Ephesiami 1:22 - Sümi Tiqhelimi Bible

²² Eno Alhou no thowkha kümtsü pa pukhu qholo qhitsü ke eno pa pelo akukuhou kümtsü shou akütsü shipe nikeu ghenguno süküsü shike,

BAIBEL (BSI)

²² Alhou no thwokha Khristo pukhu qholo qhitsu eno akukuhou kumtsu shou Ampeu. akiqheu shipenike tsupuani.

Sumi Naga CL (Re-edited) Bible (BSI)

²² Pa no itaghi thokha kümtsü pesü Khristo pukhu philo qhitsü, eno pa pelo ti kümtsü shou Ampeu shino akukuhou ghenguno akütsü shi peniye ikhiphe tsüe.

Ephesiami 1:22 ပူးပေါင်းရင်းမြစ်များ

MATTHEW 16:18

Eno I no O vilo pìní, no ye Peter ke, eno atuqu hipau shou I no I kukuhoki mülà puku nani, eno Hades khagho ye hipau theqhi lumo nani.

Apostolmi 20:28

Nongu likhi nongu jukuto lo eno Aghungu Kimthe no nongu pelo jukükütsüu shipe nike qhipüa kemiqo kümtsü jukuto lo. Alhou’w akukuhou khemiqo shilo, tiye pa likhi pa jì no qhüpe püani ke.

1 Kor. 11:3

Ikemu I no nongu pelo ithi penishi akeu ye kipitimi kümtsü shou akütsü ye Khristo ke, eno totimi shou li kimi no akütsü ke, eno titoi Khristo shou Alhou no akütsü ke.

Ephesiami 3:21

akukuhou lo eno Khristo Jisü gholo no tiqheli kümtsü lo alhokupuju lono alhokupuju kutólo pa lau ajuküvü ache pelo! Amen.

Ephesiami 5:23

Kughengu Khristo no akukuhou kütsü kehu toi akimi lakhi ye anipu shou akütsü ke, eno akukuhou khikhi pa phimpi keno, Khristo no tipau Xakuluu ke.

Kolosiami 1:18

Eno pa phimpi ye akukuhou eno pa ye tipau kütsü ke; pa ye abothu ke eno pa ye kithimi dolo xüputhuve keu atüghiu ke, tishi keu lono pa pelo thowkha kümtsü lo akiqheu shilu peniye ke.

Kolosiami 1:8

eno pa no ningu vilo nongu no Aghungu lono kikimiye pighi akeu ghili pike.

Kolosiami 2:10

eno Khristo lono nongu pelo kupukülailu pe ke. Pa ye aküka eno kükagha kümtsü shou akütsü ke.

Kolosiami 2:19

Panongu ye Khristo, khuu akütsü keno, pa gholo kimepe movae. Khristo lau no atüqhü ngò anhüqo vechewo aphimpi kuchopu kütshükimelu cheni eno aphi lo küdapu shilu cheni, tisheno Alhou no thuwu penishi ketoi thuwulu cheni.

1 Tim. 3:15

I no munuve aye nongu pelo timi ye kíshi Alhou ki lo panongu likhi panongu süqeghili pephe-piye moayesa keno ithi peniye ke. Kughengu Alhou ki ye xü akeu Lhou kukuhou, atsükucho eno kuchou boqha ke.

IBRIMI 2:8

eno thowkha kümtsü pesü panongu pukhu qhou qhitsü ke.” Thime kümtsü pesü panongu qholo qhivetsü keu vechewo Alhou ye thime lakhimu panongu qhou qhitsümo keu shimoe. Tishiaghi namu itehi ningu ye panongu qhou qhitsü keu thowkha kümtsü ithulu keu shi amoe.