Apostolmi 27:1 - Sümi Tiqhelimi Bible

¹ Kughou ningu Italy lo wuve nikeu shi kughuve keno, Paul ngò akughumi kütami khamiqo ye aqhe shou zatsüu Julius ipikeu, khuu Rome Kükaqha kükau ghüshimi mqo lo achekeu pelo sawu pe nikeu shive.

BAIBEL (BSI)

¹ Kughou ninguye Itali lo wupenikeu kughathavetsu keno, panonguno Paul ngo akughumi kutami khami ishi Julia pelo sawupenikeu shive. Julia ye “Rom kukau Ghushimi” ipichekeu Rommi likhikeu ghushimi muqo gholo kijemi lakhi.

Sumi Naga CL (Re-edited) Bible (BSI)

¹ Kughou Italy lo ningu puwuve nike xathave keno, panongu no Paul ngo akughumi kütami khami pesü Akükau Ghüshimi mqo lo aqhe zatsüu Julius ipikeu picheve tsü.

Apostolmi 27:1 ပူးပေါင်းရင်းမြစ်များ

MATTHEW 27:54

Kughou aqhe shou zatsüu eno pa gholo Jisü khe akemiqo no ayeghi küghütha eno kiu shi akeno ti kümtsü ithulu keno, panongu ye kichi-mamaive no akichiqhi ghi ishi pi, “Pa ye kuchou no Alhou nue!”

Luke 23:47

Aqhe shou zatsüu no, kiu shive keno ithulu püzü Alhou sheqhe eno pi, “Mütsüqhei no timi hipau ye akivimie.”

Luke 7:2

Tilehi aqhe shou zatsüu lakhi qeu khuu pa mpeu no ighono akughupu shi kimiyeche keno pa ye thiveni keshi sǜ ae.

Apostolmi 10:1

Caesarea lo timi lakhi Cornelius ipikeu ache, pa ye Italymi Ghüshimi ipi chekeu lo aqhe shou zatsüu lakhi ke.

Apostolmi 10:22

Panongu no ishi khochile, “Ningu ye aqhe shou zatsüu Cornelius lau no ighi anie. Pa ye amikuchomi, Alhou sümsa chekemi eno Jewmi kümtsü no pa gihu chekemi lakhi ke. Akimthe kungumi lakhi no pa vilo pikeu no O pelo pa ki lo ighino nono kiu pi kepu ani keno pa no ini kepu shini ke ighino pilo pie.”

Apostolmi 16:10

Paul no kungunhetsü ithuluve kethiu Alhou no panongu lau atsakiviu pesü pipe nike ningu kulùvea kepi ithive no paikhavi Macedonia lo wuve nike aghili kutoluve.

Apostolmi 18:2

Tilehi Paul no Pontus nó ghami Aquila ipikeu Jewmi lakhi sasü kusholu. Aquila ghí tipau dolo no pa nipu Priscilla sasü Italy lono ighi ae, kughengu Qhasükükau Claudius no Jewmi kümtsü vilo Rome phughi qhive no chevelo pi azah tsüke. Paul no pama pütsa niye wu,

Apostolmi 19:21

Hipaqo kümtsü shive kethiu Paul ye Macedonia ngò Achaia vechesü Jerusalem lo kicheghüzü shini keu vehu kughuluve. Pa no ishi pia, “I no tilau wuve kethiu ni ye Rome ghí xuju moayesa anie.”

Apostolmi 21:32

Pa no akimighi shi hiyampemiqo hami eno ghüshimiqo sasü aqokitikhi lau posü iqi. Kughou heküpüsamiqo no zatsüu eno ghüshimiqo ithulu keno, panongu no Paul heqhi akeu tave.

Apostolmi 22:26

Kughou aqhe shou zatsüu no hi chilu keno, pa no zatsüu lau wu no hitoi pìthive. “No ye kíshivenia kea? Timi hipau ye Rommi aghakütsamie.”

Apostolmi 23:11

Tipa jì Ampeu no Paul phivilo puthugho no pi, “Amlo kumto shilo! Jerusalem lo nono I shepe shitsü ketoi, Rome lo ghí no ye I shepe shitsü moayesae.”

Apostolmi 23:17

Ikelo Paul no aqhe shou zatsüu lakhi ku no pi, “Apumi hipau sasü zatsüu lau wulo; pa ye kiu kela pa vilo pi kepu anie.”

Apostolmi 24:23

Pa no aqhe shou zatsüu vilo Paul khekuto lo pi azah tsüve, tishimu Paul lakhamo no kiu shikepu keno shilu pe eno pa küsàmiqo pelo pa vehupu jeliqo jukuto penike puloza tsüve.

Apostolmi 25:12

Festus no akükümsü pa tsü chekemiqo sasü küptsave kethiu, pa no hitoi khochile: “Nono Caesar lau no xathani ke qhüiniju ani. Ikehu Caesar lau O puwuveni!”

Apostolmi 25:25

Ikemu ni ye pa pìthíve moayesa kepu akiqi kiumu phulumoe, eno pa no Qhasükükau pelo pa tsa xatha tsü penike qhüiniju kehu I no Rome lo pa puwu nikeu shi.

Apostolmi 27:11

Ikemu aqhe shou zatsüu no Paul no pikeu tsa ini tsümo no zükilu küsàu ngò zükilu mpeu pama no mijetsü keu tsa inive.

Apostolmi 27:43

Ikemu aqhe shou zatsüu ye Paul küxü pükhatsü nishi akehu, panongu no kiu shi niye püghü akeno tipau shipemo nike lakhave. Pa no khunoqo azümihi ithi ani keno zükilu lono atüghiu shi ilhe iqive no ayeghi küdau wuve penike azah tsü.

Apostolmi 27:6

Tilehi aqhe shou zatsüu no Alexandriamiw zükilu Italy lo wuche keu phulu kehu ningu pelo tilehi ikuvepe.

Apostolmi 28:1

Ningu no shilusamo no azü mükü lo ighi. Ike tipau-a ye Malta ipikeu züdoyeghi shi aghí.

Apostolmi 28:16

Kughou ningu no Rome lo ighive keno Paul ye ghüshimi no ngokhe no pa likhi ngolu pe nikeu shive.

IBRIMI 13:24

Nonguw sakiphemiqo kümtsü eno Ampeu’w timiqo kümtsü lau petha tsü ani. Italy lo akemiqo no panonguw petha nongu tsü ani.