Ephesiami 2:12 - Sümi Tiqhelimi Bible

¹² tipau ghuloki lo nongu ye Khristo lau no kütüta shipe acheke, Israel lo aghakütsami lono kopheve ke eno pikiqhiw puloshoqhiqo lau no tüsümi shi acheke, tiye hipau yeghiqha lo lajupu küha eno Alhou küha no ache ipi kümsülulo.

BAIBEL (BSI)

¹² Tipa ghulokilo nonguye Khristo launo kututashipe acheke. Nonguye inami shi ache, Alhou no kishelukeu Israilmi laumi kumoke, eno Alhou no pawu timi lau piqhikeu puloshoqhi shikeu launo tusumi shiache, eno hipa yeghiqhalo lajupu kuha eno Alhou kuhano acheke.

Sumi Naga CL (Re-edited) Bible (BSI)

¹² tipa ghuloki lo nongu ye Khristo launo kütüta shi ache, Israelmi gholo kuloji mlano inami shi ache, eno Alhouw Puloshoqhi piqhi püakeu lono tüsümi shi ayeghi lo lajupu küha eno Alhou kühano achekeu kümsülu lo.

Ephesiami 2:12 ပူးပေါင်းရင်းမြစ်များ

Luke 1:72

tiye nipù-asü lau küpüqhiyi keu pìye niye ke, eno pa kimthe shoqhi kümsüchilelu niye ke,

John 10:16

Ni ye khaküthabo hilehi küha keu ambe kütauqo anie. Ni ye panongu ghí süghi moayesa ani. Panongu ghí I sütsa ini nani, eno tilehi ye ambe loji lakhi ngò ambe kheu lakhi anani.

John 15:5

“Ni ye atsaibo eno nongu ye alokaqo ke. Nongu no I gholo kimepe aye eno I no nongu gholo aye, nongu ye axathi kutomo pithí nani; I sümo kelo nongu ye kiumu shimlae.

John 4:22

Nongu Samariamiqo ye nongu no mtha keu mülá achenie; ikemu ningu ye ningu no ithi akeu mülá acheni, kughengu xakulu ye Jewmiqo lau no ighike.

Apostolmi 2:39

Ashoqhi hu ye O ghenguno eno O tianuliqo ngò putosü lo akemiqo ghenguno ke—tiye Ampeu ningu Lhou no khunoqo kuni keno tipaqo ghenguno ke.”

Apostolmi 28:20

Hipau ghenguno I vilo nongu sasü kusho no nongu pütsa lo pike. Kughengu Israelmi’w lajupu akeu ghenguno ni ye ayikichhe hipau lo ani.”

Apostolmi 3:25

Alhou no tungkupumi vechewo nongu pù-asü lau puloshoqhi shipepüa keu ye nongu ghí küsaje akemi ke. Pa no Abraham vilo ishi pi, ‘O nuli-kughuko vechewo ayeghi lo timi kümtsü mügha nani.’

Rommi 9:8

Tipau kiqi ye Abraham nuliqo ye pa jì lono ighike ghenguno Alhou nuli shilu ke kumoe, ikemu Alhou no piqhipüa keu nuliqo no Abraham nuli ipi kihi cheni.

Galatiami 4:8

Atüghi lo kughou nongu no Alhou mtha no ache keno nongu ye alhoaye lono alhou kumo kemiqo qüaxe shi acheke.

Ephesiami 2:19

Tishiaye, nongu ye tüsümi eno inamiqo kumovae, ikemu Alhou’w timiqo gholo aghakütsamiqo eno pa kibo lo kihiküsümiqo ghí ke,

Ephesiami 4:18

Panongu kükümsü ye àküzǘ lo ani eno Alhou no tsü keu küxü lono kütüta shivae, tiye panongu lolo ayekümtha akeu vechewo panongu mlo mükamüghaive tsü akeu ghenguno ke.

Kolosiami 1:21

Ghuthu lakhi lo nongu ye Alhou lau no putosü pe acheke eno nonguw küsakügha ghiliaye ghenguno nongu mlo lono Alhou ghümi shi acheke.

Kolosiami 1:27

Kughengu Alhou no timiqo pelo tuqhou hipau juküvüw küakini Jewkumomiqo ghenguno ghí ani kepi ithi peniye nongu kishelu ke. Eno Alhou’w tuqhou ye hipau ke: tiye, nongu lolo Khristo akeu, ajuküvü lajupu hu ke.

Kolosiami 1:5

aküpülü eno kikimiye ye nongu ghenguno kungugha lo lajupu pekütsü pe püakeu lono qò ipeghi anike eno nongu lau atsakiviu kükütsü sütsa kuchou khikhi nongu lau ighi keno tile no nongu ye

1 Thes. 4:13

Athiküzümi eno achelimiqo, ningu ye nongu pelo kithimi ye kíshivea kela ipi avehuizü penishi amoe. Tishianguno nongu pelo lajupu küha kemiqo toi amlokighishi shi apemo niye ke.

1 Thes. 4:5

Jewkumomi khunoqo Alhou mtha keno panongu toi ashi-aji pulou shikepu kumoe.

2 Thes. 2:16

Ningu Mpeu Jisü Khristo ampi no eno ningu Papù Alhou khuu ningu kimiye eno paw küpükini vechewo lhokta shikumtokütsü eno lajupu kivi ningu tsü keno,

1 Tim. 1:1

Paul, ninguw xakulu Lhou eno ninguw lajupu Khristo Jisü zakütsü vechewo Khristo Jisü’w apostol lakhi no,

IBRIMI 11:34

ami mili qhapinheve tsü, eno akihizüta mütsü lono pokajoluve cheni kea; khuuw miqemilei keu pesü akumto shive tsü kea; eno khuu no aghüshi lo aküka kumto shive no inami ghüshimiqo theqhive kea.

IBRIMI 6:18

Ikehu Alhou no pikiqhi eno tushokiqhi shike, eno thime hiküma ye kilivekümlapu eno hipau lo Alhou ye akimki shivemla nani ke. Ikehu ningu khunoqo no lajupu ningu zülo qhipüa keu mutotoi tsüqüluve nike ghenguno wuve keno tipaqo pelo shishe shikumtoluve peniye ke.

IBRIMI 8:6

Ikemu kuchou lo ye pichebekümlà Jisü no ithulu keu ye panongu lau pichetsü keu nguno akiqheu ke kughengu Jisü no puloshoqhi khipauw alakipiu shi ani keno tiye puloshoqhi aqau nguno akiqheu ke, kughengu puloshoqhi akitheu ye pikiqhi akiviuqo shou shiqhepuku pe püani ke.

1 Peter 1:21

Pa vechewo nongu no Alhou khuu akithí lono Jisü xüputhu no pa juküvü shitsü keno pa shou pülü ke, ike tighenguno nongu küpülü eno lajupu ye Alhou lau anike.

1 Peter 1:3

Sheqhe keu pesü Alhou eno ningu Mpeu Jisü Khristo Papù tsü ani! Paw kikimiye kijè lono pa no akithí lono Jisü Khristo xüleputhuve keu vechewo ningu pelo xü akeu lajupu lo punú kitheluve

1 Peter 3:15

Ikemu nongu mlo lo Khristo ye Ampeu kepi gihu lo. Nongu no lajupu akeu kiqi iniju kemi kümtsü vilo khochile tsüní ke alhokuthu lo kutò pe alo. Ikemu iqüighai eno agigihu,

1 John 3:3

Pa ye akimthe kehu pa shou lajupu qhi kemi kümtsü panongu likhi panongu shikimtheve cheni.