Ephesiami 5:3 - Sümi Tiqhelimi Bible

³ Ikemu nongu dolo kipito xüküpsa, momu mithekumo jeli kiu-kiumu, momu alakimine kitilamu aghí pe kepu kumoe, kughengu hipaqo ye Alhou’w akimthe timiqo ghenguno achipikumo ke.

BAIBEL (BSI)

³ Nonguye Alhou wu timiqo shivea kehu, shupu salha, mithekumo jeli momu alakiminepe khilemu nongu shou pipukupe kepu kumoe.

Sumi Naga CL (Re-edited) Bible (BSI)

³ Alhou küpülümi shive akehu, shupu-salha, mithekumo jeli momu alakimne ye nongu dolo küptsa keumu shimoni.

Ephesiami 5:3 ပူးပေါင်းရင်းမြစ်များ

MATTHEW 15:19

Kughengu amlo lono alhoküsa kükümsüqo—ghikiqhi, shupu keu, kipito xüküpsa, aküpüka, kichileu shepe eno pipütha keu ipeghi cheni.

Luke 12:15

Tisheno pa no panongu vilo pi, “Jukuto lo! Alakimine jeli kümtsü lono O likhi O jukuto lo; aküakini nibonilei pighi auve keu no aküxü kumo ke.”

Luke 16:14

Phariseemi khunoqo no pisa kimiye cheni keno panongu no hi kümtsü chilu püzü Jisü junu ae.

Apostolmi 15:20

Tishini ke züqhulo ningu ye panongu lau akiyé lono ajulho lhouqo müláve keu chuqu chumo nikeu, kipito xüküpsa shimo nikeu, lhoxü tshüqhi-pìthí keu shì eno ajì chumo kepu shi pive kepue.

Apostolmi 20:33

Ni ye khuuw ghükayi, ameshoyi momu tiphiminimu jumine pe püamoe.

Rommi 1:29

Panongu ye küsakügha, alhoküsa, alakimine eno alhoküsa jeli kümtsü no chhitoi ani. Panongu küxü ye anhekushu, hekiqhi, kumgho keu, pishikiqhi eno axeküsü no chhitoi ani. Panongu ye xishi chekemi,

Rommi 16:2

Nongu pelo Alhou’w timi sasü chekeu toi Ampeu je lono li sasü tsü penike I no nongu lau qhüiniju ani. Eno li no nongu lau no kiu akukuphu avehupu shini keno kuphutsü penike qhüiniju ani, kughengu li ye I likhi kumo no timi kutomo kuphu püani ke.

Rommi 6:13

Nongu phi-au lakhimu pesü küsaküghaw küghaküsü shi ghi axiné lau ikhiphe tsü kevilo, ikemu tishini ke züqhulo akithí lono aküxü shive kemiqo toi O likhi O küxü pesü Alhou lau ikhiphe pe tsülo; eno O phi-au eno O mlo kükümsü kümtsü pesü achipiumikucho küghaküsü lakhi toi ikhiphe pe pa tsülo.

1 Kor. 10:8

Ningu ye panongu khami no shikeu toi kipito xüküpsa kümlà shikepu kumoe—atsala lakhi lono pano qhethonhe mukuküthü thive ke.

1 Kor. 5:1

Nongu dolo kipito xüküpsa kümlà shi akeu sütsa kuchou no ighivae, eno tikithipu ye Jewkumomiqo dolo ghí shichemo keu ke: Tiye timi lakhi no papù nipu sasü küghünave keu ke.

1 Kor. 6:13

Nongu no ishi pi cheni, “Achuqupu ghenguno akive eno akive ghenguno achuqupu, ikemu Alhou no küma kinikujo kütsave nani.” Tishimu aphimpi ye kipito xüküpsa shipe nike ghenguno kumoe ikemu Ampeu ghenguno ke, eno Ampeu ye aphimpi ghenguno ke.

1 Kor. 6:18

Kipito xüküpsa lau no pove lo. Timi lakhi no axiné kütau shikeu kümtsü aphimpi nguno khalau ke, ikemu timi khuu no kipito xiné shini keno, pa ye pa likhi pa phimpi shou axiné shipuku anie.

2 Kor. 12:21

Kughou I no tilau ideghini keno ni ye I Lhou no nongu gizü lono I shikukujo nikeu msà ani, eno timi kutomo no püzüu axiné shive no panonguw mithekumo, kipito xiné eno ghüpoghüzü kümlàqo shikeu lau no amlo pebidemo keu ghenguno ni ye amlokighishi shiveni cheni ke.

Ephesiami 5:12

Hekibidemiqo no tuqhou no shi chekeqo ghili ye pìní keu ghí akukujopu ke.

Ephesiami 5:5

Nongu ye hipau vehu lo mütsüqhei lo: Xüküpsami, mithekumomi momu alakiminemi ye ajulho kümlamí ke, timi hitoi kemi ye Khristo eno Alhou kükaphu lo amheghi ighí müla nani.

FILIPIAMI 1:27

Kiu-kiu shive namu, nongu likhi nongu pesü Khristo tsakiviu lo kiu aküzüpu keno tipau shilo. Tishianguno I no ighino nongu sasü kusholu na, I küküha lo nongu no kíshi ani keno tipau ghili likhi chilu namu, nongu no amlo lakhi shi no puthugho akeu, eno atsakiviu küpülü ghenguno akükümsü lakhi shi no pükapütsa akeu I pelo chilu pelo.

