Apostolmi 7:38 - Sümi Tiqhelimi Bible

³⁸ Pa ye Sinai Naghuto lo kungumi pa pütsa keu eno ni pù-asüqo gholo küghünamokeu-a lo kuhokumqo keu lo ake; eno pa no ningu lau pekishe kepu aküxüpu tsaqo saighike.

BAIBEL (BSI)

³⁸ Asayeqhalo Israilmi kuhokumqo kelo panongu sasu akeuhu pake. Pano kungumi sasu Sinai naghutolo nongu putsa eno nisunoqo ghi sasu ngono kuptsake. Ningu tsuniye akuxupi sutsa peighi keuhu panoke.

Sumi Naga CL (Re-edited) Bible (BSI)

³⁸ Pa ye asayeqha lo aqoaho gholo ae, Sinai Toghi lo kungumi sasü küptsa eno ni puasüqo pütsa keu huye pa ke. Pa no ni tsüniye aküxüpu tsape ikhilue.

Apostolmi 7:38 ပူးပေါင်းရင်းမြစ်များ

John 1:17

Kughengu ayeza ye Moses vechewo tsüke, ikemu küpükini ngò kuchou ye Jisü Khristo vechewo no ighike.

John 6:63

Aghungu no aküxü tsü cheni; ashi ye kiumu kihi akepu kühae. I no nongu vilo pive keu tsaqo ye Aghungu eno aküxü no chhitoi ani.

Apostolmi 7:30

“Ampe lhobidi wove kethiu, kungumi lakhi no Sinai Naghuto phivilo asayeli lo asüminipho lono ami iqü akeu mili lono pa lau ipeghi pìye.

Apostolmi 7:35

“Moses hipau ye timiqo no, ‘Khuu no O pelo ayekipeu eno küghaküthau shipe kea?’ ipi no milive keu ke. Pa ye kungumi asüminipho lono ipeghi keu vechewo Alhou no pa pelo Israelmiqo yekipeu eno kuqhokipheu shipe nike puwu keu ke.

Apostolmi 7:53

nongu ye kungumiqo vechewo ayeza tsü keu ikhilue ikemu tipau gholumoe.”

Rommi 3:2

Alaghi jeli thowkha lo ameküapu kutomo ani! Kümtsü nguno atüghiu shi, Alhou no akükütsü sütsa pesü Jewmiqo pelo qhipüalu penike pichebetsü ke.

Rommi 9:4

Israelmiqo ye Alhou no saputhu pesü anukishimi shilu pe ke; panongu pelo pa kimthe juküvü küsaje pe ke, pa no panongu sasü puloshoqhiqo shi eno ayeza pesü tsüke. Pa no panoqo pelo kuchou shi pa chineki lo mülá lupe eno panoqo sasü pikiqhi shike.

Galatiami 3:19

Tishiaye kushiye ayeza tsüpüani kea? Ayeza ye ayeza hebideve keu ithi pe nikeu ghenguno süke, tiye Abraham tikughuko khuu lau pikiqhi shipüa keno pa no ighimo ke kutó ghenguno ke. Alhou no pa yeza kungumiqo vechewo Moses khuu Alhou eno timi dolo lakipiu keno pa tsüke.

IBRIMI 2:2

Kughengu kungumiqo vechewo akükütsü sütsa pive keu ye akumto kuchou ke, eno tipau hexa eno hebide keu ye ithulu küzüpu aghime ithuluvae,

IBRIMI 4:12

Kughengu Alhou tsa ye aküxü eno aküka ani. Puto-puto kihizüta nguno akütsüghau ke, tino angulho ngò aghungu kikime ngò aqǜ-anhüki kikime kutólo ghitha ilo cheni; tino timi mlo lo kümsüpù akeu ngò shinishiqhiyi akeu shou küghathabe cheni.

IBRIMI 5:12

Kuchou lo ye itehi nongu ye kükütsümiqo shi aghive kepu ke, nongu ye khuala no nongu vilo huthu kithethu shi Alhou tsa kuchou boqhaqo pe nongu lau shika pe nikeu avehupu shi ani. Nongu ye akümka chuqu kumo no akichhizü avehupu shi ani.

1 Peter 4:11

Tsalá khuala no kütsü cheghi aye, panongu ye Alhou tsa piche kemi toi shi moayesae. Tsalá khuala no hukuthu kümlà shi cheghi aye, panongu ye Alhou no akumto panongu tsü keu pesü huthu moayesae, tishi keu vechewo thime kümtsü lo Jisü Khristo vechewo Alhou sheqhe peniye ke. Alhokupuju lono alhokupuju kutólo ajuküvü eno aküka ye paw ke. Amen.