Ephesiami 2:2 - Sümi Tiqhelimi Bible

² Tiye nongu no kughou hipau yeghi laghiqo ngò amlhü kükaphu yekipe khikhi itehi khunoqo no agholu chemo keno tipaqo gholo mülà akeu ghungu pape chekeu küxü lo xüache keu hu ke.

BAIBEL (BSI)

² Tipa ghulokilo nonguye ayeghiqhalo kusakugha laghi papeche; eno amulhulo aghahwu kukaqo jeli shou ayehpeu hu papeche, tiye Alhou gholumokemi qhasupe achekeu ghahwu huke.

Sumi Naga CL (Re-edited) Bible (BSI)

² Ti ye hipa yeghi lo küxü la pape, amülhü lo aghawu küka pape, itehi hekibidemi nuli lau mla akeu ghawu pape chenipi

Ephesiami 2:2 ပူးပေါင်းရင်းမြစ်များ

MATTHEW 11:19

Timi Nu no ighino chu eno sho kelo ye panongu no, ‘Timi hipau ye minhemüzai eno shokümzümi, zame küqhami ngò axinemiqo küsàmi,’ ipi ke. Ikemu alokütsü ye akümlà lono kimichive tsü cheni.”

MATTHEW 13:22

Asahuli dolo apitì ikiqi ilove keu kiqi ye khunoqo no Alhou tsa hu chilu, ikemu hipau küxü lo mloküsaqo eno aküakini pishikiqhi no Alhou tsa hu küpühalu eno tino athi pithí mülave pe chekeu kiqi ke.

MATTHEW 13:38

Alu ye ayeghiqha ke, eno apitì kivi ye kükaphu lo timiqo ke. Alupiqo ye küsaküghamiqo ke,

Mark 4:19

ikemu hipau küxü lo mloküsaqo, aküakini pishikiqhi eno kütau thime jeli mine keu no ighino Alhou tsa küpühalu eno tino athi pithí mülave pe chekeu kiqi ke.

Luke 16:8

“Ampeu hu no amikucho kumou püghükütsüu no amqükini kümlà shikeu ghenguno akishé tsü. Kughengu ayeghi lo timi ye aküvü lo akemi nguno alau amqükini shi pano lojimiqo sasü pekithi acheni.

Luke 22:31

“Simon, Simon, Satan no amuu fuleve ketoi nongu kümtsü peju nike khuluvae.

John 12:31

Itehi ye ayeghiqha shou küghatha nikeu do shivae; eno itehi ye hipau yeghiqha kükapuu hapheve nani.

John 13:2

Avela ghulhu shi akelo, tüghami no Simon nu Judas Iscariot pelo Jisü pesü thechu shive peniye kiteve ke.

John 13:27

Judas no asho ikhiluve kemtsa Satan no pa lolo iloghive. Ike Jisü no pa vilo pi, “Nono kiu shi niye ani keno mtazü shivelo.”

John 14:30

Niye nongu vilo kutomo pimae, kughengu ayeghi hipauu kükapuu cheni ke. Pa ye I shou aküka kiumu kühae,

John 15:19

Nongu no ayeghiqha’w shi aghí aye ayeghiqha ye paw toi nongu kimiye nani. Nongu ye ayeghiqha’w kumoe, ikemu I no ayeghiqha lau no nongu kishepheluvae. Tighenguno ayeghiqha no nongu mithi ke.

John 16:11

eno küghakütha ghili kimchitsü nani, kughengu itehi ye ayeghi hipauu kükapuu kiléqhive ake.

John 7:7

Ayeghiqha ye nongu mithi müla nani, ikemu I no ayeghiqha kümlàqo ye küsakügha kepi ashepe shitsü keu ghenguno ayeghiqha no I mithi cheni.

John 8:23

Ikemu Jisü no ishi pikibe, “Nongu ye aqhou lono ke; Ni ye kungu lono ke. Nongu ye hipau yeghi lono ighike; ikemu ni ye hipau yeghi lono ighimoe.

John 8:44

Nongu ye nongu papù tüghami’w ke, eno nongu ye nongu papù no shinishiqhiyi achekeqo shi anishi cheni ke. Pa ye abothu lonomu hekiqhimi ke, kuchou papemo ke, kughengu pa lolo kuchou küha ke. Kughou pa no alatsa pìní keno pa ye pano tsau no pi cheni kughengu pa ye alatsa kipimí lakhi ke eno akimikiqo papù ke.

Apostolmi 19:35

Mishighüna lo kijemi lakhi no timiqo hasüve püzü ishi pi: “Aküsàmi Ephesiamiqo, ayeghiqha kümtsü no Ephesus phughi ye akughushuu Artemis chineki kheu, eno li julho ye atsütsǘ lono iqighi keu ke ipi ithi anike kumo keshea?

