Apostolmi 3:15 - Sümi Tiqhelimi Bible

¹⁵ Nongu no aküxü mpeu heqhipithíve, ikemu Alhou no akithí lono pa xüputhuveke. Ningu ye hipau thopimiqo ke.

BAIBEL (BSI)

¹⁵ eno nonguno akuxupu Mpeu pithiveke. Ikemu Alhou no akithi lono pa xaputhuve eno ninguye tipau thopimike.

Sumi Naga CL (Re-edited) Bible (BSI)

¹⁵ Nongu no aküxü Mpeu khuu Alhou no akithi lono xüputhuve keno, pa pithive. Ningu no tipau thopimi ke.

Apostolmi 3:15 ပူးပေါင်းရင်းမြစ်များ

Luke 24:48

Nongu ye thime hipaqow thopimiqo ke.

John 1:4

Pa lolo aküxü ae, eno aküxü tipau no timi jeli kümtsü ghenguno aküvü hu ke.

John 10:28

I no lhokta küxü panongu tsü, eno panongu ye khilemu pühavemo nani; khunomu I u lono panoqo süxa pewumo nani.

John 14:6

Jisü no khochile, “Ni ye alaghi eno kuchou, eno aküxü ke. I vechemo kelo ye timi khumu Apù lau ighi mülae.

John 17:2

Kughengu nono timiqo kümtsü shou kükagha puloza pesü pa tsüke eno pa pelo lhokta küxü pesü nono pa tsüke miqo kümtsü lau tsülu peniye ke.

John 4:10

Jisü no li khochile, “Tsalá nono Alhou no tsü keu ghò ithi aghí eno khuu no O vilo azü khu ani keno pa ithi aghí ke aye, no ye pa vilo aküxüpu zü khuni cheke eno pano ti O tsüní cheke.”

John 4:14

ikemu khukhumu I no tsü keu zü ye kemi ye tüghüthi kithemo nani. I no azü panongu tsü keu hu no panongu lolo lhokta küxü zü qò ipeghi anani.”

John 5:26

Kughengu Apù no pa lolo aküxü akeu toi, pa no Anu ghí alolo aküxü alu pe nikeu zà tsüvae.

Apostolmi 1:22

tiye John no baptiz shikeu lono huthu no Jisü ningu lau no saikuve ke kutólo. Hipaqo gholo milakhi ye ningu gholo shi no Jisü no xülethuve keu thopimi lakhi shi moayesae.”

Apostolmi 2:24

Ikemu Alhou no akithí lono pa xüputhuve no akithí kushuküqha lono pa kuqhopheve ke, kughengu akithí ye pa küghape qhipüaveni keu kushokütsüpu shive ke.

Apostolmi 2:32

Alhou no Jisü hipau pe xüputhuvae eno ningu kümtsü tipauw thopimiqo ke.

Apostolmi 4:2

Apostolmi pama no timiqo vilo Jisü akithí lono xülethughive keu eno kithimi xülethughive nikeu ghili pesü asheshu akeu ghenguno panongu ye ighono amloideve.

Apostolmi 5:31

Alhou no pa süqhe pesü pa u ajeu qhi no Akükau nu eno Xakuluu shipe, tishianguno Israelmiqo amlo pekibide lo süghi no panongu xinéqo qhivetsü pe niye ke.

1 Kor. 15:45

Ike ishi yèpüani: “Timi atüghiu Adam ye aküxü küami lakhi shi lhophe ke”; ikemu Adam ashekhau, tiye Khristo ke, ye aküxü-kütsüu ghungu shive ke.

Ephesiami 1:20

pa no akithí lono Khristo xüputhu no kungugha kükaqha lo pa u ajeu küghüqa keu kumto küká ke,

IBRIMI 12:2

eno Jisü amsüu eno aküpülü kupukülai kütsüu shou ningu nhethi süküqümo no juni nolo. Alokiqi pa zülo qhipüatsü keu ghenguno pa ye kros kukujo phitsümo no kutuuluve eno Alhou küká lakhü lo au ajeu küdau iqave ke.

IBRIMI 2:10

Alhou khuu ghenguno eno khuu vechewo thowkha kümtsü acheghi keno pa no anu eno angáqo kutomo ajuküvü lo süghi nike ghenguno Jisü ghime vechewo panonguw amsüu kupukülai keu xakulu süghitsü keu ye achipi ke.

IBRIMI 5:9

eno ghuthu lakhi kupukülai shive tsü kethiu, pa ye pa gholu chekemi kümtsü ghenguno alhokupuju xakulupu ipekighiu shive ke

1 John 5:20

Ningu no itaghi ithi akeu ye Alhou Nu ye ighivea eno vethakulu pesü ningu tsüvae, tishianguno ningu ye khuu no kuchou keno ithilu peniye ke. Eno ningu ye pa Nu Jisü Khristo khuu kuchou keno pa gholo xü kimepe keu vechewo pa lolo ani. Pa ye kuchou Lhou eno lhokta küxü ke.

Piyeküsü 21:6

Pa no I vilo pi: “Hi kümtsü tavae. Ni ye Alpha eno Omega, Hukuthuu eno Kishekhau ke. Tüghüthi akemi lau kümsá no aküxüpu züpuki lono azü tsü nani.

Piyeküsü 22:1

Tile no kungumi hu no aküxüpu zü ghoki I pìye. Aghoki tipau ye ighono tsüghükhüi eno tiye Alhou eno Ambeti küká lakhü lono qò ipeghi püzü

Piyeküsü 22:17

Aghungu eno külaliu no ishi pi, “Ighilo!” Khuno no chilu ani keno, “Ighilo!” pilo. Khuno no tüghüthi ani keno ighi pelo; eno khuno no aküxüpu zü kümsá ghò lunishi ani keno ikhilu pelo.