Apostolmi 8:1 - Sümi Tiqhelimi Bible

¹ Eno Saul ye timiqo no Stephen pìthíve keu lo puloküqha tsüe. Tipau ghuloki lo Jerusalem lo akukuho shou shishe pishi-puju keu kijè lakhi ipeghive, eno tile apostolmiqo thono küpülümi kütamiqo ye Judea ngò Samaria qha kümtsü lo apanagha khave.

BAIBEL (BSI)

¹ Tipanino Jerusalem lo akukuho shou shishe akijipusakeu ipeghive. Apostolmi thono kupulumi kutamiqoye kumtsu Judia ngo Samaria bocholo apanagha kohave.

Sumi Naga CL (Re-edited) Bible (BSI)

¹ Saul no Stephen pithive keu lo pulo tsüe. Tipani no Jerusalem lo akukuhou kijiküpsa kije ipeghive. Apostolmi thono küpülümi kümtsü Judea ngo Samaria qhalo apanagha kuhave.

Apostolmi 8:1 ပူးပေါင်းရင်းမြစ်များ

MATTHEW 22:6

Eno kütamiqo no pa qemiqo tsüqüluve eno panongu kijipüsa eno heqhipithíve tsü.

MATTHEW 23:34

Tighenguno I no nongu lau tungkupumi, alokütsümi eno shikükamiqo puwu nani. Panongu khami nongu no pìthíve nani eno kros lo yedave nani; kütami khami nongu no synagogqo lono heqhi nani eno mishiphu lakhi lono lakhiu kutólo hakuqoqhi nani.

MATTHEW 5:13

“Nongu ye ayeghilomi ghenguno amitì ke. Ikemu amitì no aküqhü kühave aye tiye kíshi no itaghi qhü kitheluve nani kea? Khalau peleve no timi no qodave nike kumo aye, tiye kiumu avehupu kühavae.

John 15:20

I no nongu vilo kiu pi keno kümsülulo: ‘Aqemi lakhi ye pa mpeu nguno akijeu kumoe.’ Panongu no I pishi-puju aye, panongu ye nongu ghí pishi-puju nani. Panongu no I kükütsü gholu aye, panongu ye nongu kükütsü ghí gholu nani.

John 16:2

Panongu no synagog lono nongu hapheve nani; kuchou lo ye kughou timi khuno no nongu heqhi pithini keno panongu ye Alhou lau hukuthu kümlagho shi ani küghashi kümsüveni keu do cheni.

Apostolmi 1:8

Ikemu kughou Aghungu Kimthe nongu shou ikughini keno nongu no aküka ithulu nani; eno nongu ye Jerusalem lo Judea qha kümtsü lo, Samaria lo eno ayeghi shekichi kutólo iw thopimiqo shi nani.”

Apostolmi 13:1

Antioch kukuhou lo tungkupumi ngò kütsü chekemiqo ae. Tiye Barnabas, Simeon tsübui kemi ipi ku chekeu, Cyrene lono ighi keu Lucius, Manaen (khuu angh Herod gholo kümtsa saputhu keno) eno Saul ke.

Apostolmi 13:36

“Kughou David no paw tiqheli lo Alhou kimiji shikupuve keno pa ye thive, papù-asü gholo qhove eno pa sükumo ye tsümave ke.

Apostolmi 22:20

Eno kughou Stephen no O pülü keu ghenguno pìthíve keu jì pele akeno, ni ye tile puthugho no puloküqha tsü ake eno pa heqhipithí akemiqo tiphimini jukuto tsü ake.’

Apostolmi 26:10

Eno tihutoi Jerusalem lo I no hitoi shike. Achinetou kükagha lono, I no Ampeu’w timi kutomo akughuki lo khathave, eno kughou panongu pìthíve nikeu shi keno I no panongu lachile keu shi iw pulobe sǘtsü cheke.

Apostolmi 5:18

Panongu no apostolmiqo küghaluve no mìshí kughuki lo khathave.

Apostolmi 5:20

Kungumi no panongu vilo pi, “Wulo, achineki lo puthugho no timiqo vilo aküxü kithé hipau ghili pesü pilo.”

Apostolmi 5:33

Kughou panongu no hi chilu keno, panongu ye muqhumüzaive eno panongu heqhipithíve niye shive.

Apostolmi 5:40

Pa tsa no timi kümtsü mlo pütsaqhiluve. Panongu no apostolmiqo kusü chile eno akighí no panoqo heqhi pe. Tisheno panongu vilo Jisü je lono pi kevilo pi azah tsü no phe puwuve.

Apostolmi 7:38

Pa ye Sinai Naghuto lo kungumi pa pütsa keu eno ni pù-asüqo gholo küghünamokeu-a lo kuhokumqo keu lo ake; eno pa no ningu lau pekishe kepu aküxüpu tsaqo saighike.

Apostolmi 7:54

Kughou Jewmi Hoho lo kihimpemiqo no Stephen no pikeu chilu keno, panongu ye pa shou muqhumüzai eno ahu tsüghü-bubu shike.

Apostolmi 7:58

eno panongu no mishighüna lono Stephen sünhepheve no atu pesü pa veqhi thuve. Tishi akelo ju akemiqo no panonguw ubephi xapesü apumi lakhi Saul ipikeu pukhuphi lo qhive.

Apostolmi 8:14

Kughou Jerusalem lo apostolmiqo no Samariamiqo no Alhou tsa ikhiluvea ipikeu chiluve keno, panongu no Peter ngò John pama Samaria lo puwu.

Apostolmi 8:2

Alhou’w timiqo no Stephen sükumo qhovetsü eno pa ghenguno shishe mloqae.

Apostolmi 8:4

Khunoqo apanagha wukhave keno panongu no khile wu keno tilehi Alhou tsa pesü kütsü.

Apostolmi 8:5

Philip no Samaria lo mishighüna lakhi lo iqi eno tile Messiah ghili pesü asheshue.

Apostolmi 9:31

Tipathiu Judea, Galilee eno Samaria qha kümtsü lo akukuhouqo ye alokughuno tüqhüdo ithulu eno panongu ye mtokitheluve. Ampeu sükümsa lono xü keu eno Aghungu Kimthe no shikumto keu vechewo panongu ye akikihi alau iko wove.

Rommi 1:32

Panongu ye Alhou chipiumikucho yeza lo hipaqo shikeu ye pìthíve küzüpu kepi ithi anamu panongu ye tamo no hipaqo shikeu likhi kumo no khunoqo no hipaqo shi cheni keno panoqo jupe amlokiqi shi cheni.

FILIPIAMI 1:12

Athiküzümi eno achelimiqo, kuchou lo ye I lau kiu shive keno tino atsakiviu pekholu kepu shilu kepi ni ye nongu pelo ithi penishi ani.

IBRIMI 11:27

Pa ye aküpülü vechewo akükau loghu msàmo no Egypt qhive ke; pa ye tsükhoi shike kughengu pa ye khuu ithulu chemo keno pa ithulu ke.