Ephesiami 2:16 - Sümi Tiqhelimi Bible

¹⁶ eno aphimpi lakhi lono kros vechewo pama kinikujo Alhou lau külashilu peniye ke. Hitoi shiluve keu vechewo pa no panongu dolo kimthikile keu shipühave tsüke.

BAIBEL (BSI)

¹⁶ Pano Kros lo thikeu vechewo kimthikile chekeu shipuhavetsu niye eno ningu timi aqo kini pesu timi muqo lakhi shikuqhaveno Alhou lau saghiniyeke.

Sumi Naga CL (Re-edited) Bible (BSI)

¹⁶ eno kros vecheo ningu amqo kinikujo peküqhape aphimpi lakhi lono Alhou lau alupekili luve peniye, eno kimthikile chekeu kishekhave tsüniye ke.

Ephesiami 2:16 ပူးပေါင်းရင်းမြစ်များ

Rommi 5:10

Kughengu tsalá ningu no Alhou ghümi shi aphi lo thotsü pa Nu kithí vechewo pa sasü külashilu aye, ningu ye külashiluva ake tinguno alau pa küxü vechewo ningu süsholu nani.

Rommi 6:6

Kughengu ningu no ithi akeu no ningu küxü aqau ye pa gholo yedaküqhavae, tishianguno axiné no qhasü pe achekeu phimpi hu ye shipühave peniye ke, eno ningu ye axiné qüaxe shipemove niye ke—

Rommi 8:3

Kughengu timi lhoaye no miqeve keu vechewo ayeza no kiu shilu kepu küká küha no ache keno, axinemi lhoaye jukimihi lono axiné kümlagho lakhi shipe niye Alhou no pa likhi pa Nu puwu keu vechewo ayeza no shimla no achekeu hu shive tsüae. Ikehu Alhou no timi lhoaye lono axiné kiléqhive ke,

Rommi 8:7

Timi lhoaye no ghasüpe akeu kükümsü ye Alhou ghümi ke; eno tiye Alhou yeza qhoqhü chemoe, momu qhoqhü müla nanie.

1 Kor. 10:17

Kughengu ningu ye kutomo shi aghí namu ashopa lakhi lono ningu kümtsü kijechu cheni, eno tiye ningu kümtsü aphimpi lakhi ke.

Galatiami 2:20

Ni ye Khristo gholo yedaküqhavae eno ni ye I ghò shi xü anike kumovae, ikemu Khristo no I lolo xü anie. Itehi I phimpi lo xü akeu küxü ye Alhou Nu khuu no I kimiye eno I ghenguno pa küxü tsüve keno pa shou aküpülü qhi no xüani.

Ephesiami 2:15

tiye pa phimpi lo ayeza eno tipau yeza zakütsü ngò yezashiqo kümtsü qhive keu vechewo no ke. Pa kimiji ye pa likhi pa vechewo timi jeli kini akeu lono timi jeli kithé lakhi lhophe niye ke, eno tishi keu lono külashiluve,

Ephesiami 3:6

Alhou’w tuqhou hipau ye atsakiviu vechewo Jewkumomiqo no Jewmiqo gholo aqó shi amheqhi kiyighimi shikeu, aphimpi lakhi lo aqó shi kihiküsümi shikeu, eno Khristo Jisü’w pikiqhi lo aqó shi küsaje keu ke.

Ephesiami 4:4

Nongu kulù kelo lajupu lakhi lau kulùve keu toi, aphimpi lakhi eno Aghungu lakhi ani;

Kolosiami 2:14

Ayeza kiqi lo ningu lau lakichile eno kiléqhive püzü akipimí tsü ghi api-ashe akeu hu kümtsü pa no ikhive tsüke; eno pa no kros lono ti kümtsü yedave no pevetsü ake.

Kolosiami 3:15

Khristo’w aloino keu pelo nongu mlo lo ayè pelu pelo, kughengu aphimpi lakhi lo kihiküsümi toi aloino keu lo nongu kulùvea ke. Eno Alhou shikimthiqhiyi achelo.