Apostolmi 9:31 - Sümi Tiqhelimi Bible

³¹ Tipathiu Judea, Galilee eno Samaria qha kümtsü lo akukuhouqo ye alokughuno tüqhüdo ithulu eno panongu ye mtokitheluve. Ampeu sükümsa lono xü keu eno Aghungu Kimthe no shikumto keu vechewo panongu ye akikihi alau iko wove.

BAIBEL (BSI)

³¹ Ike Judia, Galil eno Samaria qha kumtsulo akukuhouye iquneikeu do sholu ae. Ampeu sumsakeu lono hiye mutokithe eno azuu hawolu eno Aghungu Kimthe kukuphu lono alau thuwuae.

Sumi Naga CL (Re-edited) Bible (BSI)

³¹ Judea, Galilee, eno Samaria qha kümtsü lo akukuhou ye iqüghai keu do sholu eno shikumtolu ae. Ampeu sükümsa lono chewu eno Aghungu Kimthe no shikumto keu vecheo ikowolu.

Apostolmi 9:31 ပူးပေါင်းရင်းမြစ်များ

Apostolmi 12:24

Ikemu Alhou tsa ye tamo no veküpha eno alau shi iko wove.

Apostolmi 16:5

Ikehu akukuhomiqo ye aküpülü lo shikumtolu eno tsalà kipetsü kihiküsümi kutomo iko wove.

Apostolmi 20:32

“Itehi I no nongu pesü Alhou eno paw küpükini tsa lau kulhuqhive tsü ani, tino nongu xaqhelu nani eno shikimtheve kemiqo kümtsü gholo nongu mheghi ighílu pe nani.

Apostolmi 5:11

Hipau sütsa chilu kemi eno akukuhomiqo kümtsü akümsa no panongu lolo chhitoive.

Apostolmi 6:7

Ikehu Alhou tsa ye veküpha wove. Jerusalem lo paikhavi lono küpülümi kikihi alau shi iko wove, eno Jewmi achinemi kutomo no atsakiviu gholuve no küpülümi shiluve.

Apostolmi 8:1

Eno Saul ye timiqo no Stephen pìthíve keu lo puloküqha tsüe. Tipau ghuloki lo Jerusalem lo akukuho shou shishe pishi-puju keu kijè lakhi ipeghive, eno tile apostolmiqo thono küpülümi kütamiqo ye Judea ngò Samaria qha kümtsü lo apanagha khave.

Rommi 14:17

Kughengu Alhou kükaphu ye kuchu-kusho vehu kumoe, ikemu tiye achipiumikucho, aloino keu, eno Aghungu Kimthe vechewo alokivi ke.

Rommi 14:19

Tighenguno ningu ye kiu no alokiqi eno shikumto kilé keu süghi cheni keno tipau shini ke ghenguno thowkha lo pükapütsa mülà ani nolo.

Rommi 15:13

Nongu no pa shou pükhübe ake toi, lajupu tsü chekeu Lhou pelo alokiqi eno alokughuno chhitoi nongu shepichhi tsü peniu, tishi keu lono nongu pelo Aghungu Kimthe küká vechewo lajupu qochililu apeniu.

Rommi 5:5

Eno lajupu hipau ye ningu pelo kujove pe chemo, kughengu Aghungu Kimthe ningu tsüpüa keu vechewo Alhou’w kikimiye ningu mlo lo lesüve tsüae.

1 Kor. 14:12

Nongu lau ghí tihutoi ke. Kughengu nongu no Aghungu ghòqo ithulu nikeu lo minemighei ani kehu aghò khipaqo no akukuhou shiqhepuku cheni keno tipaqo lo akiqheu shini ke pükapütsa alo.

1 Kor. 14:26

Athiküzümi eno achelimiqo, tishiaye ningu ye kiu pìní kea? Kughou nongu no aqoshi kusholuni keno, nongu lakhi-khi no Alhou kishé le, momu kichekütsü tsa, piyeküsü, amili kithé lono pikeu momu pebidekulupu ghò süghiluvi. Ikemu thowkha kümtsü akukuhou shiqhepuku nikeu ghenguno shi moayesa ke.

