Apostolmi 9:38 - Sümi Tiqhelimi Bible

³⁸ Lydda ye Joppa phivilo ae; ikehu kughou akhopemiqo no Peter ye Lydda lo ani ipi chilu keno, panongu no timi kini puwu eno Peter vilo hakite ghi ishi pi, “O shikimthi mtazü ighilo!”

BAIBEL (BSI)

³⁸ Jopa ye Lida lono kushuwalo kumo kehu kutsukeulo papeluveke miqono chilukeuno Pitor ye Lida lo aniepi chiluno timi kini pa lau puwu puzu hipatsa pesu wupe, “Munukevino kei ningu lau ighitsulo.”

Sumi Naga CL (Re-edited) Bible (BSI)

³⁸ Joppa ye Lydda phivilo kehu akhopemi no Peter ye Lydda lo anie pi chilu kelo timi kini puwu no pi, “Kimiyeno munu kevino ni lau ighi tsülo.”

Apostolmi 9:38 ပူးပေါင်းရင်းမြစ်များ

Apostolmi 10:5

No ye Joppa lo timi puwulo. Panongu pelo tilau timi lakhi pa je Simon khuu Peter ipi ku cheni keno pa kuwu pelo.

Apostolmi 10:8

Pa no kiu shive keno thowkha panoqo vilo lhepe pive eno Joppa lo panongu puwuve.

Apostolmi 11:13

Kungumi lakhi no pa ki lo ighino pa vilo kíshi pi keno tipau pesü ningu vilo ishi pi, ‘Joppa lo timi puwu no Simon khuu Peter ipi ku cheni keno pa kuwu pelo.

Apostolmi 11:26

eno kughou pa no Saul phuluve keno pa sasü Antioch lo ighi. Ike Barnabas ngò Saul pama no ampe kupuju akukuhomi sasü kusholu eno timi kutomo kütsüe. Küpülümiqo ye Khristomi ipi Antioch lono atüghiu shi kulù.

Apostolmi 11:5

“Ni ye Joppa mishighüna lo akighini shiae, eno züxo lono kungunhetsü lakhi ithulue. Kungugha lono apa kijè toi keu lakhi ako bidí kughujupiqi, eno tiye I no akeu-a lo iqighie.

Apostolmi 9:19

eno achuqupu hami chuve kethiu pa ye akumto shikitheluve. Saul ye atsala hami akhopemiqo sasü Damascus lo ngove.

Apostolmi 9:32

Peter no aphu sükümxaqo lo kicheghüzü shiche kelo pa no Lydda lo Ampeu’w timi xüküami xuju niye wue.

Apostolmi 9:36

Joppa lo küpülümi lakhi Tabitha (Greek lo li je ye Dorcas) ipikeu ache; li ye alhokuthu lo akümlà kivi shi eno kumlhomiqo kuphu ache.

Apostolmi 9:42

Joppa qha kümtsü lo hipau ghili ithive, eno timi kutomo no Ampeu pülüluve.

Apostolmi 9:43

Peter ye Joppa lo ashiyiko kümlamì Simon ipikeu gholo ado hami ngove.