Apostolmi 7:51 - Sümi Tiqhelimi Bible

⁵¹ “Nongu amlo kuthovi kemiqo! Nongu mlo eno kìníqo ye kili mphie. Nongu ye nongu pù-asüqo toi pülhapuju Aghungu Kimthe mjochile cheni!

BAIBEL (BSI)

⁵¹ “Nongu aghekulukumomi, amlolo kusakugha eno Alhou sutsa chikumlamiqo. Nonguye nongu puasuqo toi kena, nongu ghi pulhapuju Aghungu Kimthe mujochile cheni.

Sumi Naga CL (Re-edited) Bible (BSI)

⁵¹ “Nongu kuthovi keqo, amlo eno akini kilimo kemi, no puasüqo toi nongu ye alhokuthu Aghungu Kimthe mjochile cheni.

Apostolmi 7:51 ပူးပေါင်းရင်းမြစ်များ

Apostolmi 6:10

Ikemu panongu ye pa no Aghungu no alokütsü pa tsü no piakeu lo puthugho no ghechile mülave.

Apostolmi 7:27

“Ikemu timi lakhiu kijipüsa akeu hu no Moses tuha peve no pi, ‘Khuu no O pelo ni shou ayekipeu eno küghaküthau shipe kea?

Apostolmi 7:35

“Moses hipau ye timiqo no, ‘Khuu no O pelo ayekipeu eno küghaküthau shipe kea?’ ipi no milive keu ke. Pa ye kungumi asüminipho lono ipeghi keu vechewo Alhou no pa pelo Israelmiqo yekipeu eno kuqhokipheu shipe nike puwu keu ke.

Apostolmi 7:39

“Ikemu ni pù-asüqo no pa gholu nikeu lo milive ke. Tishini ke züqhulo panongu no Moses milive eno panongu mlo tuqhou lono Egypt lo idewove nikeu kümsüve.

Apostolmi 7:9

“Kughengu apù-asüqo no Joseph ju anheshuve ke ghenguno pa pesü Egypt lo aqüaxemi lakhi toi jesüve. Ikemu Alhou no Joseph gholo ae

Rommi 2:25

Nongu Jewmiqo no ayeza papelu aye aphighüyiko-küghá lo ameküa ani, ikemu nongu no ayeza hebide aye, nongu ye aphighüyiko ghamo kemi Jewkumomi toivea ke.

Ephesiami 4:30

Eno Alhou Ghungu Kimthe shikulosü kevilo, nongu ye xachilekulu tsalá ghenguno pa gholo mekha küqhavea ke.

FILIPIAMI 3:3

Kughengu ningu ye kuchou no aphighüyiko ghave kemiqo ke, Aghungu lono Alhou qe chekemi, Khristo Jisü lono agijivilei chekemi, eno timi lhoaye shou pülükibe qhichemo kemiqo ke,

Kolosiami 2:11

Pa vechewo nongu ghí aphighüyiko ghavae ikemu tiye timi u no aphighüyiko-gha keu kumoe. Kughou nongu no Khristo vechewo aphighüyiko ghave keno timi lhoaye no nongu phimpi kuchopu shou ayè pe chekeu ikhivea ke.