Kolosiami 3:5

Tighenguno, kiu no ayeghi lo lhoaye keno tipaqo pìthívelo; tiye kipito xüküpsa, mithekumo, ghaghu, küsakügha kümlà shinishi keu eno alakimine, kughengu alakimine ye ajulho kümlá ke.

1 Thes. 4:3

Alhou pulou ye nongu pelo shikimtheluve pe moayesa keu ke: nongu ye kipito xüküpsa lau no putosü moayesa;

1 Thes. 4:7

Kughengu Alhou no ningu kulù keu ye ningu pelo mithekumo lo xüpe niye ke kumoe, ikemu akimthe shi xüpe niye ke.

1 Tim. 2:10

ikemu akümlà kivi hu no ananu shipe nishi ani, kughengu hino Alhou mülá niye shuphe chekemi totimiqo ghenguno achipi ke.

1 Tim. 3:3

shomzü kepu kumo, ngukangugha shimo no iqüighai moayesa, kiyi-muto kepu kumo, eno pisa kiminemi shikepu kumoe.

1 Tim. 6:10

Kughengu pisa kimiye keu ye küsakügha jeli kümtsü kuhu-aghü ke. Timi khami ye pisa kimiye kelau no aküpülü lono igho süsü wuvae eno amlokighishi kutomo no pano mlo vephopinivae.

2 Tim. 3:2

Timiqo ye alikhi ampi eno pisa kimiyeuve nani, alikhi ajekipi eno aqheküza shi nani eno timi phimo-gihumo nani. Panongu pù-aza hebide nani, shikimthi keu küha nani, Alhou pülümo nani,

Titus 1:11

Panongu ghasüve moayesa ani, kughengu panongu no akibo kümtsü lo ilo no shikamo kepu thimeqo pesü shika no kübangüve tsü ani—eno ti ghí amikucho kumo lono alá shini keu ghenguno ke.

Titus 1:7

Akukuho lo sakiphemi lakhi ye Alhou kibo jukütsü ani kehu, pa ye tukutiye küha kemi shi aghí moayesa, amlo-idekalo kemi shimoni, aji shokümzümi shimoni, mutomushu kemi shimoni momu amikucho kumo lono alá shive niye phu kemi shimoni.

Titus 2:3

Tihutoi, totimi kichimiqo vilo panongu küxü ghola lo gihu küzüpu shi xü nikeu, timi no pipüthamo nikeu momu aji shokümzümi shimo nikeu shikalo eno kiu no akivi keno tipau shikalo.

IBRIMI 12:16

Khuu pelo nomu kipito küxü lo mithemove keu shipemo nike, momu Esau, khuu anu akichiú shi anamu akhuna lakhi ghenguno pa mheghi chipiu jeve keno, pa toi Alhou sümsamo keu shipemo nike jukuto lo.

1 Peter 5:2

Alhou’w ambe loji nonguw tucho-mjokütsü qholo akeqo hu akivishi khekuto kepu shilo, panongu shou jukuto alo—tsükhomo shilo pikeu ghenguno kumoe, ikemu Alhou no nongu pelo shipe nishi akeu lo puloniqhiyi tipau shilo. Ajume ithulu keu ghengu likhi no kumoe ikemu amlo lono qe nikeu puloniqhiyi pù püzü shilo.

2 Peter 2:10

Hiye akhotoshi khunoqo no ashi lo shikuchubeve keu shinishiqhiyi eno thaigha keu kükagha pape cheni keno panongu ghenguno ke. Panongu ye amlo kumto eno akuchhoma ke, panongu ye kungugha lo küamiqo shou pipütha puku nikeu lo msà chemoe;

2 Peter 2:14

Shupu nikeu kükümsü no panongu nhethi chhitoi eno panongu ye axiné shini keu khilemu tave chemoe; panongu ye a-a shimo kemi saküghüzü cheni; panongu ye alakimine lo shitsa ke—müsüini keu tiqo ke!

2 Peter 2:3

Kükütsümi hipaqo no panongu lakimine ghenguno alaphasü keu xüghiliqo pesü nongu peithaqhi nani. Panongu kiléqhive keu ye püzüu no panongu shou pufu pe ani, eno panongu kütsakungo kepu shi akeu ye zü anike kumoe.

Piyeküsü 2:14

Tishiaghimu, ni ye thime hami O vilo pi kepu ani: Nongu dolo khami ye Balaam kükütsü pape chekemi ani. Balaam ye Israelmiqo zü sasü axiné shive peniye Balak shika ke, eno tishi keu vechewo Israelmiqo ye ajulho lhou müláve keu chuqu chuve eno kipito xüküpsa kümlà shike.

Piyeküsü 2:21

Li xüküpsa lau no xaideve penike I no ado li tsüke, ikemu li ye pulo amoe.

Piyeküsü 21:8

Ikemu bamsami, pülümo kemi, ayiküsami, hekiqhimi, kipito xüküpsami, kuduu shi chekemi, ajulho mülá chekemi eno akimkimiqo kümtsü huchuhuyi piti akeu amichu yizükucho lo vesüve nani. Hino akithí akiniù ke.”

Piyeküsü 22:15

Akimthe Mishighüna khalau ye atsǜqo anie; tipaqo ye kuduu shi chekemiqo, kipito kimthe kumo, hekiqhimi, ajulho mülá chekemiqo eno khunoqo no kichileu kimiye no kichileu kümlà shiche keno tipaqo ke.

Piyeküsü 9:21

Momu panongu ye timi ghiqhi püakeu, kuduu shikeu, kipito xüküpsa kümlà momu panongu küpüka lono xaidemo ke.