Ephesiami 4:6 - Sümi Tiqhelimi Bible

⁶ Alhou lakhi eno kümtsü Papù, pa ye kümtsü shou Ampeu eno kümtsü lau mülà ani eno kümtsü lolo ani.

BAIBEL (BSI)

⁶ Alhou lakhino ningu kumtsu pa Puh ke, pano kumtsu shou Ampeu, kumtsu lau mla ani eno kumtsulo ani.

Sumi Naga CL (Re-edited) Bible (BSI)

⁶ Alhou lakhi, khuu no kümtsü Papu keno, Pa no kümtsü shou Akütsü, kümtsü gholo ani eno kümtsü lo ani.

Ephesiami 4:6 ပူးပေါင်းရင်းမြစ်များ

MATTHEW 6:13

Eno ningu pelo ghukuju lo ilove pe kevilo ikemu küsakügha lau no ni xaphe tsülo. Kughengu akükaphu, aküka eno ajekipi ye alhokupuju lo ow ke. Amen.’

MATTHEW 6:9

“Tishiaye, nongu ye hitoi inikhu moayesae: “ ‘O ningu Papù kungugha lo küau, O je akimthe shi pelu pelo,

John 14:23

Jisü no khochile, “I kimiye chekemiqo ye I kükütsü ikhilu nani. I pù no panoqo kimiye nani, eno I pù ikujo no panongu lau ighino panoqo gholo ngo nani.

John 17:26

I no panongu pelo O je ithivepe ae, eno tamo no no ithi ape nani tishianguno nono kikimiye I ghenguno akeu toi panongu lolo apenike, eno ni ampi no panongu lolo ape niye ke.”

John 20:17

Jisü no pi, “I pheshelho kevilo, kughengu ni ye Apù lau iku mphi ke. Tishini ke züqhu I thiküzümiqo lau wulo eno panongu vilo ishi pilo, ‘Ni ye I pù eno nongu Papù, I Lhou eno nongu Lhou lau ikuve niye cheae.’ ”

Rommi 11:36

Kughengu pa lau no eno pa vechewo eno pa ghenguno thowkha kümtsü anike. Alhou lau pülhapuju ajuküvü apelo! Amen.

1 Kor. 12:6

Mülàkulupu jeli kütüta anie, ikemu timi kümtsü pelo pütüta shélo mülàlu pe akeu Lhou ye lakhi ke.

1 Kor. 8:6

ningu ghengu ye Alhou lakhi likhi ani, pa ye Apù ke eno pa vechewo thowkha kümtsü ighi eno ningu ye pa ghenguno xü acheni ke; eno Ampeu lakhi likhi ani, tiye Jisü Khristo ke, pa vechewo thime kümtsü ighi eno ningu ye pa ghenguno xü acheni.

2 Kor. 6:16

Alhou’w achineki ngò ajulho lhouqo dolo kiu puloküqha kepu ani kea? Kughengu ningu ye xü akeu Lhou chineki ke. Kughengu Alhou no ishi pivae: “I no panoqo lolo xü nani eno panoqo gholo cheche nani, eno I no panongu Lhou shive nani, eno panongu no iw timi shive nani.”

Ephesiami 1:21

tiye itehi ghuloki likhi kumo no ighi nikeu ghuloki lo ghí ayekipe ngò kükagha, aküka ngò akükaqha, eno aje qhüiniju chekeu kümtsü nguno akiqheu ke.

Ephesiami 2:22

Khristo gholo kimepe akeu lono nongu ghí Alhou no pa Ghungu vechewo ngo chekeu-a tipau aqó shi shiqhepukulu anike.

Ephesiami 3:17

tishi keu lono aküpülü vechewo Khristo pelo nongu mlo lo pa kungo-a shilu peniye ke. Eno I no inikhu akeu ye nongu pelo kikimiye lo aboqha shiluve eno akuhu qüsüluve peniye ke,

Ephesiami 6:23

Athiküzümi eno achelimiqo kümtsü lau aloino keu gholo Apù Alhou eno Ampeu Jisü Khristo lau no ighi keu küpülü eno kikimiye apeniu.

1 John 3:24

Timi khuno no Alhou zakütsüqo pape cheni keno panongu ye Alhou lolo xü acheni eno Alhou no panongu lolo xü acheni. Eno pa ye ningu lolo xüani kepi ningu no hitoi ithi cheni: Ningu ye pa no Aghungu ningu tsü keu vechewo ithi cheni.