Ephesiami 4:32 - Sümi Tiqhelimi Bible

³² Lakhi no lakhi lau küpüqhiyi eno kimiyeqhiyi lo, Alhou no Khristo vechewo nongu kipimí qhivetsü ketoi, nongu lakhi no lakhi kipimí qhitsüa lo.

BAIBEL (BSI)

³² Eno lakhino lakhi kimiyekile, amlo ighiqhiyi eno kuzakuzuyi shilo, eno Khristo gholo Alhou no nongu kipimi pevetsu ketoi nongu lakhino lakhi kipimi pevetsukilelo.

Sumi Naga CL (Re-edited) Bible (BSI)

³² Lakhino lakhi lau amlo qhaqhilei eno mtshaivü lo, Alhou no Khristo vecheo nongu kipimi qhivetsü ketoi nongu lakhino lakhi kipimi qhitsü kilelo.

Ephesiami 4:32 ပူးပေါင်းရင်းမြစ်များ

MATTHEW 6:12

Eno ningu no kütami no pimive keu kipimíqo qhivetsü keu toi ningu no pimive keu kipimíqo ghí qhive tsülo.

Mark 11:25

Eno kughou nongu no puthugho püzü akighini shini keno, tsalá nono khuala lau akipimí aghí aye, panoqo kipimí qhive tsülo, tishianguno nongu Papù kungugha lo akeu hu no nongu xinéqo pevetsü nani ke.

Luke 1:78

Kughengu Alhou’w kimiyeqhiyi keu vechewo kungugha lono khetsünhe ningu lau ighi nani

Luke 11:4

Ningu xinéqo qhive tsülo, kughengu ningu ghí kütami no ni lau akipimí shikeqo pevetsü cheni ke. Eno ningu pelo ghukuju lo ilove pe kevilo. Ikemu küsakügha lau no ni xaphe tsülo.’ ”

Luke 17:4

Panongu no atsala lo ghuthu tsünì nongu shou axiné shive no axiné shikeu kümtsü lo ideighi no ‘I kipimí qhitsülo,’ ipi nongu vilo pi aghimu nongu ye panongu kipimí qhitsü moayesae.”

Luke 6:35

Ikemu O ghümiqo kimiye lo eno panongu lau akivi kümlà shilo, püná lo eno kiumu tsüchile pe nikeu laju kevilo. Tishianguno no ye ajume kijè anani eno no ye shishe Akiqheu Lhou nuli shilu nani; kughengu pa ye shikimthi küha kemi eno küsaküghami lau kimiyeqhiyi ke.

Luke 6:37

“Küghathabe kevilo, eno O shou küghathabemo nani; kütami pipüsa kevilo, tishianguno O pipüsavemo nani; kütami kipimí qhitsülo eno O kipimí qhivetsü nani.

Apostolmi 28:2

Züdoyeghi lo xüküami no thosülo küpüqhiyi shichemo keu ningu lau pephe-piye ke. Ike tiye atsala tsüghua eno muko akehu panongu no ami shiqhe no akivishi ningu kümtsü sasü tsüe.

Rommi 12:10

Athiküzümi kimiyekilé ketoi nongu lakhi no lakhi kimiyekilé lo. O nguno akiqheu shi lakhi no lakhi gihu kilé lo.

1 Kor. 13:4

Kikimiye ye küsüqhikulu eno küpüqhiyi keu ke. Kikimiye ye anheshu chemo, kikimiye ye akuchhoma shichemo, kikimiye ye aqheküza shichemo.

2 Kor. 2:10

Nongu no timi khuu kipimí qhive tsüní keno, ni ghí pa kipimí qhivetsü nani. Eno kiuala akipimí qhivetsü kepu shi aghí no I no akipimí qhivetsü aye, ni ye nongu ghenguno Khristo gizü lono akipimí qhivetsüae.

2 Kor. 2:7

Itehi nongu ye pa kipimí qhivetsü no pa lokughuno tsü moayesae, tishianguno pa ye amloghime no ihulove no küzüpholuve keu shimo nani ke.

2 Kor. 6:6

Ningu ye amikucho, vethakulu, kheakulu eno küpüqhiyi keu, Aghungu Kimthe eno amikucho kikimiye vechewo nilikhi ni kimchitsü cheni.

Ephesiami 5:1

Tighenguno, kimiye chekemi anuliqo toi Alhou’w kiche-kipiye papelo

James 5:11

Nongu no ithi akeu toi, ningu ye khunoqo no tsükhoi shi no aghime puqhelu keno tipaqo ye akümghau kepi kihi cheni. Nongu no Job’w tsükhoi keu ghili chiluvea eno Ampeu no ashekha lo kiu shive keno nongu no ithuluvea. Ampeu ye kimiyeqhiyi keu eno kimiyekini no chhitoi ke.

2 Peter 1:7

eno Alhou sümsa keu gholo lakhi no lakhi lau ivüilai keu; eno lakhi no lakhi lau ivüilai keu gholo kikimiye süküqha lo.

1 John 1:9

Alhou ye pükhübekulu eno achipiu Lhou ke ningu no ni xinéqo piphe aye pa ye ningu xinéqo qhivetsü nani eno amikucho kumo jeli kümtsü lono ningu shikimtheve tsü nani.

1 John 2:12

Kimiye chekemi anuliqo, I no nongu lau yè akeu ye pa je lono nongu xinéqo qhivetsü ake ghenguno ke.