Ephesiami 4:17 - Sümi Tiqhelimi Bible

¹⁷ Ikehu I no nongu vilo hi piani, eno Ampeu je lono tamo no hipau pikichi ani, ike tiye Jewkumomiqo no panonguw ameküha keu kükümsü shou bepe xü akeu toi nongu ye tishi xü kepu kumovae.

BAIBEL (BSI)

¹⁷ Tishiaye, Ampeu je lono ino hipau piani eno hi pikithe ani: nonguye khilemu Alhou kuhakemi toi xukevilo; panongu kukumsu abokumsake,

Sumi Naga CL (Re-edited) Bible (BSI)

¹⁷ Itehi Ampeu je lono I no hi piani eno iqhikithe anike nongu ye Jewkumomi toi ameküküha kükümsü xapu cheche kelau kumoae.

Ephesiami 4:17 ပူးပေါင်းရင်းမြစ်များ

Luke 16:28

kughengu ni ye athiküzümi pungu ani. Lazarus pelo panongu pikichive tsü pelo, tishianguno panongu pelo ghimeqhikeu-a hipau lo ighi pemo nike.’

Apostolmi 14:15

“Aküsàmiqo, nongu ye kushiye hi shi ani kea? Nikujo ghí nongu toi timi ke. Ningu no nongu lau atsakiviu süghi akeu ye nongu pelo ameküha keu thime jeli hipaqo qhive no xü akeu Lhou, khuu no atsütsǘ, ayeghi, azüghi eno tipaqo lo akeu kümtsü lhosü keno, pa lau ideighi peniye ke.

Apostolmi 18:5

Kughou Silas ngò Timothy pama no Macedonia lono ighive keno, Paul ye ado kümtsü ikhiphe no kütsü eno Jewmiqo vilo Jisü ye Messiah kepi ashepe shiae.

Apostolmi 2:40

Pa no atsa kütau kutomo pesü panoqo pikichive: eno panoqo qhüiniju ghi pi, “Amikucho kumo tiqheli hipau lau no nongu likhi nongu xalulo.”

Apostolmi 20:21

Ni ye Jewmi ngò Greekmiqo kinikujo vilo ghí panongu ye Alhou lau xaideighi no amlo pebideve püzü ningu Mpeu Jisü shou pülübe moayesa kepi shukiphe shive tsüae.

Rommi 1:21

Kughengu Alhou pülümo kemi ye Alhou ithi anamu, panongu ye Alhou kepi pa je pipitsümoe momu shikimthi pa tsümoe, ikemu panongu kükümsü ye abokümsa shive eno panonguw nikhanigha mlo ye züchiyive ke.

1 Kor. 1:12

Ike I no piakeu ye hike: Nongu dolo khami no, “Ni ye Paul papemi ke”; kütami no, “Ni ye Apollos papemi ke”; khami no, “Ni ye Peter papemi ke”; itaghi khami no, “Ni ye Khristo papemi ke,” ipi akhani ke.

1 Kor. 15:50

Athiküzümi eno achelimiqo, I no nongu lau asheshu ani, ashi eno ajì ye Alhou kükaphu ighi müla nani, momu tsümave nikeu ye tsümave müla nikeu ighí mülae.

2 Kor. 9:6

Hipau kümsülulo: Khuno no aghulo xusüni keno aghulo likhi xolu cheni, khuno no kutomo xusüni keno kutomo xolu cheni.

Galatiami 3:17

Eno I no piakeu kiqi ye hipau ke: Alhou no Abraham vilo piqhi keu mpe 430 thiu no ayeza Moses tsüke ghenguno Alhou ye azüu puloshoqhi shipüa keu iqeve no pikiqhi ikhive anike kumoe.

Galatiami 5:3

Khunoqo no pa likhi pa pesü aphighüyiko ghave pe ani keno pa ye ayeza kümtsü pape moayesa nani kepi itaghi I no timiqo kümtsü lau shuphe ani.

Ephesiami 1:22

Eno Alhou no thowkha kümtsü pa pukhu qholo qhitsü ke eno pa pelo akukuhou kümtsü shou akütsü shipe nikeu ghenguno süküsü shike,

Ephesiami 4:22

Ikemu nonguw khaghi küxü ghola vehu lo nongu vilo nongu lhoaye aqau khikhi ti pishikiqhi kükümsü no shikuchubevea keno tipau ikhiqhivelo ipi shika ke;

Kolosiami 2:18

Timi khunoqo no akuchunu ghili shi no kungumiqo mülá cheni keno tipaqo pelo nongu theqhive pe kevilo. Timi hitoi kemi ye panongu no kungunhetsü kiu ithulu keno tipau chixechilei pi cheni ke; panongu ye ayeghi lo timi kükümsü pesü akiqi kiumu kühamu akuchhoma shi acheni.

Kolosiami 2:4

I no hipau nongu vilo piakeu ye timi khuu pelo nomu pishikiqhi tsa vechewo nongu pishiqhive pemo niye ke.

1 Thes. 4:6

Eno hipau vehu lo khumu athiküzümi momu achelimi lakhi shou alhoküsa shikepu kumo momu alikhi alá ghenguno adokivi lu kepu kumoe. Ningu no azüu no nongu vilo pive eno pikichive keu toi, hitoi keu xiné shikemi kümtsü Ampeu no ghimeqhi nani.

1 Tim. 5:21

Alhou, Khristo Jisü eno kungumi kishè kipheqo zülo no agikuju shimo no shikakütsü hipaqo pape pe nikeu, eno agikuju lono kiumu shipemo nike I no O pichetsü ani.

1 Tim. 6:13

Thowkha kümtsü aküxü tsü chekeu Lhou eno Khristo Jisü khuu Pontius Pilate gizülo thopi shi akelo akivi pikiphe shi keno pa zülo no I no O pichetsü ani,

2 Tim. 4:1

Küxümi eno kithimi shou küghathabe niye akeu Lhou eno Khristo Jisü khuu ipeghi niye ani eno pa kükaphu ghenguno I no hipau O pichetsü ani:

1 Peter 1:18

Kughengu nongu ye ghükayi momu ameshoyi toi keu khikhi tsümave chekeu thime keno tipaqo pesü nongu pù-asüqo no abokümsa küxü laghi nongu lau pekishesü ighi keu lono nongu xaphelu pe püamoe,

2 Peter 2:18

Kughengu panongu kichí ye abokümsa ngò aqheküza tsaqo likhi ke eno ashi lakimine kükümsü ghenguno khunoqo no shikipimi küxü lo xüache püzü tipau lono akushukulu pokajosü wucheni keno tipaqo müsü cheni.