Apostolmi 5:3

Ikelo Peter no pi, “Ananias, no ye kíshi püzü Satan pelo O mlo lo ilove pe no Aghungu Kimthe pishiqhi ghi nono alu jelu keu lono pisa hami ikhithape O sala qhiluve kea?

Rommi 12:2

Hipau yeghilomi ghola ha kevilo, ikemu nongu kükümsü shikithelu keu vechewo nongu lolo pekililu lo. Tishilu aye Alhou pulou ye kiu keno nongu no tipaqo kimchilu eno ithikütüta shilu nani. Alhou pulou ye akivipu, ikhilu küzüpu eno kupukülai ke.

1 Kor. 5:10

ni ye ayeghiqha lo timi khunoqo no kipito kimthe kumo, momu alakiminemi eno pükaqhi chekemi momu ajulho mülá chekemiqo piamoe. Tishiaghi aye nongu ye ayeghi hipau qhive moayesa nani ke.

1 Kor. 6:11

Ike nongu khami ye hitoi xüche ke. Ikemu nongu ye qhukimthevae, nongu ye shikimthevae, nongu ye Ampeu Jisü Khristo je lono eno ningu Lhou Ghungu vechewo achipikaluvae.

2 Kor. 4:4

Hipau tiqheli lhou no pülümo kemiqo kükümsü kighicheve tsüae, tishi keu vechewo panoqo pelo Khristo khuu Alhou jukimihi keno pa juküvü pephe-piye chekeu tsakiviu küvü ithulu pemo niye ke.

Galatiami 1:4

ningu papù eno Alhou pulou kiqi lono Ampeu Jisü Khristo ye hipau tiqheliw küsakügha lono ningu xaphe nike ningu xinéqo ghenguno pa küxü tsüve ke,

Ephesiami 1:21

tiye itehi ghuloki likhi kumo no ighi nikeu ghuloki lo ghí ayekipe ngò kükagha, aküka ngò akükaqha, eno aje qhüiniju chekeu kümtsü nguno akiqheu ke.

Ephesiami 2:11

Tighenguno, nongu khunoqo no atüghi lo ajì lono Jewkumomi keno eno “aphighüyiko ghave kemi” (tiye timi u vechewo aphimpi lo ghave keu) ipi panongu likhi panongu ku chekemiqo no nongu vilo “aphighüyiko ghamo kemi” ipi ku cheni keno tipau kümsülulo—

Ephesiami 2:13

Ikemu nongu khunoqo ghuthu lakhi lo ye putosü pe ache keno itehi ye Khristo Jisü gholo xü kimepe keu lono Khristo jì vechewo punukhoi sasü ighivae.

Ephesiami 2:3

Ningu kümtsü ghuthu lakhi lo ye panongu gholo xüche ke, tiye ningu shi-aji no mine keu ghapiqi ghi eno tipau no shinishi keu ngò tipau kükümsü pape keu vechewo xüache ke.

Ephesiami 4:17

Ikehu I no nongu vilo hi piani, eno Ampeu je lono tamo no hipau pikichi ani, ike tiye Jewkumomiqo no panonguw ameküha keu kükümsü shou bepe xü akeu toi nongu ye tishi xü kepu kumovae.

Ephesiami 4:22

Ikemu nonguw khaghi küxü ghola vehu lo nongu vilo nongu lhoaye aqau khikhi ti pishikiqhi kükümsü no shikuchubevea keno tipau ikhiqhivelo ipi shika ke;

Ephesiami 5:6

Timi khuu pelomu nikhanigha tsa pesü nongu pishiqhive pe kevilo, kughengu hitoi keu ghenguno khunoqo no hekibidemi keno panongu shou Alhou loghu ikughi cheni.

Ephesiami 5:8

Kughengu ghuthu lakhi lo nongu ye àküzǘ lo acheke, ikemu itehi ye Ampeu lono nongu ye aküvü lomi shivae. Aküvü lo akemi toi xüche lo

Ephesiami 6:12

Kughengu ningu ye timi sasü küpüghǘ anike kumoe, ikemu ayekipemi, kükagha pe akemi, àküzǘ yeghiqha hipau ayekipemi eno kungugha kükaqha yekipe lo küsakügha ghawu kükaqo sasü küpüghǘ anike.

Kolosiami 1:21

Ghuthu lakhi lo nongu ye Alhou lau no putosü pe acheke eno nonguw küsakügha ghiliaye ghenguno nongu mlo lono Alhou ghümi shi acheke.

