Ephesiami 1:1 - Sümi Tiqhelimi Bible

¹ Ni Paul, Alhou pulou vechewo Khristo Jisü’w apostolmi lakhi no, Ephesus lo Alhou’w akimthe timiqo, eno Khristo Jisü lono küpülümiqo lau yèlu ani:

BAIBEL (BSI)

¹ Alhou pulou vechewo Jisu Khristo wu apostolmi shiluvekeu Paul no Efesia lo Alhou timi, Khristo Jisu gholo pukhubekulu shi akeqo lau ye ani.

Sumi Naga CL (Re-edited) Bible (BSI)

¹ Alhou kupulo lono Khristo Jisüw apostol Paul no Ephesus lo küpülümi Khristo Jisü sasü lakhi shive kemi lau:

Ephesiami 1:1 ပူးပေါင်းရင်းမြစ်များ

Luke 16:10

“Khuno no ighono kitila lomu pichebekulu shini keno kutomo lo ghí pichebekulu shi nani, eno khuno no ighono kitila lomu pichebe müla nike no kutomo lo ghí pichebe müla nani.

Apostolmi 16:15

Kughou li no akibolomiqo sasü baptiz shiluve keno, li ki lo ningu kusüe. Li no pi, “Nongu no ni ye Ampeu lono küpülümi lakhi ipi ikhilu tsü aghí aye I ki lo ighino ngo lo.” Eno li no puloniqhiyi ningu sasüe.

Apostolmi 18:19

Panongu no Ephesus lo ighi eno Paul ye Priscilla ngò Aquila pama tile qhive no wuve. Paul ampi ye synagog lo ilo no Jewmiqo sasü küptsa-kiqiju ae.

Apostolmi 18:21

Ikemu wuve niye akelo Paul no ashoqhi shi ghi panoqo vilo pi, “Alhou pulou shi aghí aye, ni ye nongu lau ideighi nani.” Tisheno zükilu lono Ephesus lo wuve.

Apostolmi 9:13

Ananias no khochile, “Ampeu, ni ye timi hipau eno pa no Jerusalem lo ow akimthe timiqo ghimeqhi keu ghiliqo kutomo chiluvae.

Rommi 1:1

Paul, Khristo Jisü qeu lakhi, apostol lakhi shipe niye kulùve keu eno Alhou tsakiviu ghenguno pakütashi qhive keu.

Rommi 1:7

I no Rome lo Alhou no kimiye chekemiqo eno paw akimthe timi shipe nike kulùve kemiqo kümtsü lau yèlu ani: Ningu Papù Alhou eno Ampeu Jisü Khristo lau no ighi keu küpükini eno aloino keu nongu gholo apeniu.

Rommi 8:1

Tighenguno Khristo Jisü’w shiluve kemi shou ye küghathabemo nani,

1 Kor. 4:12

Ningu ye nilikhi ni-u pesü aghime shi mülà acheni. Kughou ningu ghushoni keno, ningu ye kümgha tsü cheni; kughou ningu pishi-pujuni keno ningu ye tipau lo kutuuve cheni;

1 Kor. 4:17

Hi ghenguno I no Khristo lono kimiye chekeu eno pülübe chekeu I nu Timothy nongu lau puwuva ke. Pa no nongu vilo I no Khristo Jisü pape ghi xü chekeu ghola nongu vilo pikithe nani. Tino aqha kuchopu lo eno akukuhou kümtsü lo I no kiu kütsü cheni keno tipau gholo kimshilu nani.

2 Kor. 1:1

Alhou pulou vechewo, Khristo Jisü’w apostol Paul eno ningu thiküzüu Timothy lau no, Korinth lo Alhou kukuhou ngò Achaia qhalo Alhou’w akimthemi kümtsü lau yèsü hipau yèlu ani:

Galatiami 1:1

Ni Paul, apostolmi lakhi—timi lau no momu timi vechewo no puwu keu kumoe, ikemu Jisü Khristo khuu Apù Alhou no akithí lono Jisü xüputhu keno, pa no puwu ke—

Galatiami 3:26

Ike Khristo Jisü lono aküpülü vechewo nongu kümtsü Alhou nuliqo ke,

Galatiami 3:28

Ikehu Jewmi ngò Jewkumomi, aqüaxemi ngò kuqhopheve kemi, kipitimi ngò totimi dolo kütüqü keu kühae, kughengu Khristo Jisü gholo kimepe akeu lono nongu kümtsü lakhi ke.

Galatiami 3:9

Ikehu khunoqo aküpülü shou pükhü cheni keno panongu ye Abraham khuu aküpülü timi keno, pa gholo no kümghave tsüae.

Ephesiami 1:15

Hi ghenguno, nongu no Ampeu Jisü lau aküpülü akeu eno nongu no Alhou’w timiqo kümtsü kikimiye akeu ghili I no chilu keu lono,

Ephesiami 2:10

Kughengu ningu ye Alhou no azüu no ningu ghenguno akümlà kivi kutò pe qhipüakeqo mülà peniye Khristo Jisü vechewo lhophe ke. Eno ningu ye Alhou’w au no mülà keqo ke.

Ephesiami 2:13

Ikemu nongu khunoqo ghuthu lakhi lo ye putosü pe ache keno itehi ye Khristo Jisü gholo xü kimepe keu lono Khristo jì vechewo punukhoi sasü ighivae.

Ephesiami 2:6

Eno Alhou no Khristo gholo no ningu xüputhu no Khristo Jisü vechewo kungugha kükaqha lo pa gholo iqalupe ke,

Ephesiami 6:21

Ampeu lono pichebekulu qeu eno kimiye chekeu athiküzüu Tychicus no nongu vilo kümtsü pi nani, tishianguno nongu ghí ni ye kíshi ani eno ni ye kiu shi ani keno ithilu peniye ke.

Kolosiami 1:2

Kolosia lo Alhou’w akimthe timiqo, Khristo lono pükhübekulumi athiküzümi eno achelimiqo lau yèlu ani: Ningu Papù Alhou lau no ighi keu küpükini eno aloino keu nongu gholo apeniu.

Piyeküsü 17:14

Panongu no Ambeti sasü aghüshi nani, ikemu Ambeti no panongu shou toluve nani kughengu Ambeti ye ampeuqo shou Ampeu eno kükamiqo shou Akükau ke, eno pa gholo pa no kulùve kemi, kisheluve kemi eno pükhübekulumi pa pape chekemiqo anani ke.”

Piyeküsü 2:10

Nono imeve niye akeu ghenguno msà kevilo. I no O vilo piani, tüghami ye nongu peju nike ghenguno akughuki lo nongu khami sǘ nani, eno nongu ye atsala chighí kutólo pishi-puju no ghimeqhi nani. Ikemu akithí kutólo pükhübekulu shilo, tishiaye I no aküxüpu pesü ow tokulu kütsükuqho shitsü nani.

Piyeküsü 2:13

Nono khile acheni keno Satan küká lakhü ghí tilehi ani kepi I no ithi ani. Tishiaghimu no ye I je phevemo ke. Iw pükhübekulu thopiu Antipas pesü ow mishighüna khilehi Satan no ngo cheni keno tilehi no pa pìthíve ke ghuloki lo ghí no ye I shou aküpülü akeu phevemo ke.