Apostolmi 3:25 - Sümi Tiqhelimi Bible

²⁵ Alhou no tungkupumi vechewo nongu pù-asü lau puloshoqhi shipepüa keu ye nongu ghí küsaje akemi ke. Pa no Abraham vilo ishi pi, ‘O nuli-kughuko vechewo ayeghi lo timi kümtsü mügha nani.’

BAIBEL (BSI)

²⁵ Alhou shoqhi pawu tungkupumi vechewo akeu huye nongu salake, eno Alhou no nongu pu-asu sasu puloshoqhi shikeulo nongu ghi kusajekemie. Pano Abraham vilo pikeu toi,”Otikughukoqo vechewo ayeghilo timi kumtsu ino kumghatsunie.”

Sumi Naga CL (Re-edited) Bible (BSI)

²⁵ Nongu ye tungkupmi nuli, eno Alhou no nongu puasüqo sasü puloshoqhi shikeu nuliqo ke. Pa no Abraham vilo pi, ‘O polo kughuko vecheo ayeghi lo alagha kümtsü kümghatsü nani.’

Apostolmi 3:25 ပူးပေါင်းရင်းမြစ်များ

Luke 1:72

tiye nipù-asü lau küpüqhiyi keu pìye niye ke, eno pa kimthe shoqhi kümsüchilelu niye ke,

Apostolmi 13:26

“Athiküzümi Abraham nuliqo eno Alhou sükümsami Jewkumomiqo, xakulu kükütsü sütsa hipau ye ningu lau tsüpuwu keu ke.

Apostolmi 2:39

Ashoqhi hu ye O ghenguno eno O tianuliqo ngò putosü lo akemiqo ghenguno ke—tiye Ampeu ningu Lhou no khunoqo kuni keno tipaqo ghenguno ke.”

Rommi 15:8

Alhou no Apù-asüqo lau piqhipüa keu ye kuchou kepi pìye nike ghenguno Khristo ye Jewmiqo lau aqemi lakhi toi ighi kepi kümsülulo.

Rommi 4:13

Abraham eno pa nuli-kughukoqo ye ayeza vechewo pa ye ayeghiqha mheghi kiyighiu shi nani kepi Alhou no piqhipüa keu ighílu ke kumoe, ikemu aküpülü lono achipiumikucho shilu chekeu vechewo no ke.

Galatiami 3:16

Alhou no Abraham lau eno pa tikughukomiqo lau pikiqhi shike. Kuchoyesü lo “eno atikughukoqo lau,” ipi pipüamoe, tipau kiqi ye timi kutomo, ikemu “eno O tikughuko,” ipi pipüani, tipau kiqi ye timi lakhi, tiye Khristo ke.

Galatiami 3:29

Nongu no Khristo laumi aye, nongu ye Abraham kughukoqo ke, eno Alhou no piqhipüa keu kiqi lono nongu ye amheghi ighílu nani.

Galatiami 3:8

Alhou no aküpülü vechewo Jewkumomiqo pelo achipikaluve pe nikeu azünatha ghi Kuchoyesü no ithuluve ke, eno Abraham vilo azüu no atsakiviu piputo tsüke: “Shiyeqo kümtsü O vechewo kümgha tsü kepu shi nani.”

Piyeküsü 14:6

Tile no kungumi kütau lakhi kunguu amlhü lo yewu chekeu I no ithulu, eno ayeghi lo shiye jeli, ashiaye jeli, atsa jeli piche kemiqo eno timi jeli xüküamiqo lau asheshu nike lhokta tsakiviu pa u lo pesü ake.

Piyeküsü 5:9

Eno panongu no ishi ale kithé lakhi phe: “No ye liküküzü kaku ikhilu küzüpu ke eno tipau mekhapüa keu khaqhi küzüpu ke. kughengu no ye ghiqhive ke, eno shiaye jeli, atsa jeli piche kemi, timi amqo eno shiye jeli pelo Alhou’w timi shilu penike ghenguno O jì pesü qhüluve ke.

Piyeküsü 7:9

Hipathiu I no ju akelo timi khunomu kihikha müla kepu shi I gizülo timi kutomo ae. Tiye shiye, ashiaye, aju kütüta eno atsa kütüta piche kemi kümtsü no aküka lakhü zülo eno Ambeti zülo puthugho ae. Panongu ye miyetsüghoi keu chijeboboi-phi pepu ae eno panongu u lo amsabo loka pesü ngo ae.