Apostolmi 8:30 - Sümi Tiqhelimi Bible

³⁰ Tisheno Philip no khurkulu küdau posüsü wu eno pa no timi hu no Isaiah tungkupu Kaku phi aghí keu chilue. Philip no pa vilo iniju, “No ye nono phi akeu vethalu anima?”

BAIBEL (BSI)

³⁰ Filip no tilau posu wu ike timi huno Isaya tungkupu kaku phiakeu chilu, ikehu ishi pa vilo iniju, “Nono kiu phi cheni keno noye ti ithikuthulu anima?”

Sumi Naga CL (Re-edited) Bible (BSI)

³⁰ Philip no pa lau ighi kelo pa ye Isaiah tungkupu kaku phi cheghi keu chilu, ikehu pa no iniju, “No ye kiu phi ani keno vethalu anima?”

Apostolmi 8:30 ပူးပေါင်းရင်းမြစ်များ

MATTHEW 13:19

Khukhumu akükaphu kükütsü sütsa ghili chilu no tipau vethalumove kelo, küsaküghau no ighino kiu amlo lo xusü püani keno süxa pesü wuve cheni. Hiye apitì alaphe lo xusüve keu kiqi ke.

MATTHEW 13:23

Ikemu apitì aghüma kivi lo ikiqi ilo keu kiqi ye khunoqo no Alhou tsa chilu püzü ti vethalu keno tipau kiqi ke. Hipaqo no athi pithí tsü cheni, apitì vesü keu lo hami no aqhe no küghüsü, hami no lhotsügho no küghüsü eno hami no shighi no küghüsü ishi pithílu cheni.”

MATTHEW 13:51

Jisü no iniju, “Nongu ye hipaqo kümtsü vethaluve akema?” “Iyei,” ipi panoqo no khochile.

MATTHEW 15:10

Jisü no aqokitikhi vilo pa lau ighilo pi ku no ishi pi, “Inilo eno vethalulo.

MATTHEW 24:15

“Ikehu kughou nongu no ‘aphikümqhüpu tipau küghüküghaleive pe chekeu,’ khikhi Daniel tungkupuu no pipüani keno, tipau no akimthe-a lo puthugho aghí keu ithulu aye (phi akemi no hi ithilo)

Mark 13:14

“Kughou nongu no ‘aphikümqhüpu khikhi küghüküghaleive pe cheni keno’ tipau no ngomo kepu-a lo puthugho aghí keu ithuluni keno (phi akeu hu no hi vethalulo) Judea lo akemiqo pelo naghutoqo lo pove pelo.

John 4:34

Jisü no pi, “I puwu keu pulou shikeu eno pa kümlà shiqhiveni keu no I chuqu ke.

John 5:39

Nongu no azükini shi Kuchoyesüqo phi cheni kughengu nongu no tilehi no lhokta küxü ani pi kümsü cheni ke. Kuchoyesü hipaqo no I shepe shitsü ani,

Apostolmi 8:27

Ike Philip no alà cheve, eno alà lo che kelo pa no Ethiopiami shoko lakhi kusholu, pa ye Ethiopiamiqo shou Akükaliu Kandake’w akinikhuki jukütsü chekemi kijemi akhotomi lakhi ke. Timi hipau ye Jerusalem lo Alhou mülá niye wue,

Apostolmi 8:29

Aghungu Kimthe no Philip vilo pi, “Khurkulu lo wulo eno tipau phivilo ngo lo.”

Apostolmi 8:31

Ethiopiami hu no khochile, “Timi khami no I vilo hepho-piyemo aye ni ye kíshi no vethaluni kea?” Ike pa no Philip vilo ikughi püzü pa gholo iqalo ipi.

Apostolmi 8:5

Philip no Samaria lo mishighüna lakhi lo iqi eno tile Messiah ghili pesü asheshue.

1 Kor. 14:19

Ikemu ni ye akukuho lo ye amili kithé lono atsa 10,000 pinike züqhulo panoqo kichetsü nike ghenguno vethakulupu tsa punguu pive nani.

Ephesiami 5:17

Tighenguno nikhanigha shi kevilo, ikemu Ampeu pulou ye kiu keno vethalulo.

Piyeküsü 13:18

Hipau lo alokütsü shi moayesa keu anie. Timi khuno no juchhokulupu ani keno pano pelo tüghashi kikihi kihiju pelo, kughengu tiye timi lakhi wu akikihi ke. Tipau kikihi ye 666 ke.