2 Kor. 10:8

Ike Ampeu no nongu xaqhive penike ghenguno kumo no aghungu lo nongu shiqhepuku peniye kükagha ningu tsüpüa keu ghenguno I no ighümo no aqheküza shi anamu ni ye tighenguno kujovemo nani.

2 Kor. 12:19

Nongu ye ado hito-tohi nongu lau no nilikhi ningu süsho ani küghashi kümsü ani keshea? Khristo gholo ache kemi toi ningu ye Alhou zülo no pi acheni; ikehu kimiye chekemi shompamiqo! Ningu no mülà keu kümtsü nongu shikumto pe nikeu ghenguno ke.

2 Kor. 13:10

Hi ghenguno ni ye I no küha kelo no hipaqo vehu yè ani, tishianguno kughou I no ighini keno ni ye ayiküsa shi iw kükagha pephemo niye ke. Kükagha hipau ye nongu sünheqhive nike ghenguno kumo no nongu shiqhepuku penike Ampeu no I tsüke.

2 Kor. 7:1

Tighenguno kimiye chekemi shompamiqo, ningu ye pikiqhi hipaqo ani kehu Alhou gihu keu ghenguno thowkha lo akimthe kupukülai shini ke aphimpi ngò aghungu shikuchubeve chekeqo thime kümtsü lau no ningu likhi ningu shikimtheveni nolo.

Ephesiami 4:12

tiye hukuthu kümlapù ghenguno paw timiqo kutokughoi pe qhi niye ke, tishianguno Khristo phimpi shiqhepukulu peniye ke,

Ephesiami 4:16

Pa lau no aphimpi kuchopu kimepe eno tsüghaküqha pesü ani eno anhü tshüpüa keu hu no aphimpi kuchopu kimelu anipe ke. Kughou aphi-au lakhi-khi lo kiu shikepu keno shi aghí aye kimiye keu vechewo aphimpi kuchopu thuwulu cheni eno xaqhepukulu cheni.

Ephesiami 4:29

Nongu kichí lo shiküpüsa tsa kiumu ipeghi pe kevilo, ikemu kütami no avehupu shi akeu kiqi lono kiu no panongu shiqhepukulu nani keno tilikhi pilo. Tishilu keu vechewo khunoqo nongu kükütsü ini ani keno tipaqo pelo alá shilu peniye ke.

Ephesiami 5:21

Khristo gihu akeu ghenguno lakhi no lakhi qhoqhü lo.

FILIPIAMI 2:1

Tighenguno nongu no Khristo gholo küqha pe akeu vechewo kiuala shikumtolu aghí, paw kikimiye vechewo alokughuno kiuala ithulu aghí, Aghungu lono kiuala aqǘ shi küsajelu aghí, kuloniküghüvüi keu eno kimiyeqhiyi keu aghí aye,

Kolosiami 1:10

tishianguno nongu pelo Ampeu no pulo keu aküzüpu küxü xülu no alaghi thowkha lono pa pulou shilu peniye ke. Eno akivi kümlà kümtsü lo axathi pithílu, Alhou kighithi lono thuwulu,

1 Thes. 5:11

Tighenguno nongu no kuchou no shi akeu toi, lakhi no lakhi shikumto eno lakhi no lakhi xaqhe lo.

1 Tim. 1:4

eno panongu pelo küghakiche tsa eno ashekha küha keu alagha kughukoqo lo amlo tsü pemove peniye ke. Thime hitoi keqo ye aküpülü vechewo Alhou kümlà azüu hawo nikeu kumo no kütsalakulupu kümsükujuqo shikumto cheni.

IBRIMI 4:9

Tishiaye Alhou’w timiqo ghenguno Sabbath-kulhokiqhi aphie;

Jude 1:20

Ikemu nongu I no kimiye chekemi shompamiqo, nongu ye nongu küpülü shishe akimtheu shou qhi keu eno Aghungu Kimthe lono inikhu keu vechewo nongu küxü shiqhepuku lo,