2 Tim. 4:10

kughengu Demas ye hipau yeghi lo thimeqo kimiyeve ke eno I qhive no Thessalonica lo wuvae. Crescens ye Galatia lo wuvea, eno Titus no Dalmatia lo wuvae.

James 1:27

Ningu Papù Alhou no akimthe eno akipimí küha keu chineye ipi ikhilu chekeu ye hike: mighimi eno chimemiqo no aghime kitikhi shi akelo tucho-heju nikeu eno ayeghilomi pelo o shikuchubeve keu shipemo no putosülu keu ke.

James 1:7

Titoi keu timi ye Ampeu lau no kiumu ithulu nikeu laju kepu kumoe.

James 4:4

Nongu shupu chekemiqo, nongu ye ayeghiqha sasü shomipami shikeu kiqi ye Alhou lachile keu ghümi shi ani kepi mtha keshea? Tighenguno, khukhumu ayeghiqha sasü aküsàu lakhi shini ke kishelu keu ye Alhou ghümi shive cheni ke.

1 Peter 1:14

Aghokulumi itimi toi shilo, nongu no kümthami küxü lo xüache ke ghuloki lo küsakügha shinishiqhiyi keu nongu lolo achekeu lau puloküqha kevilo.

1 Peter 4:3

Kughengu nongu ye wove keu lo Jewkumomiqo no shi chekeu lo aghakiqi shi ado kutomo puwovae—tiye ghüpoghüzü küxü, ghaghu, shokümzü, ghaghu-ghale ghulhu, itho-igho keu lono eno kuchubekütsüla julho mülá keu lono ke.

2 Peter 2:14

Shupu nikeu kükümsü no panongu nhethi chhitoi eno panongu ye axiné shini keu khilemu tave chemoe; panongu ye a-a shimo kemi saküghüzü cheni; panongu ye alakimine lo shitsa ke—müsüini keu tiqo ke!

1 John 3:10

Khunoqo no Alhou nuliqo eno khunoqo no tüghami nuliqo keno ningu ye hipau lono ithive cheni: Khukhumu kiu no achipi keno tipau shimo kemi ye Alhou nuli kumoe, momu khukhumu panongu thiküzümi eno achelimi kimiyemo kemi ye Alhou nuli kumoe.

1 John 3:8

Khukhumu kiu no axiné keno tipau shi chekemi ye tüghamiw ke, kughengu tüghami ye abothu lonomu axiné shisü chephi ke. Alhou Nu no ipeghi keu kiqi ye tüghami kümlà kütsakungo nikeu ghenguno ke.

1 John 4:4

Kimiye chekemi anuliqo, nongu ye Alhou lau no ighike eno kichileu tungkupumiqo theqhiluvea ke, kughengu nongu lolo akeu ye ayeghiqha lo küau nguno akijeu ke.

1 John 5:19

Ningu ye Alhou nuliqo, eno ayeghiqha kümtsü küsaküghau ghaküsü qholo ani kepi ningu no ithi ani.

1 John 5:4

kughengu Alhou lau no punúve kemi kümtsü ayeghiqha theqhilu cheni. Ningu küpülü vechewo ayeghiqha shou theqhikulu shilu keu ghí tokulu hipau ke.

Piyeküsü 12:9

Tüghaküsa kijè hu ye aqhou vepiqive. Tüghaküsa hu ye khaghi apighi khikhi tüghami momu Satan ipi ku chekeu hu ke. Pa ye ayeghilomi kümtsü pishikiqhiu hu ke. Paw kungumiqo gholo no pa ye ayeghi lo vepiqive ke.

Piyeküsü 13:14

Tüghashi atüghiu züqhu shi amchipu kümlàqo shipe nike aküka tüghashi akiniù tsü keu vechewo ayeghi lo xüküamiqo pishiqhive. Tüghashi akiniù no tüghashi khuu akihizüta no ghüzave kemu xüluve keno pa gihu keu michi shi ajulho lakhi mülà puku lo ipi ayeghilomiqo azah tsü.

Piyeküsü 13:8

Ghiqhive keu Ambeti’w aküxüpu kaku lo aje yèpuku püaghi kemi nguno alau ye ayeghi lhophe kelo no acheghi kemi kümtsü tüghashi hu mülá nani.

Piyeküsü 16:17

Kungumi akütsüniu no pa bohu pesü amlhü lo lepuku, ikelo achineki lo aküka lakhü lono asütsa kijè lakhi ipeghino ishi pi, “Hiye tavae!”

Piyeküsü 20:2

Pa no tüghaküsa hu küghaluve no ampe qhethonhe lakhi ghenguno tsüghape qhive. Tüghaküsa tipau ye khaghilow apighike, pa ye tüghami momu Satan ke.