Apostolmi 5:31 - Sümi Tiqhelimi Bible

³¹ Alhou no pa süqhe pesü pa u ajeu qhi no Akükau nu eno Xakuluu shipe, tishianguno Israelmiqo amlo pekibide lo süghi no panongu xinéqo qhivetsü pe niye ke.

BAIBEL (BSI)

³¹ Alhou no pa xaputhu pesu pa-u ajeu Sakipheu eno Xakuluu shipe, tishikeu lono Israilmi pelo xaideghi lukepudo tsuniye eno panongu xine pevetsu niyeke.

Sumi Naga CL (Re-edited) Bible (BSI)

³¹ Alhou no pa pesü Sakipheu eno Xakuluu shi Pa u ajeu süqhepe qhino Israelmi pelo xaidelu no axine qhikütsü ithulu peniye ke.

Apostolmi 5:31 ပူးပေါင်းရင်းမြစ်များ

MATTHEW 1:21

Li no anu lakhi punú nani, eno no ye pa je Jisü kutsü nani, kughengu pa no paw timiqo panongu xinéqo lono xalu nani.”

MATTHEW 28:18

Ikelo Jisü no panongu lau ighino pi, “Kungugha lo eno ayeghi lo kükagha kümtsü pesü I tsüvae.

Mark 2:10

kemu I no nongu pelo ithi penishi akeu ye Timi Nu ye ayeghi lo axinéqo qhivetsülu kepu kükagha anie.” Ike pa no aphimpi ithamlave keu vilo pi,

Mark 4:12

tishianguno, “ ‘Panongu ye juanamu khilemu vethamla nani, eno chilu anamu khilemu vethamla nani; tishimo aye, panongu ye xaideghi püzü akipimí qhivetsü luvi ke!’”

Luke 2:11

Ishí tsalà lono David’w mishiphu lo nongu lau xakuluu lakhi punúvae, pa ye Messiah, Ampeu ke.

Luke 24:47

eno Jerusalem lono huthu no shiye kümtsü lau pa je lono amlo pebide eno axiné qhivetsü keu sütsa pesü asheshu nani.

John 4:42

Panongu no totimi vilo pi, “Ningu ye nono kiu pi keno tipau ghengu likhi no pa pülü keu shimovae; itehi ye ningu ampi no pa tsa chiluvae, eno ningu no timi hipau ye kuchou no ayeghilomi’w Xakuluu kepi ithivae.”

Apostolmi 11:18

Kughou panongu no hi chilu keno, panongu ye kiumu lachilelu keu shimove eno Alhou sheqhe ghi ishi pi, “Tishiaye, Alhou ye Jewkumomiqo kutólo ghí amlo pebide keu vechewo aküxüpu shilu penike puloza tsüvae.”

Apostolmi 13:23

“Alhou no tushoqhi püakeu toi, timi hipau tikughuko lono xakuluu Jisü Israelmi lau süghitsü ani.

Apostolmi 2:33

Pa süqhe pesü Alhou u ajeu qhi eno Apù lau no tushoqhi püakeu toi Aghungu Kimthe ithulu püzü nongu no itehi ithulu eno chilu akeu toi lepuku tsüke.

Apostolmi 2:36

“Tighenguno Israelmi kümtsü no hipau mütsüqheilu lo: Jisü khuu nongu no yedave keno, Alhou no pa pesü Ampeu eno Messiah kinikujo shive tsüae.”

Apostolmi 2:38

Peter no khochile, “Nongu kümtsü nongu xinéqo qhivetsü penike ghenguno amlo pebideve no Jisü Khristo je lono baptiz shiluve lo. Eno nongu no Aghungu Kimthe ghò ithulu nani.

Apostolmi 3:15

Nongu no aküxü mpeu heqhipithíve, ikemu Alhou no akithí lono pa xüputhuveke. Ningu ye hipau thopimiqo ke.

Apostolmi 3:19

Tishiaye amlo pebideve lo, eno Alhou lau xaide ighilo, tishianguno nongu xinéqo nuxave tsü penike eno aghüthipüxü keu do tipau ye Ampeu lau no ighi peniye ke,

Apostolmi 3:26

Kughou Alhou no pa qeu xüputhuve keno, pa no atüghishi nongu lau puwu keu ye nongu pelo alhoküsa laghi jeliqo lono xaideghive no kükümgha ithulu peniye ke.”

