Ephesiami 3:17 - Sümi Tiqhelimi Bible

¹⁷ tishi keu lono aküpülü vechewo Khristo pelo nongu mlo lo pa kungo-a shilu peniye ke. Eno I no inikhu akeu ye nongu pelo kikimiye lo aboqha shiluve eno akuhu qüsüluve peniye ke,

BAIBEL (BSI)

¹⁷ akupulu vechewo Khristo pelo nongu mlolo pa kungoa shilupeni. Nonguye kimiyekinino nongu boqha shilu eno kimiyekini kuhu qusulu penike,

Sumi Naga CL (Re-edited) Bible (BSI)

¹⁷ tishianguno aküpülü vecheo Khristo no nongu mlo lo ngolu peni, eno kikimiye lo akuhu qüsüpe mtotoi luno nongu no

Ephesiami 3:17 ပူးပေါင်းရင်းမြစ်များ

MATTHEW 13:6

Ikemu kughou khetsünhe no müka ipeghive keno, abò tipaqo ye akuhu thonhei quilomo kehu phuqhive eno kimghoive.

Luke 6:48

Panongu ye timi lakhi no aki shi ake toi ke: pa no thonhei chhusü eno atuqu shou aboqha qhae; kughou atshünazü ighi keno aki tipau chhele ighi ikemu tiye süküghütha mülae, kughengu tiye akivishi shipüa ke.

John 14:17

tiye kuchou Ghungu ke. Ayeghiqha ye pa ikhilumo nani, kughengu panongu ye pa ithulu chemo momu pa mtha ke. Ikemu nongu ye pa ithi ani, kughengu pa ye nongu gholo xüani eno nongu lolo ache nani.

John 14:23

Jisü no khochile, “I kimiye chekemiqo ye I kükütsü ikhilu nani. I pù no panoqo kimiye nani, eno I pù ikujo no panongu lau ighino panoqo gholo ngo nani.

John 17:23

I no panongu lolo ani eno nono I lolo ani—tishi keu vechewo panoqo pelo qhoi küqhakulu shilu peniye ke. Tishianguno ayeghilomi ye nono I puwu eno nono I kimiye ketoi panongu kimiye kepi ithi nani.

John 6:56

Khukhumu I shi chu eno I jì ye keu ye I gholo kimepe ani eno I no panongu lolo ani.

Rommi 5:5

Eno lajupu hipau ye ningu pelo kujove pe chemo, kughengu Aghungu Kimthe ningu tsüpüa keu vechewo Alhou’w kikimiye ningu mlo lo lesüve tsüae.

1 Kor. 3:6

I no asübo shosü, Apollos no azü pusǘ, ikemu Alhou no tipau thuwulu pe ke.

1 Kor. 8:1

Itehi ye achuqu pesü ajulho lhouqo lau aghakishi shive keu vehu lo juni: Ningu no ithi akeu toi “Ningu kümtsü akighithi anike.” Ikemu akighithi no aqheküza shi cheni pe eno kikimiye no shiqhepuku acheni.

2 Kor. 13:5

Nongu ye nongu küpülü mutupe ani keo mokeno nongu likhi nongu phukideküdai ju moayesa ke. Jisü Khristo ye nongu lolo ani ipi nongu ye mtha keshea? Nongu no pekuju lo tomlave ke kumo aye Khristo Jisü ye nongu lolo anike.

2 Kor. 6:16

Alhou’w achineki ngò ajulho lhouqo dolo kiu puloküqha kepu ani kea? Kughengu ningu ye xü akeu Lhou chineki ke. Kughengu Alhou no ishi pivae: “I no panoqo lolo xü nani eno panoqo gholo cheche nani, eno I no panongu Lhou shive nani, eno panongu no iw timi shive nani.”

Galatiami 2:20

Ni ye Khristo gholo yedaküqhavae eno ni ye I ghò shi xü anike kumovae, ikemu Khristo no I lolo xü anie. Itehi I phimpi lo xü akeu küxü ye Alhou Nu khuu no I kimiye eno I ghenguno pa küxü tsüve keno pa shou aküpülü qhi no xüani.

Galatiami 5:6

Kughengu Khristo Jisü gholo ye aphighüyiko ghave keu momu aphighüyiko ghamo keu nomu akhoto kumoe. Ikemu kikimiye vechewo aküpülü pephe-piye keu likhi kihi cheni ke.

Kolosiami 1:23

tiye nongu no aküpülü lo aboqha kumto shou mutotoilu eno ithamo püzü lajupu akeu atsakiviu lo ache moayesa ke. Atsakiviu hipau ye nongu no chiluve keu ke eno atsütsǘ qholo lhoxü jeli kümtsü lau asheshuvae, eno atsakiviu hipau lo ni Paul pelo aqeu lakhi shilu pe ke.

Kolosiami 1:27

Kughengu Alhou no timiqo pelo tuqhou hipau juküvüw küakini Jewkumomiqo ghenguno ghí ani kepi ithi peniye nongu kishelu ke. Eno Alhou’w tuqhou ye hipau ke: tiye, nongu lolo Khristo akeu, ajuküvü lajupu hu ke.

Kolosiami 2:7

Pa gholo nongu kuhu qüsülo eno nongu küxü shiqhepuku chelo, eno nongu kütsü pìyeve ketoi aküpülü lo akumto shilo eno shikimthi keu no qochili alo.

1 John 4:16

Ike tighenguno ningu no ithi no Alhou’w kikimiye ningu ghenguno akeu shou pükhü acheni. Alhou ye kimiyekiniu ke. Khukhumu kikimiye lo xü keu ye Alhou gholo xü cheni, eno Alhou no panongu gholo xü acheni.

1 John 4:4

Kimiye chekemi anuliqo, nongu ye Alhou lau no ighike eno kichileu tungkupumiqo theqhiluvea ke, kughengu nongu lolo akeu ye ayeghiqha lo küau nguno akijeu ke.

Piyeküsü 3:20

Julo! I no ahukikha lo puthugho no kukhu cheni. Khukhumu I sütsa chilu no ahukikha khaqhi aye, I no iloghi no timi tipau gholo chu nani, eno panongu no I gholo chu nani.