Ephesiami 4:31 - Sümi Tiqhelimi Bible

³¹ Kuqhumo keu, aloghukighide eno amlokighide, muqhumüza keu, pipütha keu eno axeküsü jeliqo pevelo.

BAIBEL (BSI)

³¹ Kuqhu mo,aloghu, amlo kighide, muqhumuza eno thaighakeu jeli kumtsu pevelo.

Sumi Naga CL (Re-edited) Bible (BSI)

³¹ Kuqhumo keu, aloghu, amlo kighide, mqhumza eno thokügha jeli kümtsü nongu launo pevelo.

Ephesiami 4:31 ပူးပေါင်းရင်းမြစ်များ

Apostolmi 21:30

Mishighüna lo akemi kümtsü hakuthove, eno alapa kümtsü lono timiqo posü ighi khave. Panongu no Paul tsüqüluve, eno achineki lono pa süqosü ipeve, eno paikhavi khaghoqo khaluve.

Rommi 3:14

“Panongu kichí ye ghusho keu ngò kukhukimiji no chhitoi ke.”

1 Kor. 14:20

Athiküzümi eno achelimiqo, itimi toi kümsü chekeu tavelo. Küsakügha shini keu lo ye itimi toivelo, ikemu nongu kükümsü lo ye asathevelo.

1 Kor. 5:8

Tighenguno ningu ye kholaqhi aqau, ti axeküsü ngò küsakügha, pesü Tiqhitini ghulhu shimoni, ikemu kholaqhi sümo keu sho, ti amikucho eno kuchou, pesü hipau ghulhu shinie.

2 Kor. 12:20

Kughengu kughou I no ighini keno nongu ye I no shipe nishi akeu toi aghimo nikeu, eno nongu no I pelo shipe nishi akeu toi ni ithulumo nikeu ghenguno ni ye msà anie. Ni ye tilau küqhakümla, anhekushu, mutomushu keu, alakimine kimji, piküpüsa, xikishi, akumchho, eno kübangü keu aghíni keu msà ani.

Galatiami 5:20

ajulho kümlá eno atumu; akimithi, küqhakümla, axeküsü, amlokighide, alikhi asala kuphu, kotha kilé keu, amqo jeli

Ephesiami 4:22

Ikemu nonguw khaghi küxü ghola vehu lo nongu vilo nongu lhoaye aqau khikhi ti pishikiqhi kükümsü no shikuchubevea keno tipau ikhiqhivelo ipi shika ke;

Ephesiami 4:25

Tighenguno akimiki tsa pi kevilo. Nongu lakhi-khi no nongu kisüghümi vilo kuchou tsa pilo, kughengu ningu kümtsü aphimpi lakhi lo kihiküsümi ke.

Ephesiami 4:26

“Amloide namu axiné shi kevilo”: Atsala kupuju amloide auve kevilo.

Kolosiami 3:19

Akiminoqo, nongu nipu kimiye lo eno panongu lau ayiküsa shi kevilo.

Kolosiami 3:8

Ikemu itehi ye nongu ghí nolikhi nongu lolo amlokighide, muqhumüza keu, axeküsü shikeu, pipütha keu, eno nongu kichí lono kuchube keu tsa ipeghi chekeu thime hipaqo kümtsü qhive moayesae.

1 Tim. 3:11

Tipau tho lono totimiqo ghí gihu küzüpu shi moayesa, timi xishi kepu kumo ikemu aghibiu shi no thowkha lo pükhübekulu shi moayesa.

1 Tim. 3:3

shomzü kepu kumo, ngukangugha shimo no iqüighai moayesa, kiyi-muto kepu kumo, eno pisa kiminemi shikepu kumoe.

1 Tim. 5:13

Tinguno alau no panongu ye akipichi shive no aki lakhi lono lakhi lo ilo keu lhoaye shiuve cheni. Eno panongu ye akipichi shive keu likhi kumo no panongu ye kütami kümlà lo chhosu keu no mighì acheni eno akiqi küha keu tsa kügha ghi pisümo kepu thimeqo lo ghi pisüwuve cheni.

2 Tim. 2:23

Nikhanigha eno anikha kikigheqo lo chhosü kevilo, kughengu tipaqo no kiyi-muto keu süghive cheni kepi nono ithi anie.

2 Tim. 3:3

kikimiye küha nani, akipimí qhitsümo nani, timi pipüsa nani, alikhi aghasükulu küha nani, ayiküsa shi nani, akivi kimiyemo nani,

Titus 1:7

Akukuho lo sakiphemi lakhi ye Alhou kibo jukütsü ani kehu, pa ye tukutiye küha kemi shi aghí moayesa, amlo-idekalo kemi shimoni, aji shokümzümi shimoni, mutomushu kemi shimoni momu amikucho kumo lono alá shive niye phu kemi shimoni.

Titus 2:3

Tihutoi, totimi kichimiqo vilo panongu küxü ghola lo gihu küzüpu shi xü nikeu, timi no pipüthamo nikeu momu aji shokümzümi shimo nikeu shikalo eno kiu no akivi keno tipau shikalo.

James 1:19

I no kimiye chekemi I thiküzümi eno I chelimiqo, hipau ithilo: Kümtsü no pai chilu nikeu, asheshi no atsa pìní keu eno asheshi no amloide nikeu shilo,

James 3:14

Ikemu tsalá nono O mlo lo mijimülai keu nhekushu eno alakimine kimiji ghakütsüpe qhi aye, tipau ghenguno qheza kevi momu kuchou milive kevilo.

James 4:11

Athiküzümi eno achelimiqo, nongu lakhi no lakhi pipüsa kevilo. Timi khuno no athiküzümi momu achelimi lachile keu tsa pi cheni momu panongu shou küghathabe cheni keno tiye ayeza lachile ghi piani eno küghatha anike. Kughou nono ayeza shou küghathabeni keno, no ye ayeza pape anike kumoe, ikemu tipau küghakütha shou iqa anike.

1 Peter 2:1

Tighenguno, nongu likhi nongu lolo axeküsü jeli ngò pishikiqhi jeli, kühakügha, anhekushu, eno pipütha keu jeli kümtsü qhivelo.

1 John 3:12

Cain toi shi kevilo, pa ye küsaküghau laumi lakhi shi no pa thiküzüu ghiqhive ke. Eno pa ye kushiye pa thiküzüu ghiqhive kea? Kughengu pa likhi pa kümlà no küsakügha ke eno pa thiküzüu kümlà ye amikucho ke.

1 John 3:15

Khukhumu athiküzümi momu achelimi mithi chekemi ye ghikiqhimi lakhi ke, eno ghikiqhimi lakhimu lhokta küxü pano lolo ngo chemo kepi nongu no ithi ani.

Piyeküsü 12:10

Tipathiu kungugha lono asütsa kuloghi lakhi no ishi pikeu I no chilu: “Itehi ye xakulu eno aküka eno ningu Lhou’w kükaphu eno Messiah kükagha ighivae. Kughengu putho-pucho ningu Lhou zülo ningu thiküzümi eno achelimiqo nguku achekeu hu ye aqhou vepiqivae.