Ephesiami 1:13 - Sümi Tiqhelimi Bible

¹³ Eno kughou nongu no kuchou kükütsü sütsa, nonguw xakulu tsakiviu chilu keno, nongu ghí Khristo gholo küqhaluvea ke. Kughou nongu no pülüluve keno, nongu ye chishida keu pesü pa gholo amichi shive ke. Pikiqhi Ghungu Kimthe

BAIBEL (BSI)

¹³ Khristo gholono nongu ghi titoi shike, kughou nonguno kuchou tsape ti nongu xakulupu tsakiviu chilukeno nonguno Khristo shou pululuveke, ikehu nonguye pawuke pikeu michipu shi pano piqhivekeu toi Aghungu Kimthe pesu nongu tsuke.

Sumi Naga CL (Re-edited) Bible (BSI)

¹³ Kughou nongu no nongu xakulupu tsakiviu kuchou tsape chilu püzü Khristo lau pülübelu keno, Paw shilu keu michishi piqhi püakeu Ghungu Kimthe pesü nongu shou puku tsüe.

Ephesiami 1:13 ပူးပေါင်းရင်းမြစ်များ

Luke 11:13

Tishiaye, nongu küsaküghami thotsü thime kivi pesü nongu tianuli tsüke ye ithi aghí aye, nongu Papù kungugha lo akeu ye kíshi tinguno alau Aghungu Kimthe pesü pa vilo khukemiqo tsü nani kea?”

Luke 24:49

I pù no kiu piqhipüani keno I no nongu lau puwu nani. Ikemu nongu ye kunguu no aküka nongu shou ikughi moke kutólo mishighüna lo ngo aghílo.”

John 1:17

Kughengu ayeza ye Moses vechewo tsüke, ikemu küpükini ngò kuchou ye Jisü Khristo vechewo no ighike.

John 14:26

Ikemu Shikumtokütsüu, Aghungu Kimthe, khikhi Apù no I je lono puwu nani keno, pa no thowkha kümtsü nongu kütsü nani eno I no nongu vilo pive keu kümtsü pesü nongu ghutu nani.

John 15:26

“Kughou I no Apù lau no puwu keu Shikumtokütsüu—Apù lau no ighi keu kuchou Ghungu—ighini keno pa no I shepe shi nani.

John 3:33

Tipau ikhilu kemiqo ye Alhou ye kuchou kepi akupulo shepe shive tsüae.

John 6:27

Shipüsave chekeu chuqu ghenguno müla kevilo, ikemu lhokta küxü kutólo ngolu chekeu chuqu ghenguno müla lo, tiye Timi Nu no nongu tsü nani ke. Kughengu Apù Alhou no pa shou pulobe mekhavae.”

Apostolmi 1:4

Ghulo lakhi pa no panongu gholo chuqu-kusho shi akelo pa no azah hipau panongu tsü: “Jerusalem qhi kevilo, ikemu I pù no aghò tsüní ipi piqhipüa keu ngokhe lo. I no aghò tipau ghili piche keu nongu no chiluvea.”

Apostolmi 13:26

“Athiküzümi Abraham nuliqo eno Alhou sükümsami Jewkumomiqo, xakulu kükütsü sütsa hipau ye ningu lau tsüpuwu keu ke.

Apostolmi 2:33

Pa süqhe pesü Alhou u ajeu qhi eno Apù lau no tushoqhi püakeu toi Aghungu Kimthe ithulu püzü nongu no itehi ithulu eno chilu akeu toi lepuku tsüke.

Rommi 1:16

Ni ye atsakiviu ghenguno küjove chemoe, kughengu hiye pülü kemi kümtsü lau xakulu süghitsü chekeu Alhou küká ke: atüghishi Jewmi lau, eno tithiu no Jewkumomi lau süghi ke.

Rommi 4:11

Eno pa ye aphighüyiko-küghá shimphi züu no aküpülü vechewo achipiumikucho chishida keu michi shi aphighüyiko-küghá ikhilu ke. Tishiaye, pa ye aphighüyiko ghamo namu pülü chekemiqo kümtsü papù ke, tishi keu vechewo panoqo pelo achipiu mikuchomi kepi kihi kulupu shipe niye ke.

