Apostolmi 9:17 - Sümi Tiqhelimi Bible

¹⁷ Tipathiu Ananias no wu no aki alou ilo. Pa u pesü Saul shou be püzü ishi pi, “Athiküzüu Saul, Ampeu Jisü, khuu nono hilau wuche kelo alaghi lo O lau ipeghi keno, pa no O pelo ithulu kitheve püzü Aghungu Kimthe no chhitoilu peniye O lau I puwu ani.”

BAIBEL (BSI)

¹⁷ Anania no wupuzu akilo ilo pa-u Saul shou be puzu pi,”Athikuzuu Saul, nono hilau wuchekela lono Ampeu Jisu khuu olau ipeghi keno, pano olau ipuwu ani tishianguno opelo itaghi ithulukithepe eno Aghungu Kimthe no chhitoilu peniye ke.”

Sumi Naga CL (Re-edited) Bible (BSI)

¹⁷ Ikehu Ananias no wuno aki lo ilo püzü Saul shou pa u beno pi, “Athiküzüu Saul, nono ala lo chekelo Ampeu Jisü khuu o lau ipeghi keno, pa no o nhetsü athoputho tsüno Aghungu Kimthe pesü o shepichhi penike I puwu ani.”

Apostolmi 9:17 ပူးပေါင်းရင်းမြစ်များ

MATTHEW 19:13

Tile timi khami no Jisü pelo itimiqo shou au be no kümgha tsüpe niye pa lau saighi. Ikemu akhopemiqo no panoqo lomipi.

Mark 5:23

Eno Jisü vilo pulopiniyi qhüiniju ghi ishi pi, “I ngá itimi lakhi anike li ye thive niye shivea. Li pelo viluve no xülu penike kimiye no ighi püzü O u pesü li shou be tsülo.”

Mark 6:5

Jisü ye tilehi aküsümi khami shou pa u be no shipivi keu nguno alau ye akümzapu kümlà kiumu shitsü mülave.

Luke 1:41

Kughou Elizabeth no Mary sasü petha shi keno li po lo angá no pakütashi ithae, eno Elizabeth ye Aghungu Kimthe no chhitoive.

Luke 1:67

John papù Zechariah ye Aghungu Kimthe no chhitoive no tungkupu tsa hitoi pi:

Luke 1:76

“Eno I nu, no ye Alhou Akiqheu wu tungkupu lakhi ipi ku nani; kughengu no ye Ampeu züu no pa laghi ghepe qhini ke wu nani,

Luke 15:30

Ikemu O nu hipau no amheghi kümtsü kütüqhami lau no kilhekulu puwokhave no aki lo ideighi kelo, no ye pa ghenguno amishiti athakupuu heqhitsüe!’

Luke 15:32

Ikemu ningu ye alokivishi aghulhu shi moayesave ke, kughengu hi O thiküzüu ye thive ikemu aküxü ideghivae; pa ye pühave no phuluvae.’ ”

Luke 2:11

Ishí tsalà lono David’w mishiphu lo nongu lau xakuluu lakhi punúvae, pa ye Messiah, Ampeu ke.

Apostolmi 10:36

Nongu ye Alhou no Israelmi lau akükütsü sütsa tsü keu hu ithi ani, tiye Jisü Khristo khuu kümtsü shou Ampeu keno pa vechewo alokughuno tsakiviu piputo tsüke.

Apostolmi 13:3

Panongu no kümvü eno akighini shive kethiu panongu no au chhope pama shou betsü no puwuve.

Apostolmi 13:52

Eno akhopemiqo ye alokivi ngò Aghungu Kimthe no chhitoive.

Apostolmi 19:6

Eno kughou Paul no pa u pesü panongu shou be keno Aghungu Kimthe no panongu shou ighi, eno panongu no amili kithe lono atsa pi eno tungkupu tsa pie.

Apostolmi 2:4

Panongu kümtsü Aghungu Kimthe no chhitoive eno Aghungu no panongu pelo pilu pe kehu amili kütau no atsa pithuve.

Apostolmi 21:20

Kughou hi chilu keno panongu no Alhou sheqhe. Tisheno panongu no Paul vilo pi, “Athiküzüu, no ghí julo, Jewmi qhethonhe khijehi no pülüluvea kea, eno panongu kümtsü ayeza ghenguno minemighei kemi likhie.

Apostolmi 26:15

“Tile I no iniju, ‘Ampeu, no ye khuu kea?’ “ ‘Ni ye nono pishi-puju akeu Jisü ke,’ ipi Ampeu no khochile.

Apostolmi 4:31

Panongu no akighini shive kethiu, khilehi panongu no kuho akeno tipau-a sükinie. Eno panongu kümtsü Aghungu Kimthe no chhitoive no amlo kumto shi Alhou tsape shie.

Apostolmi 6:6

Panongu no timi hipaqo sasü apostolmiqo lau ighi eno apostolmiqo no panoqo shou au be no inikhu tsü.

Apostolmi 8:17

Tisheno Peter ngò John pama no pama u pesü panongu shou be, eno panongu no Aghungu Kimthe ithulue.

Apostolmi 9:18

Paikhavi, kiuala akhayiko toi keu no Saul nhethi lono ikiqive, eno pa ye ithulu kitheve. Pa no puthughove no baptiz shiluve,

Rommi 15:7

Tishiaye Alhou juküvüpu shipe nike ghenguno Khristo no nongu ikhilu ketoi nongu ghí lakhi no lakhi ikhilulo.

1 Kor. 15:47

Timi atüghiu Adam ye ayeghi mkhu lono ighike; ikemu timi akiniù Khristo ye kungugha lono ighie.

1 Kor. 15:8

eno kümtsü nguno ashekhau shi pa no ni lhonima toi punú keu lau ghí ipeghi pìye ke.

1 Kor. 9:1

Ni ye kuqhopheve kemi ke kumo keshea? Ni ye Apostolmi lakhi ke kumo keshea? Ni ye ningu Mpeu Jisü ithuluva ke kumo keshea? Nongu ye I no Ampeu kümlà shi akeu xathi ke kumo keshea?

1 Tim. 4:14

Kughou kichimiqo no panongu u pesü O shou be keno tile no tungkuptsa vechewo aghungu ghò O tsü keu hu kughucho kevilo.

1 Tim. 5:22

Akukuho lo aghinimi shipe nikeu ghenguno tsaqütsaleimo kelo ye anguagha betsü kevilo, eno kütami xinéqo gholo küsaje kevilo. O likhi o pesü akimthe shi qhilo.

2 Tim. 1:6

Hi ghenguno I no I u pesü O shou betsü keu vechewo O lolo Alhou no aghò O tsü keu küyiqü kithe penike ni ye O piputo ani.

Philemon 1:16

aqüaxemi lakhi toi kumovea, ikemu aqüaxemi nguno akiviu shi kimiye chekeu athiküzüu lakhi toi shiluvea ke. Ni ye ighono pa avehupu shi ani ikemu I nguno alau nono pa avehupu shi nani, pa ye mülà küqha akemi toi eno Ampeu lono athiküzüu lakhi toi; eno tiye kinikujo ke.

2 Peter 3:15

Ningu no kimiye chekeu athiküzüu Paul no Alhou no alokütsü pa tsü keu vechewo nongu lau yè keu toi, ningu Mpeu’w kheakulu kiqi ghí xakulu kepi amlo lo qhilo.