Ephesiami 4:25 - Sümi Tiqhelimi Bible

²⁵ Tighenguno akimiki tsa pi kevilo. Nongu lakhi-khi no nongu kisüghümi vilo kuchou tsa pilo, kughengu ningu kümtsü aphimpi lakhi lo kihiküsümi ke.

BAIBEL (BSI)

²⁵ Tighenguno akimkitsa pikevilo. Milakhikhino pa kusau vilo kuchou tsa pilo, kughengu ninguye kumtsu aphimpi lakhilo anike.

Sumi Naga CL (Re-edited) Bible (BSI)

²⁵ Tighenguno, kichile ye qhoi pheve no kümtsü no pütüta küsapau lau kuchou tsa pilo, kughengu ningu ye kümtsü aphimpi lakhi lo kihimpemi ke.

Ephesiami 4:25 ပူးပေါင်းရင်းမြစ်များ

John 8:44

Nongu ye nongu papù tüghami’w ke, eno nongu ye nongu papù no shinishiqhiyi achekeqo shi anishi cheni ke. Pa ye abothu lonomu hekiqhimi ke, kuchou papemo ke, kughengu pa lolo kuchou küha ke. Kughou pa no alatsa pìní keno pa ye pano tsau no pi cheni kughengu pa ye alatsa kipimí lakhi ke eno akimikiqo papù ke.

Rommi 12:5

ningu kutomo shi aghí namu Khristo lono kimepe aphimpi lakhi lo ani, eno aphi-au no aphimpi lo kimepe akeu toi ningu kümtsü lakhi no lakhi sasü kimepe ani.

1 Kor. 10:17

Kughengu ningu ye kutomo shi aghí namu ashopa lakhi lono ningu kümtsü kijechu cheni, eno tiye ningu kümtsü aphimpi lakhi ke.

2 Kor. 7:14

Ni ye nongu jupe I kijuvilei akeu pesü pa vilo pike eno nongu ye I shikukujovemo ke. Ike ningu no nongu vilo pikeu kümtsü kuchou ketoi ningu no nongu ghenguno Titus lau agijivileilu keu ghí kuchou kepi kimichitsülu ke.

Ephesiami 4:15

Tishini ke züqhulo, kikimiye lono kuchou tsa pikeu lono ningu ye alaghi jeli lono Khristo khuu no akütsü keno pa phimpi lo tekhoilu ghi thuwulu nani.

Ephesiami 4:22

Ikemu nonguw khaghi küxü ghola vehu lo nongu vilo nongu lhoaye aqau khikhi ti pishikiqhi kükümsü no shikuchubevea keno tipau ikhiqhivelo ipi shika ke;

Ephesiami 4:31

Kuqhumo keu, aloghukighide eno amlokighide, muqhumüza keu, pipütha keu eno axeküsü jeliqo pevelo.

Ephesiami 5:30

kughengu ningu ye pa phimpi lo kihiküsümiqo ke.

Kolosiami 3:8

Ikemu itehi ye nongu ghí nolikhi nongu lolo amlokighide, muqhumüza keu, axeküsü shikeu, pipütha keu, eno nongu kichí lono kuchube keu tsa ipeghi chekeu thime hipaqo kümtsü qhive moayesae.

Kolosiami 3:9

Nongu lakhi no lakhi vilo mikí kevilo, kughengu nongu ye nongu lhoaye aqau gholo tipauw ghushoghiliqo ghí qhivea

1 Tim. 1:10

kipito mikuchokumomi, kipitimi no kipitimi dolo eno totimi no totimi dolo asalha kümlà shi chekemiqo, aqüaxemi pesü lhidi shi chekemiqo, akimkimiqo eno akimki shoqhi shi chekemiqo, eno tipau gholo kiu-kiumu kuchou külü nguno bidelau akeqo ghenguno ke.

1 Tim. 4:2

Shiküka hitoi keqo ye kühakügha kimkimiqo lau no ighi cheni. Panongu lolo kighithi ye ayì külǘ no pitive keu toivae.

Titus 1:12

Hipau vehu lo Crete lo küami tungkupumi lakhi no ishi pipüani: “Cretemiqo ye alhoaye lono kimkimi, küsakügha tüghashiqo, eno akipichimi mihemüzai keqo ke.”

Titus 1:2

lhokta küxü lo lajupu akeu, khikhi mikí chemo keu Lhou no mulho ghuloki lono piqhipüa keno,

IBRIMI 12:1

Tighenguno, ningu ye thopimi aqokitikhi hijejehi no ningu sümxa pe anike ghenguno, ningu lakha chekeu thimeqo eno mülalei kitimeve chekeu xinéqo kümtsü ikhipe peveni nolo. Eno ningu pelo pokuxu penike ghenguno amichi shipüa keu gholo tsükhoi shi no poni nolo,

James 1:21

Tighenguno, aphikümqhüpu süqesüli eno küsakügha kümlà ighono qhakuchho shi akeu kümtsü qhivelo eno Alhou tsa O lolo shosüpüa keu aqhokigheu shi ikhilulo, tino O xalu nani ke.

1 Peter 2:1

Tighenguno, nongu likhi nongu lolo axeküsü jeli ngò pishikiqhi jeli, kühakügha, anhekushu, eno pipütha keu jeli kümtsü qhivelo.

Piyeküsü 21:8

Ikemu bamsami, pülümo kemi, ayiküsami, hekiqhimi, kipito xüküpsami, kuduu shi chekemi, ajulho mülá chekemi eno akimkimiqo kümtsü huchuhuyi piti akeu amichu yizükucho lo vesüve nani. Hino akithí akiniù ke.”

Piyeküsü 22:15

Akimthe Mishighüna khalau ye atsǜqo anie; tipaqo ye kuduu shi chekemiqo, kipito kimthe kumo, hekiqhimi, ajulho mülá chekemiqo eno khunoqo no kichileu kimiye no kichileu kümlà shiche keno tipaqo ke.