Ephesiami 5:23 - Sümi Tiqhelimi Bible

²³ Kughengu Khristo no akukuhou kütsü kehu toi akimi lakhi ye anipu shou akütsü ke, eno akukuhou khikhi pa phimpi keno, Khristo no tipau Xakuluu ke.

BAIBEL (BSI)

²³ Khristo no akukuhou shou atou shi aketoi akimi lakhiye pa nipu shou atou ke; eno Khristo no akukuhou, pa phimpi xakuluuke.

Sumi Naga CL (Re-edited) Bible (BSI)

²³ Kughengu Khristo no akukuhou shou atou ketoi akimi no pa nipu shou atou ke; Khristo no pa phimpi, akukuhou Xakuluue.

Ephesiami 5:23 ပူးပေါင်းရင်းမြစ်များ

Apostolmi 20:28

Nongu likhi nongu jukuto lo eno Aghungu Kimthe no nongu pelo jukükütsüu shipe nike qhipüa kemiqo kümtsü jukuto lo. Alhou’w akukuhou khemiqo shilo, tiye pa likhi pa jì no qhüpe püani ke.

1 Kor. 6:13

Nongu no ishi pi cheni, “Achuqupu ghenguno akive eno akive ghenguno achuqupu, ikemu Alhou no küma kinikujo kütsave nani.” Tishimu aphimpi ye kipito xüküpsa shipe nike ghenguno kumoe ikemu Ampeu ghenguno ke, eno Ampeu ye aphimpi ghenguno ke.

Ephesiami 4:15

Tishini ke züqhulo, kikimiye lono kuchou tsa pikeu lono ningu ye alaghi jeli lono Khristo khuu no akütsü keno pa phimpi lo tekhoilu ghi thuwulu nani.

Ephesiami 5:24

Ikehu akukuhou no Khristo qhoqhü cheke toi, anipuqo ghí thowkha kümtsü lo panongu kimiqo qhoqhü moayesae.

Kolosiami 1:18

Eno pa phimpi ye akukuhou eno pa ye tipau kütsü ke; pa ye abothu ke eno pa ye kithimi dolo xüputhuve keu atüghiu ke, tishi keu lono pa pelo thowkha kümtsü lo akiqheu shilu peniye ke.

1 Thes. 1:10

Eno nongu ye Alhou Nu akithí lono xüputhuve keu no kungugha lono ighi niye akeu lo kíshi khe ani keno panongu no ningu vilo pike. Alhou Nu Jisü ye Alhou’w küghakütha chekeu lono ningu xalu keu hu ke.

Piyeküsü 19:7

Ningu alovisheni eno alovini eno ajuküvü pa tsüní nolo! Kughengu Ambeti’w külakupu ye ighivae, eno paw külaliu ye kutò pe ngovae.

Piyeküsü 5:9

Eno panongu no ishi ale kithé lakhi phe: “No ye liküküzü kaku ikhilu küzüpu ke eno tipau mekhapüa keu khaqhi küzüpu ke. kughengu no ye ghiqhive ke, eno shiaye jeli, atsa jeli piche kemi, timi amqo eno shiye jeli pelo Alhou’w timi shilu penike ghenguno O jì pesü qhüluve ke.