Apostolmi 3:12 - Sümi Tiqhelimi Bible

¹² Kughou Peter no hi ithulu keno pa no panongu vilo pi: “Aküsàmi Israelmiqo, kushiye hino nongu kichiqhive pe ani kea? Kushiye nongu ye ni küká momu ni mikucho lono timi hipau pelo alachelu pe ake toi qheghüi ningu ju ani kea?

BAIBEL (BSI)

¹² Kughou Pitor no ti ithulukeno, pano timiqo vilo pi, “Israilmiqo, nonguye hi jupesu kushiye akichiqhi eno kutuxoxo niju ani kya? Nonguno kumsukeuye nilikhi nikuka momu nikuxu kimthe pesu timi hipau pelo alachelupe ani kughashi kesha?

Sumi Naga CL (Re-edited) Bible (BSI)

¹² Kughou Peter no ti ithulu keno, pa no timiqo vilo pi, “Israelmiqo, kushiye nongu ye hi jupe akichiqhi ani, eno ni küka momu ni küxü kimthe huno timi hipau pelo alache lupe ketoi kutuxoxo ni juani kea?

Apostolmi 3:12 ပူးပေါင်းရင်းမြစ်များ

John 7:18

Khukhumu pa likhi pa no pi aye tiye pa likhi pa jekipi ghenguno pi anike, ikemu khuu no pa puwu keu jekipi phu cheni keno pa ye kuchou timi ke; pa ye kimikimi kumoe.

Apostolmi 13:26

“Athiküzümi Abraham nuliqo eno Alhou sükümsami Jewkumomiqo, xakulu kükütsü sütsa hipau ye ningu lau tsüpuwu keu ke.

Apostolmi 2:22

“Aküsàmi Israelmiqo, hi inilo: Nazareth nó ghami Jisü ye Alhou no akümzapu, akichiqhipu eno amichipuqo vechewo nongu lau kishe pesü tsüke, tiye nongu no ithi ake toi Alhou no pa vechewo nongu gholo mülà keu ke.

Apostolmi 3:11

Timi hu no Peter ngò John pama sünhepe akelo tile timi kümtsü no akichiqhive no Solomon Ki sheqho ipi chekeu-a lo panongu lau posü ighi.

Apostolmi 3:13

Abraham, Isaac eno Jacob Lhou, nipù-asü Lhou no pa qeu Jisü jekipipu shive tsüae. Nongu no pa heqhipithíve penike ikhiphe pe tsüve, eno Pilate no pa phe puwuve nike xathave kemu, nongu no Pilate zülo no pa milive ke.

Rommi 11:1

Tipathiu I no ishi iniju: Alhou ye paw timiqo milive keshea? Khilemu tishimoe! Ni ampi ghí Israelmi lakhi ke. Ni ye Abraham tikughukomi eno Benjamin lagha lono ighi kemi ke.

Rommi 9:4

Israelmiqo ye Alhou no saputhu pesü anukishimi shilu pe ke; panongu pelo pa kimthe juküvü küsaje pe ke, pa no panongu sasü puloshoqhiqo shi eno ayeza pesü tsüke. Pa no panoqo pelo kuchou shi pa chineki lo mülá lupe eno panoqo sasü pikiqhi shike.

2 Kor. 3:5

Nilikhi ni sala kiu-kiumu pükhalu nike ghenguno nilo lo shikulupu anike kumoe, ikemu niw shikulupu ye Alhou lau no ighike.

Piyeküsü 7:13

Tipathiu sakiphemi muchomiqo dolo lakhi no I vilo ishi iniju, “Miyetsüghoi keu chijeboboi-phi pepu akemiqo ye khunoqo kea eno panongu ye khilau no ighi kea?”