Ephesiami 4:13 - Sümi Tiqhelimi Bible

¹³ tiye ningu kümtsü aküpülü eno Alhou nu ithive keu lono küqhaluve püzü tekhoi shiluve no Khristo ye khuu keno pa ghili kuchopu ithikupu lumo ke kutólo mülà ape niye ke.

BAIBEL (BSI)

¹³ Tiye ningu kumtsu akupululo tekhoilu, Alhou Nu ithikutolu eno Khristo ye khuu keno pa ghili ithi kupu lumoke kutolo mla apeniyeke.

Sumi Naga CL (Re-edited) Bible (BSI)

¹³ Ningu kümtsü no tekhoi xükülaye luno aküpülü ngo Alhou Nu kighithi lo lakhi shi küqhalu, eno Khristo lhoaye kupukülai shi ithilu moke kutolo hitoi mla apeniye ke,

Ephesiami 4:13 ပူးပေါင်းရင်းမြစ်များ

MATTHEW 11:27

“I pù no thowkha kümtsü pesü I pichevetsüae. Apù nguno alau ye khumu Anu mthae, eno Anu nguno alau ye khunomu Apù mthae eno khunoqo lau Anu no Apù pephe-piye nike no tipaqo likhi no ithi cheni.

John 1:16

Paw kupukülai keu ghenguno püzüu küpükini tsüve keu theli lo itaghi ningu kümtsü küpükini ithulu ke.

John 16:3

Panongu no tipaphi kümlàqo shi nani kughengu panongu ye Apù momu ni mtha ke.

John 17:21

Apùo, nono I lolo ake toi eno I no O lolo ake toi, panongu kümtsü pelo lakhi shilu pelo. Panongu ghí nikujo lolo apelo tishianguno ayeghilomi pelo nono I puwu kepi pülülu penike.

John 17:3

Lhokta küxü ye hike: no kuchou Alhou ithi nikeu eno nono puwu keu Jisü Khristo ithi nikeu ke.

John 6:69

No ye Alhou’w Akimtheu Lakhi kepi ningu no ithivea eno pülüluvae.”

Apostolmi 4:32

Küpülümiqo kümtsü amlo eno akükümsü lakhi shie. Khunomu pa no kiu pighi aghí keno tiye paw kepi pükhamoe, ikemu panongu no kiu aghí keno kümtsü pesü aqǘ shi küsaje cheke.

1 Kor. 1:10

Athiküzümi eno achelimiqo, I no ningu Mpeu Jisü Khristo je lono nongu kümtsü pelo nongu no pikeu lo lakhi no lakhi gholo puloküqha tsü eno nongu dolo kijethave keu shimo no amlo eno akükümsü lo kupukülai shi küqhalu penike qhüiniju ani.

1 Kor. 14:20

Athiküzümi eno achelimiqo, itimi toi kümsü chekeu tavelo. Küsakügha shini keu lo ye itimi toivelo, ikemu nongu kükümsü lo ye asathevelo.

1 Kor. 2:6

Tishimu ningu ye alayemi gholo alokütsü tsa pi cheni, ikemu hipau tiqheli momu hipau tiqheliw ayekipemiqo lokütsü kumoe, panoqo lokütsü ye hauve niye akeu ke.

2 Kor. 4:6

Kughengu Alhou khuu no, “Aküvü pelo àküzǘ lono vüipeghi pelo,” ipi keno, Jisü Khristo gi lo Alhou juküvü pephe-piye keu ithilu kepu küvü ningu tsüní ke ghenguno pa küvü pesü ningu mlo lo yepüvü tsüke.

Galatiami 4:19

I no kimiye chekemi anuliqo, nongu lolo Khristo gholuvemo ke kutólo ni ye apunu küsǜ sǜ akeshi nongu ghenguno itaghi sǜ anie,

Ephesiami 1:17

Ni ye ningu Mpeu Jisü Khristo Lhou, ajuküvü Apù pelo alokütsü ngò piyeküsü Ghungu nongu tsü penike inikhu acheni, tishianguno nongu pelo akivishi pa ithi peniye ke.

Ephesiami 1:23

akukuhou ye pa phimpi ke, eno hiye Khristo khuu kupukülai luvea keno pa no alaghi jeli kümtsü lo kupukülai shepichhi tsüke.

Ephesiami 2:15

tiye pa phimpi lo ayeza eno tipau yeza zakütsü ngò yezashiqo kümtsü qhive keu vechewo no ke. Pa kimiji ye pa likhi pa vechewo timi jeli kini akeu lono timi jeli kithé lakhi lhophe niye ke, eno tishi keu lono külashiluve,

Ephesiami 4:12

tiye hukuthu kümlapù ghenguno paw timiqo kutokughoi pe qhi niye ke, tishianguno Khristo phimpi shiqhepukulu peniye ke,

Ephesiami 4:3

Külakishi lono tsüghaküqha keu vechewo küqhakulu Ghungu qhilu nike ghenguno thowkha lo pükapütsalo.

Ephesiami 4:5

Ampeu lakhi, aküpülü lakhi, baptiz shikepu lakhi;

FILIPIAMI 3:10

Iyei, ni ye Khristo ithinishi ani, tiye paw xülekuthu küká ithi nikeu eno pa ghime gholo küsaje nikeu, pa kithí ghola lono pa kimihi shiwuve nikeu,

FILIPIAMI 3:8

Tilikhi kumo no, Khristo Jisü ye I Mpeu kepi I no ithilu keu hu no amekushou shilu keu ghenguno, kütau kümtsü adou kepi I no kihivae. Ni ye pa ghenguno kümtsü phevae eno thime kütauqo ye xinexigha kepi kihivae, tishianguno ni ye Khristo pesü I lá shilu

Kolosiami 1:28

Ningu no asheshu chekeu ye Khristo ke. Alhou no alokütsü ningu tsü keu kümtsü pesü ningu ye timi kümtsü vilo kütüghü eno shika acheni, tishianguno timi kümtsü pesü Khristo lono tekhoi shi no Alhou zülo qhitsü niye ke.

Kolosiami 2:2

I kimiji ye panongu pelo amlo shikumtolu eno kikimiye lono küqhalu peniye ke, tishianguno panongu pelo Alhou’w tuqhou, khikhi Khristo ampi keno, tipau kinikülü shi akeu kupukülai shi vethalu peniye ke.

IBRIMI 5:14

Ikemu akümka chuqu ye asatheve kemi khunoqo no tamo no pükapütsa keu vechewo küsakügha lau no akivi kimchilu nikeu lo pano likhi panongu peitha qopheluvea keno panongu ghenguno ke.

2 Peter 1:4

Hipaqo vechewo pa no paw ighono kijè eno akughupu pikiqhi ningu tsüvae, tishi keu lono tipaqo vechewo nongu pelo ayeghiqha shikuchubeve chekeu küsakügha shinishiqhiyi chekeqo lono pokajoluve no Alhou lhoaye gholo küsajelu peniye ke.

2 Peter 3:18

Ikemu ningu Mpeu eno Xakuluu Jisü Khristo’w küpükini eno pa kighithi lono thuwu alo. Itehi eno alhokupuju lo pa juküvü shilo! Amen.

1 John 5:20

Ningu no itaghi ithi akeu ye Alhou Nu ye ighivea eno vethakulu pesü ningu tsüvae, tishianguno ningu ye khuu no kuchou keno ithilu peniye ke. Eno ningu ye pa Nu Jisü Khristo khuu kuchou keno pa gholo xü kimepe keu vechewo pa lolo ani. Pa ye kuchou Lhou eno lhokta küxü ke.