Ephesiami 5:26 - Sümi Tiqhelimi Bible

²⁶ Khristo no hipau shikeu ye pa tsa vechewo azü pesü akukuhou qhukimtheve no li pelo akimthe shipe niye ke,

BAIBEL (BSI)

²⁶ Khristo no hipau shikeuye pa tsa pesu azu toi akukuhou qhuve puzu akimthe shipesu Alhou lau tsuniyeke,

Sumi Naga CL (Re-edited) Bible (BSI)

²⁶ tishianguno azü no qhuke toi pa no atsa pesü akukuhou shikimthe tsü,

Ephesiami 5:26 ပူးပေါင်းရင်းမြစ်များ

John 13:10

Jisü no khochile, “Khunoqo no azü kuchhuvea keno panongu ye apukhu likhi qhuve kepue kughengu panongu phimpi kuchopu mithe anike. Eno kümtsü ye kumo kemu nongu ye mithe ani.”

John 15:3

I no nongu vilo pive keu tsa vechewo nongu ye mitheluvae.

John 15:8

Nongu no athi kutomo pithí keu hu no nongu ye I khopemiqo kepi pìyelu cheni eno hipau vechewo I pù juküvüpu shitsü cheni ke.

John 17:7

Itehi panongu ye no no I tsü keu kümtsü O lau no ighi keu ke ipi ithivae.

John 3:5

Jisü no khochile, “Kuchou no I no O vilo pìní, azü eno Aghungu lono punú kithemo kelo ye khunomu Alhou kükaphu lo ilo müla nani.

Apostolmi 22:16

No ye itehi kiu ngokhe ani kea? Ithulo eno pa jeku ghi baptiz shive no O xinéqo qhukimthevelo.’

Apostolmi 26:18

eno tiye panongu nhethi àküzǘ lono aküvü ithulu peniye ke, eno Satan küká lono Alhou küká lo ighive no axinéqo qhikütsü ithuluve pe no I shou pülübe no mitheluve kemiqo gholo ngolu peniye ke.’

Rommi 10:8

Ikemu Kuchoyesü ye kiu piani kea? “Atsa hu ye O phivilo anie; tiye O kichí eno O mlo lo anie.” Atsa ye ningu no aküpülü ghili kükütsü sütsa shuphe chekeu ke:

1 Kor. 6:11

Ike nongu khami ye hitoi xüche ke. Ikemu nongu ye qhukimthevae, nongu ye shikimthevae, nongu ye Ampeu Jisü Khristo je lono eno ningu Lhou Ghungu vechewo achipikaluvae.

2 Kor. 11:2

Ni ye Alhou lau no ighi keu nhekushu pesü nongu ju anheshu anie. Ni ye nongu pesü Khristo lau akimthe athathe lakhi toi tsü nike ghenguno Khristo pelo nongu kimi lakhi toi shipe nike I no pikiqhi shike.

Ephesiami 6:17

Xakulu pesü ayikütsüqho shi pulo eno Alhou tsa pesü Aghungu lo akihizüta shi ikhilulo.

Kolosiami 3:16

Nongu no kütsü eno shika kelo nongu kükütsü sütsa lo Khristo tsakiviu pelo nongu gholo kinikülü shi ngolu pelo. Eno alokütsü shi no nongu mlo lo shikimthiqhiyi keu xapusü lakhi no lakhi vilo leshele, akishé le, eno Aghungu lo le vechewo Alhou sheqhelo.

Titus 2:14

pa no pa küxü pesü ningu ghenguno ikhiphe pe tsüve eno küsakügha kümtsü lau no ningu xachilelu eno pa likhi paw timiqo shikimthe tsüke, tiye ningu pelo kiu no akivi keno tipau lo minemighei shi ape niye ke.

IBRIMI 10:10

Eno Alhou pulou vechewo ningu ye Jisü Khristo phimpi pe ghuthukhavi lono alhokupuju ghenguno aghakishi shive keu vechewo akimthe shiluvae.

IBRIMI 10:14

Kughengu pa ye aghakishi lakhi vechewo khunoqo pe akimthe shivea keno panongu ghenguno alhokupuju ghenguno kupukülaive tsüke.

IBRIMI 10:22

ningu Alhou lau amikucho mlo eno aküpülü vechewo pülüqhiyi süghi chekeu pesü kupunú wuni nolo, kughengu ningu mlo ye alolo kighithi shikipimi lono shikimthevea ke eno ningu phimpi ye azü kütsüghǘ no küzüteve no qhukimthevea ke.

IBRIMI 10:29

Khuu no apukhu pesü Alhou Nu qodani, khuu no panongu shikimtheve keu puloshoqhi jì pesü mithemo ketoi kihini, eno khuu no küpükini Ghungu thaighani keno, panongu ye aghime kitikhi khijehi alau ithulu nani kepi nongu ye kümsü ani kea?

IBRIMI 13:12

Tighenguno Jisü ghí timiqo pelo pa jì vechewo mithelu penike ghenguno mishighüna khagho khalau no aghime shike.

IBRIMI 4:12

Kughengu Alhou tsa ye aküxü eno aküka ani. Puto-puto kihizüta nguno akütsüghau ke, tino angulho ngò aghungu kikime ngò aqǜ-anhüki kikime kutólo ghitha ilo cheni; tino timi mlo lo kümsüpù akeu ngò shinishiqhiyi akeu shou küghathabe cheni.

IBRIMI 9:14

Tishiaye Khristo jì khikhi lhokta Ghungu vechewo tukutiye kühamithe no pa likhi pa pesü Alhou mülá keu ye khikuto lo ningu pelo xü akeu Lhou qe penike ghenguno ningu pelo akithí lo sawuve chekeu lau no ningu lolo kighithiqo shikimthe tsülu nani kea!

James 1:18

Pa no kuchou tsa vechewo ningu punukithelu peniye kishelu ke, tishianguno ningu pelo pa no lhosü keu jeli kümtsüw amsüu xathiqo shilu peniye ke.

1 Peter 1:2

Apù Alhou lokütsü vechewo kisheluve kemiqo, Aghunguw shikimthe keu kümlà vechewo Jisü Khristo gholu peniye eno pa jì no küzüteve kemiqo: Küpükini eno aloino keu no kupukuno shi nonguw shilu peniu.

1 Peter 3:21

eno azü hipau ye baptiz khikhi itehi nongu xalu ani keno tipau michi ke—tiye nongu phimpi lo axiné akeu shikimtheve keu kumoe ikemu Alhou lau mütsümishei keu alolo kighithi aní keu shoqhi ke. Hino Jisü Khristo’w xüleputhu vechewo nongu xalu cheni ke,

2 Peter 1:9

Ikemu khuno no tipaqo küha keno panongu ye jukuchho küha kemi eno anhethi kighichemi ke, panongu ye panonguw wove keu xinéqo lono mitheluvea kepi kümsümave cheni.

1 John 5:6

Azü eno ajì vechewo ighi keu ye hipau ke—tiye Jisü Khristo ke. Pa ye azü vechewo likhi no ighike kumoe, ikemu azü eno ajì vechewo ighike. Eno Aghungu hu no thopi shi acheni, kughengu Aghungu ye kuchou ke.

Jude 1:1

Jude, Jisü Khristo qeu eno James thiküzüu lakhi, Khunoqo kulùvea, khunoqo no Apù Alhou vechewo kimiye cheni eno Jisü Khristo ghenguno ghüpe qhivea keno tipaqo lau yèlu ani: