Apostolmi 27:23 - Sümi Tiqhelimi Bible

²³ I no qe chekeu Lhou eno I Mpeu’w kungumi lakhi no ìji inaputhou no I phivilo puthugho

BAIBEL (BSI)

²³ Itiji Alhou khikhi ino mlla cheni eno niye paw shi achekeu huno kungumi lakhi ilau puwu eno tipauno iphivilo puthughono

Sumi Naga CL (Re-edited) Bible (BSI)

²³ Kughengu itiji Alhou, khuu I no mlla cheni eno ni ye Paw shi acheni keno, Paw kungumi no I phivilo puthugho,

Apostolmi 27:23 ပူးပေါင်းရင်းမြစ်များ

John 12:26

I qe chekemi ye I pape moayesa; eno I no khile ani keno, I qemi ghí tile anani. I qe chekemiqo ye I pù no gihu nani.

Apostolmi 12:23

Zülile no, Ampeu’w kungumi lakhi no Herod hekuluqhive, eno pa ye apithe no tsaqhi pìthíve, kughengu pa no akishé Alhou tsümo ke.

Apostolmi 16:17

Totimi hipau no Paul ngò ninguqo pape no ighamuku ishi pi, “Timi hipaqo ye Akiqheu Alhou qemiqoe, panongu ye nongu vilo xakulupu laghi pitsü akemie.”

Apostolmi 18:9

Kijili lakhi Ampeu no kungunhetsü lono ishi Paul pütsae: “Msà kevilo; tamo no pialo, inaqhoi ngove kevilo.

Apostolmi 23:11

Tipa jì Ampeu no Paul phivilo puthugho no pi, “Amlo kumto shilo! Jerusalem lo nono I shepe shitsü ketoi, Rome lo ghí no ye I shepe shitsü moayesae.”

Apostolmi 5:19

Ikemu putho lono Ampeu’w kungumi no ighino akughuki hukikhaqo khaqhive püzü panoqo sasü khalacheu ipeghive.

Apostolmi 8:26

Ampeu’w kungumi no Philip vilo pi, “Apéu küdau asàye laghi lo ti Jerusalem lono Gaza lo iqi chekeu laghi lo wulo.”

Rommi 1:1

Paul, Khristo Jisü qeu lakhi, apostol lakhi shipe niye kulùve keu eno Alhou tsakiviu ghenguno pakütashi qhive keu.

Rommi 1:9

Alhou khuu I mlo tsüqhiyi I no qe acheni eno pa Nu tsakiviu kütsü acheni keno, pa no I no kíshi tamo no alhokuthu I kighini lo nongu kümsü acheni keno tipauw thopi ke;

Rommi 6:22

Ikemu itehi ye nongu ye axiné lono kuqhopheve no Alhou qüaxemiqo shivae, nongu no alá shilu keu hu no akimthe lo sawu cheni, eno ashekha lo tiye lhokta küxü ithulu cheni.

1 Kor. 6:20

Alhou no ame no nongu qhüluvae. Tishiaye nongu phimpi pesü Alhou juküvüpu shitsülo.

2 Tim. 1:3

Ni ye alolo kighithi mütsümishei shi no I pù-asünoqo no qe chekeu lhou khuu I no qe acheni keno pa shikimthi ani. Ni ye putho-pucho I kighini lo tamo no O kümsülu acheni.

2 Tim. 2:24

Eno Ampeu qemi ye kiyi-muto kepu kumoe ikemu timi kümtsü lau akümtsha shi moayesa, kütsülu kemi shi moayesa eno kutuukulumi shi moayesae.

2 Tim. 4:17

Ikemu Ampeu no I küdau puthugho eno aküka I tsüke, tishianguno I vechewo akükütsü sütsa kümtsü asheshulu peniye eno Jewkumomiqo kümtsü pelo chilu peniye ke. Eno abongushuu baxa lono I xapheluve ke.

Titus 1:1

Paul, Alhou qeu eno Jisü Khristo’w apostol lakhi, Alhou no kisheve kemi küpülü pekho eno Alhou sükümsa lo sawu chekeu kuchou kighithi—

Titus 2:14

pa no pa küxü pesü ningu ghenguno ikhiphe pe tsüve eno küsakügha kümtsü lau no ningu xachilelu eno pa likhi paw timiqo shikimthe tsüke, tiye ningu pelo kiu no akivi keno tipau lo minemighei shi ape niye ke.

IBRIMI 1:14

Kungumi kümtsü pichebekümlà ghunguqo püzü panongu ye xakulu mheghi ighílu niye shi akemiqo huthu pe nikeu ghenguno puwu ke kumo keshea?

Piyeküsü 22:16

“Ni Jisü no ashepe hipau pesü akukuhouqo tsüpe niye iw kungumi nongu lau puwuvea ke. Ni ye David Kuhu-aghü eno pa Nuli-kughukomi ke, eno ni ye yevüqai keu Inaqhe Yepu hu ke.”