Apostolmi 4:11

Jisü ye “ ‘nongu aki kishimiqo no atuqu milive keu no akhotou tuqu shivae.’

2 Kor. 2:10

Nongu no timi khuu kipimí qhive tsüní keno, ni ghí pa kipimí qhivetsü nani. Eno kiuala akipimí qhivetsü kepu shi aghí no I no akipimí qhivetsü aye, ni ye nongu ghenguno Khristo gizü lono akipimí qhivetsüae.

Ephesiami 1:7

Ningu ye pa jì vechewo xachilekulupu eno axiné qhitsükulupu ani, tiye Alhou’w küpükini kupukunoi akeu puloküqhalu keu lono

FILIPIAMI 3:20

Ikemu ninguw aghakütsa hu ye kungugha lo anike. Eno ningu ye tilau no Xakuluu ighi nikeu khekulhoshi ani, tiye Ampeu Jisü Khristo

Kolosiami 1:14

pa vechewo ningu ye xachilekulupu shi axiné pevetsü keu ani.

Titus 1:4

Titus lau yè ani, nikujo aküpülü lono lakhi shi akeu vechewo no ye I nu kuchou ke: Apù Alhou eno Khristo Jisü, ni Xakuluu lau no ighi keu küpükini eno aloino keu ow shilu peniu.

Titus 2:10

eno ampemi lau no püka kepu kumo, ikemu panongu shou pükhübelu pe kepu shi pìyelu pelo, tishilu keu vechewo alaghi jeli thowkha lo panongu pelo ningu Xakuluu eno ni Lhou ghili shika akeu jukivipu shi ithulu pe kepu shilo.

Titus 2:13

Ningu no kükümgha lajupu khe akelo—Ni Lhou akughushuu eno Xakuluu Jisü Khristo, ajuküvü lono ipeghi niye akeu,

IBRIMI 12:2

eno Jisü amsüu eno aküpülü kupukülai kütsüu shou ningu nhethi süküqümo no juni nolo. Alokiqi pa zülo qhipüatsü keu ghenguno pa ye kros kukujo phitsümo no kutuuluve eno Alhou küká lakhü lo au ajeu küdau iqave ke.

IBRIMI 2:10

Alhou khuu ghenguno eno khuu vechewo thowkha kümtsü acheghi keno pa no anu eno angáqo kutomo ajuküvü lo süghi nike ghenguno Jisü ghime vechewo panonguw amsüu kupukülai keu xakulu süghitsü keu ye achipi ke.

1 Peter 3:22

Jisü Khristo ye kungugha lo wuvea eno Alhou u ajeu küdau iqa ani. Eno kungumi, kükagha eno akükaqo no pa qhoqhü ghi anie.

2 Peter 1:1

Yesǜ hipau ye Simon Peter, Jisü Khristo qeu eno apostol lakhi no, Khunoqo ningu Lhou eno Xakuluu Jisü Khristo chipiumikucho vechewo ningu toi aküpülü ithuluve no akughupu shi ani keno tipaqo lau yèlu ani:

2 Peter 1:11

eno nongu ye ningu Mpeu eno Xakuluu Jisü Khristo’w lhokta kükaphu lo ahukülü shi nongu sasü nani.

2 Peter 2:20

Panongu no ningu Mpeu eno Xakuluu Jisü Khristo ithi akeu vechewo shikuchubeve keu yeghiqha lono pokajoluve aghí no itaghi tipau lo kitimeve no tipau no panongu qhasüve aghí aye, panongu ye hukuthu lo kiutoi akeno ashekha lo ye tinguno vimokitheuve anike.

2 Peter 3:18

Ikemu ningu Mpeu eno Xakuluu Jisü Khristo’w küpükini eno pa kighithi lono thuwu alo. Itehi eno alhokupuju lo pa juküvü shilo! Amen.

1 John 4:14

Eno ningu no ithulu eno thopi shi achekeu ye Apù no pa Nu pelo ayeghiqha Xakuluu shipe niye puwu ke.

Jude 1:25

ningu Mpeu Jisü Khristo vechewo ningu Lhou ningu Xakuluu lau ajekipi, akughushu, aküka eno ayekipe, wove keu tiqheli kümtsü züu, itehi eno alhokupuju kutólo apeniu! Amen.