Ephesiami 4:24 - Sümi Tiqhelimi Bible

²⁴ eno nongu lhoaye akithé pepuluve moayesa, tiye Alhou toi kuchou amikucho eno akimthe shipe niye lhosü keu ke.

BAIBEL (BSI)

²⁴ nonguye alhoaye akitheu pepuve masae, hiye Alhou kimihi lono lhokeu kuchou kudauno ighikeu, amikucho eno akimthe lono shipepiye cheni.

Sumi Naga CL (Re-edited) Bible (BSI)

²⁴ kuchou mikucho ngo akimthepu pesü Alhou kimihi lono lhokeu lhoaye kithe pepulu peniye ke.

Ephesiami 4:24 ပူးပေါင်းရင်းမြစ်များ

Luke 1:75

aküxü kupuju akimthe eno amikucho shi pa qe peniye ke.

John 17:17

Kuchou vechewo panoqo shikimthe tsülo kughengu O tsa ye kuchou ke.

Rommi 12:2

Hipau yeghilomi ghola ha kevilo, ikemu nongu kükümsü shikithelu keu vechewo nongu lolo pekililu lo. Tishilu aye Alhou pulou ye kiu keno nongu no tipaqo kimchilu eno ithikütüta shilu nani. Alhou pulou ye akivipu, ikhilu küzüpu eno kupukülai ke.

Rommi 13:12

Putho wokhaveni chea; atsala ye ipechea. Tighenguno ningu àküzǘ lo kümlàqo qhikhave no aküvü ghünanu puluveni nolo.

Rommi 13:14

Tishini ke züqhulo, Ampeu Jisü Khristo pesü nongu ghünanu shi pepuluvelo, eno kíshi no ashi-aji ghapiqi tsüní keno tipaqo ghili kümsü akevilo.

Rommi 6:4

Tighenguno ningu ye baptiz shikeu vechewo pa gholo thive no qho küqhavae, tishi keu vechewo Apù juküvü vechewo akithí lono Khristo xüputhuve keu toi, ningu ghí aküxü kithé xülu peniye ke.

Rommi 7:6

Ikemu itehi ye ayeza lono ningu kuqhophevae, kughengu ningu ye tipau lo thivae eno tipau küká kütsügha lono ipeghivae. Itehi ningu ye aqau küxü lo yèpüa keu yeza gholu keu vechewo kumo no Aghungu lono aküxü kithé xü keu lono Alhou qeluni ake.

Rommi 8:29

Alhou no azüu no khunoqo ithi akeno panoqo ghengu ye pa nu jukimihi lo küsaje penike püzüu no kughuchho pe qhive ke, tishianguno pa pelo athiküzümi eno achelimiqo kutomo gholo amsüu shilu peniye ke.

1 Kor. 15:53

Kughengu tsümave nikeu ye tsümavemo nikeu no pa likhi pa pesü küzüluve moayesa nani, eno thiveniküau ghí khilemu thivemo nikeu pe pa küzüluve moayesa nani.

2 Kor. 3:18

Eno ningu khunoqo agi küzümo no Ampeu juküvü kümsükütü acheni keno, ningu pesü alhokuthu thuwu chekeu juküvü lono pa jukimihi shive tsü ani, eno tiye Ampeu khuu Aghungu keno pa lau no ighike.

2 Kor. 4:16

Tighenguno ningu ye amlo hauve chemoe. Ningu phimpi ye tsümave aya kemu ningu lolo ye tsalà kipetsü akithé shikitheve tsü ani.

2 Kor. 5:17

Tighenguno, timi khukhumu Khristo gholo xükimeluve aye pa ye lhoxü kithé shiluvae: Aqau ye wovae eno akitheu ighivae!

Galatiami 3:27

kughengu nongu khunoqo no baptiz shilu keu vechewo Khristo gholo küqhaluvea keno nongu ye Khristo pepuluvae.

Galatiami 6:15

Aphighüyiko ghave keu momu aphighüyiko ghamo keu nomu akhoto kumoe; kiu no akhoto kepi aye, lhoxü kithé shiluve keu no ke.

Ephesiami 2:10

Kughengu ningu ye Alhou no azüu no ningu ghenguno akümlà kivi kutò pe qhipüakeqo mülà peniye Khristo Jisü vechewo lhophe ke. Eno ningu ye Alhou’w au no mülà keqo ke.

Ephesiami 2:15

tiye pa phimpi lo ayeza eno tipau yeza zakütsü ngò yezashiqo kümtsü qhive keu vechewo no ke. Pa kimiji ye pa likhi pa vechewo timi jeli kini akeu lono timi jeli kithé lakhi lhophe niye ke, eno tishi keu lono külashiluve,

Ephesiami 6:11

Alhou ghünanu kümtsü pepulo, tishianguno nongu ye tüghami müqümgha lhoküsaqo zülo puthugholu kepu shi nani.

Titus 2:14

pa no pa küxü pesü ningu ghenguno ikhiphe pe tsüve eno küsakügha kümtsü lau no ningu xachilelu eno pa likhi paw timiqo shikimthe tsüke, tiye ningu pelo kiu no akivi keno tipau lo minemighei shi ape niye ke.

IBRIMI 1:8

Ikemu Anu vehu lo pa no hitoi pi, “O Alhou, ow aküka lakhü ye alhokupuju eno alhokupuju ghenguno ache nani; amikucho yiküsü no O kükaphu yiküsü shi nani,

IBRIMI 12:14

Timi kümtsü sasü külakishi shi no akimthe shi xü nikeu thowkha lo pükapütsa alo; kughengu akimthe shimo kelo ye khuu nomu Ampeu ithumla nani.

1 Peter 2:2

Angá kughunuqo toi, aghungu kichhizü kitiqemo keu ye nikeu mineqhiyi lo, tishianguno tipau vechewo nongu pelo nonguw xakulu küxü lo thuwulu peniye ke,

2 Peter 1:4

Hipaqo vechewo pa no paw ighono kijè eno akughupu pikiqhi ningu tsüvae, tishi keu lono tipaqo vechewo nongu pelo ayeghiqha shikuchubeve chekeu küsakügha shinishiqhiyi chekeqo lono pokajoluve no Alhou lhoaye gholo küsajelu peniye ke.