Ephesiami 5:20 - Sümi Tiqhelimi Bible

²⁰ pülhapuju ningu Mpeu Jisü Khristo je lono thowkha kümtsü ghenguno Apù Alhou shikimthi tsülo.

BAIBEL (BSI)

²⁰ Thwokha thime ghenguno ningu Mipeu Jisu Khristo jelono Apu Alhou lau pulhapuju shikimthi tsulo.

Sumi Naga CL (Re-edited) Bible (BSI)

²⁰ Alhokuthu lo thokha kümtsü ghenguno ni Mpeu Jisü Khristo je lono Apu Alhou lau shikimthi tsülo,

Ephesiami 5:20 ပူးပေါင်းရင်းမြစ်များ

John 15:16

Nongu no I kishelu ke kumoe, ikemu I no nongu kishelu eno nongu pelo wu no axathi ado kushuwa pithí chekeu pithipe niye süküsü shilu ke eno tishi keu vechewo nongu no I je lono kiu-kiumu khu aye I pù no nongu tsü nani.

Apostolmi 5:41

Apostolmiqo no Jewmi Hoho qhive, eno panongu ghí Jisü je ghenguno kujomza keu ghime shini keu aküzüpushi aghí kepi alokivishi wuve.

Rommi 1:8

Atüghishi I no nongu kümtsü ghenguno Jisü Khristo vechewo I Lhou shikimthi ani, kughengu ayeghiqha kuchopu lo nongu küpülü ghili kügha ani.

1 Kor. 1:4

Khristo Jisü vechewo küpükini nongu tsü keu ghenguno ni ye alhokuthu I Lhou shikimthi acheni.

1 Kor. 15:24

Kughou Khristo no akükaphu jeli, kükagha eno aküka jeli kümtsü kütsave no akükaphu pesü Apù Alhou lau tsüveni keno tithiu no ashekha tsalà ighi nani.

Ephesiami 5:4

Tike kumo no, kujomo keu tsa, nikhanigha tsa momu ghaghu-ghale zügha tsaqo ye nongu ghenguno aküzüpu kumoe. Tishini ke züqhulo shikimthi keu Alhou tsüa kepue.

FILIPIAMI 1:3

I no nongu kümsülu ke kümtsü lo I Lhou shikimthi acheni.

FILIPIAMI 4:6

Kiu ghengu nomu amlo kütakihi kevilo, ikemu atüqhüdo kümtsü lo akighini eno qhüiniju keu gholo shikimthikütsü vechewo nongu vehupu pesü Alhou vilo pilo.

Kolosiami 3:17

Eno nongu no kiu-kiu shimu, atsa lo na akümlà lo namu, Ampeu Jisü je vechewo Apù Alhou lau shikimthi tsü ghi thowkha kümtsü shilo.

1 Thes. 3:9

Ningu ye nongu ghenguno ningu Lhou zülo alokiqi akeu theli lo kíshi nongu ghenguno lukümkha shi Alhou shikimthini kea?

1 Thes. 5:18

atüqhüdo kümtsü lo shikimthi tsülo; kughengu Khristo Jisü’w shive kemi ghengu ye hino Alhou pulou ke.

2 Thes. 1:3

Athiküzümi eno achelimiqo, ningu ye nongu ghenguno alhokuthu Alhou shikimthi ani pütsá ke, eno hiye achipi ke, kughengu nongu küpülü ye alau shi thuwukithe anie, eno nongu kümtsü no lakhi no lakhi kimiye akeu lo alau iko-ishe anie.

2 Thes. 2:13

Ampeu no kimiye chekemi athiküzümi eno achelimiqo, ningu ye nongu ghenguno alhokuthu Alhou shikimthi acheni pütsá ke, kughengu Alhou no Aghungu vechewo kishekimthe keu kümlà eno kuchou lo aküpülü akeu vechewo amsüu xathi toi nongu pelo xaluve peniye kishelu ke.

IBRIMI 13:15

Tighenguno, ningu kichí lono ipeghi keu tsa pesü pa je shuphe ghi Jisü vechewo tamo no shekiqhe ghakishi pesü ningu Alhou müláni nolo.

1 Peter 2:5

Nongu ghí aküxüpu tuquqo toi akimthe chine kümlamì lakhi shi no aghungu xülo aghakishi kümlagho pe Jisü Khristo vechewo Alhou no ikhilu küzüpu shi mülá peniye aghungu lo ki lakhi gholo no nongu shiqhepuku anike.

1 Peter 4:11

Tsalá khuala no kütsü cheghi aye, panongu ye Alhou tsa piche kemi toi shi moayesae. Tsalá khuala no hukuthu kümlà shi cheghi aye, panongu ye Alhou no akumto panongu tsü keu pesü huthu moayesae, tishi keu vechewo thime kümtsü lo Jisü Khristo vechewo Alhou sheqhe peniye ke. Alhokupuju lono alhokupuju kutólo ajuküvü eno aküka ye paw ke. Amen.