21

Ikemu hitoi keu ye akighini eno kümvü keu likhi no haphelu nanie.”

MATTHEW 26:41

Nongu ye ghukuju lo ikiqivemo kepu shi, jukuto eno inikhu alo. Aghungu ye puloniqhiyi ani ikemu ashi-aji no miqemilei anie.”

Mark 13:33

Kutokupui khealo! Kutokughoi shilo! Nongu ye kughou no ado tipau ighi nani keno mtha ke.

Mark 14:38

Nongu ye ghukuju lo ikiqivemo kepu shi, jukuto eno inikhu alo. Aghungu ye puloniqhiyi ani, ikemu ashi-aji no miqemilei anie.”

Luke 21:36

Ikehu ado kümtsü lo lotsüloghui alo, eno hipaqo shikupu niye akeu kümtsü lono pokajolu penike eno tishilu keu vechewo no ye Timi Nu zülo puthugholu penike ghenguno inikhu alo.”

Luke 22:46

Ike pa no panongu vilo pi, “Nongu ye kushiye zü ani kea? Ithuvelo eno ghukuju lo ikiqimo nike inikhulo.”

Luke 3:26

Maath nu, Mattathias nu, Semein nu, Josek nu, Joda nu,

Luke 3:37

Methuselah nu, Enoch nu, Jared nu, Mahalalel nu, Kenan nu,

Apostolmi 1:14

Apostolmiqo ye tamo no totimiqo eno Jisü pazá Mary ngò pa thiküzümiqo gholo kümtsü küqha no inikhu ache.

Apostolmi 10:2

Cornelius eno pa kibolomi kümtsü Alhou lau amlo kütsümi eno Alhou sümsa chekemi; pa ye kümsá no shishe kumlhomiqo kuphu eno pa ye tamo no Alhou vilo inikhu ache.

Apostolmi 12:5

Ikehu Peter ye akughuki lo khathapüa, ikemu akukuhou no pa ghenguno pulopiniyi Alhou vilo inikhu ae.

Apostolmi 6:4

no ningu ye akighini eno Alhou tsa pichebekümlà lo amlo tsünie.”

Rommi 12:12

Lajupu akeu lo alovilo, aghime lo kutuu lo, akighini lo amlotsüqhiyi shilo.

Rommi 8:15

Alhou no pa Ghungu nongu tsü keu ye nongu pesü aqüaxemi shive no nongu pelo itaghi msà kithe ghi xüpe niye tsümoe; ikemu nongu no Aghungu ithulu keu vechewo Alhou no saputhuluve keu anukishimi shitsüe, eno Aghungu küká lono ningu no, “Abba, Apùo!” ipi ighamuku cheni.

Galatiami 4:6

Kughengu nongu ye pa nuliqo kehu, nongu pelo, “Abba, Apùo,” ipi ku penike ghenguno Alhou no ningu mlo lo pa Nu Ghungu puwu ke.

Ephesiami 1:16

ni ye nongu ghenguno shikimthi keu tavemo no I kighini lo nongu kümsülu acheni.

Ephesiami 2:22

Khristo gholo kimepe akeu lono nongu ghí Alhou no pa Ghungu vechewo ngo chekeu-a tipau aqó shi shiqhepukulu anike.

Ephesiami 3:18

eno Ampeu’w akimthemiqo gholo aqó shi Khristo’w kikimiye ye kiutoi kijè, kushuwa, qhemghai eno thonhei keno ithilu kepu küká aluve peniye ke,

Ephesiami 3:8

Ni ye Ampeu’w timiqo kümtsü gholo akuu-amighiu shi aghí namu, küpükini hipau pesü I tsüke: tiye Jewkumomiqo lau Khristo’w ashekha-aghile küha keu kinikülü ghili kütsü nikeu,

Ephesiami 6:19

I ghenguno ghí inikhu tsü alo. Tishianguno kugho-kughomu I no atsa pìní kelo I pelo msàmo no atsakiviuw tuqhou ithilu pe kepu tsaqo I tsüpe niye ke,

FILIPIAMI 1:4

I no nongu kümtsü ghenguno inikhu ke kümtsü lo, ni ye alhokuthu alokiqi àghi inikhu cheni

FILIPIAMI 4:6

Kiu ghengu nomu amlo kütakihi kevilo, ikemu atüqhüdo kümtsü lo akighini eno qhüiniju keu gholo shikimthikütsü vechewo nongu vehupu pesü Alhou vilo pilo.

Kolosiami 1:3

Kughou ningu no nongu ghenguno inikhuni keno ningu ye alhokuthu ningu Mpeu Jisü Khristo Papù Alhou shikimthi cheni,

Kolosiami 1:4

kughengu nongu no Khristo Jisü shou aküpülü akeu eno Alhou’w timiqo kümtsü lau nonguw kikimiye akeu ningu no chilu ke—

Kolosiami 4:2

Tamo no inikhulo, jukutokughoi lo eno Alhou shikimthiqhiyi alo.

1 Thes. 5:17

tamo no inikhulo,

1 Tim. 2:1

Tishiaye I no atüghishi nongu qhüiniju akeu ye timi kümtsü ghenguno inikhu tsülo. Panongu kümtsü züqhu shi alakipikütsü eno shikimthikütsü tsülo.

2 Tim. 1:3

Ni ye alolo kighithi mütsümishei shi no I pù-asünoqo no qe chekeu lhou khuu I no qe acheni keno pa shikimthi ani. Ni ye putho-pucho I kighini lo tamo no O kümsülu acheni.

Philemon 1:5

kughengu nono akimthemiqo kümtsü lau ow kikimiye akeu eno Ampeu Jisü shou O küpülü akeu I no chilu ke.

IBRIMI 5:7

Jisü no ayeghi lo xü ake ghuloki lo, pa ye shishe qa eno anhezü-piji ghi khuu no akithí lono pa xalu nani keno pa lau akighini gholo no qhüiniju puku ke, eno pa no Alhou sümsa ghi aqhokighe shikeu ghenguno pa kighini chilutsü ke.

1 Peter 4:7

Thime kümtsü ashehove nikeu ye kupunúvae. Tighenguno kutokughoi lo eno tsükhütsüvai keu kükümsü xapu ngo lo tishianguno nongu ye akighini shilu peniye ke.

Jude 1:20

Ikemu nongu I no kimiye chekemi shompamiqo, nongu ye nongu küpülü shishe akimtheu shou qhi keu eno Aghungu Kimthe lono inikhu keu vechewo nongu küxü shiqhepuku lo,