Apostolmi 6:14 - Sümi Tiqhelimi Bible

¹⁴ Kughengu pa no Nazareth nó ghami Jisü no a-a hipau kütsave nani eno Moses no akukhuaye ningu tsü no pekishe ighi keu kilive tsü nani ipikeu ningu no chilue.”

BAIBEL (BSI)

¹⁴ Pano pikeu nino chiluke Nazaretmi Jisu hipauno achineki xaqhive nani eno Muse launo ninguno itehi kutolo pepimhe ighikeu akhu- ayeh kumtsu kilive nani ipike.

Sumi Naga CL (Re-edited) Bible (BSI)

¹⁴ kughengu pa no Nazarethmi Jisü hipau no a-a hipau kütsave nani, eno Moses no ni tsükeu khuayeqo kilive tsü nanie pikeu ningu no chiluvae.”

Apostolmi 6:14 ပူးပေါင်းရင်းမြစ်များ

MATTHEW 26:61

eno shuphe, “Timi hipau no ishi pie, ‘Ni ye Alhou chineki hepholeve püzü atsala küthü lono shiqhe kitheve nani.’ ”

Mark 14:58

“Pa no ishi pi aghí keu ningu no chilue, ‘I no timi u no mülà keu chineki hipau kütsave nani eno atsala küthü dolo no timi u no mülàmo keu kütau mülaqhive nani.’ ”

Luke 21:24

Panongu ye akihizüta no ghiqhi nani eno akughumi shi sasü ayeghiqha kümtsü lo wu nani. Jewkumomiqo do aghuloki shikupumo ke kutólo Jerusalem ye Jewkumomiqo no neda pesü anani.

Luke 21:6

“Nongu no hilehi kiu ithulu ani keno ghulo lakhi ye atu lakhimu lakhi shou bepe ngomove nani; atu kümtsü tuleqhive nani.”

John 2:19

Jisü no panongu khochile, “Achineki hipau kuboleve lo. I no atsala küthü dolo no itaghi hipau müla pukuve tsü nanie.”

John 4:21

Jisü no khochile, “Totimio, I pülülo, kughengu nongu ye naghuto hipau lo ke kumo no Jerusalem lomu Apù mülámove nikeu do wo chenie.

Apostolmi 15:1

Timi khami no Judea lono Antioch lo iqighi no hitoi küpülümiqo kütsüe: “Moses no nongu kütsü keu kukhuaye kiqi lono aphighüyiko-küghá shimo aye nongu ye xamlae.”

Apostolmi 21:21

Nono Jewkumomiqo gholo xü chekemi Jewmiqo vilo Moses yeza qhivelo, anuliqo phighüyiko gha kevilo eno ni kukhuaye ghola lono xü kevilo ipi kütsü acheni kepi panongu no chilu pesü anie.

Apostolmi 25:8

Ikelo Paul no pa likhi pa shokhalu keu tsa pi: “Ni ye Jewmi yeza shou shipimi keu momu achineki shou shipimi keu momu Caesar shou shipimive keu kiumu kühae.”

Apostolmi 26:3

eno akhotoshi Jewmiqo kukhuaye eno panongu dolo kütsala achekeqo kümtsü nono akivishi ithi akeu ghenguno ke. Tighenguno, kutuu no I tsa ini tsü penike I no O qhüiniju ani.

Apostolmi 28:17

Atsala küthü thiu Paul no tipa qhalo Jewmi sakiphemiqo ku kumqoe. Kughou panongu no hekütsü kumqoluve keno, Paul no panongu vilo ishi pi: “I thiküzümiqo, I no niw timiqo zülo kiumu shipimi keu küha momu ningu pù-asüqo no pimhe ighi keu kukhuaye lo kiumu shipimi keu kühamu Jerusalem lono I küghaluve no Rommiqo u lo phesüve tsüe.

Galatiami 3:19

Tishiaye kushiye ayeza tsüpüani kea? Ayeza ye ayeza hebideve keu ithi pe nikeu ghenguno süke, tiye Abraham tikughuko khuu lau pikiqhi shipüa keno pa no ighimo ke kutó ghenguno ke. Alhou no pa yeza kungumiqo vechewo Moses khuu Alhou eno timi dolo lakipiu keno pa tsüke.

Galatiami 3:23

Jisü Khristo shou pülüluve keu ghola ighi mphi züu, ningu ye khatha pesü ayeza qholo ake, tiye aküpülü ighi niye akeu pephe-piyemo ke kutólo khatha pe püake.