Rommi 6:17

Ikemu Alhou shikimthi ani, kughengu nongu no axiné qüaxemiqo shi ache namu nongu ye nongu mlo lono ipeghino akükütsü jeli apasü shi nongu tsü keqo ikhilu no tipau ghokulu shiluvea ke.

2 Kor. 1:22

eno paw ke ipikeu michipu ningu shou amichi shivae, eno ighi niye akeu hu ye ithulu nani pütsá ipikeu michi shi pa Ghungu pesü ningu mlo lo sǘvetsüae.

2 Kor. 6:7

Ningu ye amikucho shi kuchou kütsü cheni. Alhou küká ye nilo lo mülà ani. Aghüshini ke ghenguno ni-u ajeu achipiumikucho ghünanu pe cheni eno süshoni ke ghenguno ni-u piyiu achipiumikucho ghünanu pe cheni.

Galatiami 3:14

Abraham lau kükümgha tsüpüa keu Khristo Jisü vechewo Jewkumomi kümtsü lau ighílu penike ghenguno pa no ningu xachilelu ke, tishi keu lono ningu pelo aküpülü vechewo piqhipüa keu Aghungu Kimthe ithulu peniye ke.

Ephesiami 4:30

Eno Alhou Ghungu Kimthe shikulosü kevilo, nongu ye xachilekulu tsalá ghenguno pa gholo mekha küqhavea ke.

1 Thes. 2:13

Eno ningu ye alhokuthu lono Alhou shikimthi acheni, kughengu kughou nongu no Alhou tsa khikhi ningu lau no chilu eno ikhilu keno, nongu ye timi tsa lakhi paphi shi ikhilumoe, ikemu Alhou tsa lakhi toi kuchou shi ikhilu ke, eno Alhou tsa ye nongu khunoqo no pülüluvea keno tipaqo gholo kuchou no müla anie.

2 Tim. 2:15

Tolukivi thaqhü O likhi O pesü Alhou lau ikhikulupu shini ke pükapütsalo. Akümlàmi lakhi ye kuchou tsa pesü achipi shi hepho-piye keu ghenguno kujove kepu kumoe.

2 Tim. 2:19

Tishiaghi namu, Alhou kumto boqha ye ithamo no athoshi aphi eno atsa hipau mekhave no hitoi küxüpuku pe püani: “Ampeu ye khunoqo no paw timi keno ithi ani,” eno, “Ampeu je pipheluve kemi kümtsü küsakügha lau no tsüghüve moayesae.”

2 Tim. 3:15

eno no ye ití lono Kuchoyesü ithi anike eno tipau hu no O pelo Khristo Jisü shou pülü keu vechewo xakulu ithulu pe nikeu lokütsü O tsüke.

Titus 2:11

Kughengu, Alhou’w küpükini ye timi kümtsü lau xakulu tsü niye ipeghivae.

IBRIMI 2:3

tsalá ningu no xakulu kijè hikithipu phimo aye ningu ye kíshi no pokajolu nani kea? Xakulu hipau khikhi Ampeu no atüghishi shuphe keno tiye timi khunoqo pa tsa chilu keno panongu no ningu lau ithitoi shitsü ke.

James 1:18

Pa no kuchou tsa vechewo ningu punukithelu peniye kishelu ke, tishianguno ningu pelo pa no lhosü keu jeli kümtsüw amsüu xathiqo shilu peniye ke.

James 1:21

Tighenguno, aphikümqhüpu süqesüli eno küsakügha kümlà ighono qhakuchho shi akeu kümtsü qhivelo eno Alhou tsa O lolo shosüpüa keu aqhokigheu shi ikhilulo, tino O xalu nani ke.

1 Peter 2:10

Ghuthu lakhi lo nongu ye Alhou’w timiqo kumo ke, ikemu itehi nongu ye Alhou’w timiqo shivea; ghuthu lakhi lo ye nongu ye kimiyekini ithumla no ake, ikemu itehi nongu ye kimiyekini ithuluvae.

Piyeküsü 7:2

Tipathiu kipelau no kungumi kütau ipeghi keu I no ithulu, pa ye xü akeu Lhou’w chishida kepu pesü ae. Pa no asütsa kuloghi lono ayeghi ngò azüghi shipüsa peniye aküka tsüpüa keu kungumi pano bidí vilo ishi pi: