Apostolmi 26:18 - Sümi Tiqhelimi Bible

¹⁸ eno tiye panongu nhethi àküzǘ lono aküvü ithulu peniye ke, eno Satan küká lono Alhou küká lo ighive no axinéqo qhikütsü ithuluve pe no I shou pülübe no mitheluve kemiqo gholo ngolu peniye ke.’

BAIBEL (BSI)

¹⁸ Noye panongu nhethi xukhotsu masa eno akuzu lono akuvulo panongu saghilo. Satan kuka lono Alhou lau saghilo, tishianguno panonguno ipulubekeu vechewo panongu xine pevetsu nani eno shikimtheluvemiqo gholo panongu-a phulu nani.”

Sumi Naga CL (Re-edited) Bible (BSI)

¹⁸ panongu nhethi xükho tsüno no aküzü lono aküvü lo ipeghilu, eno Satan küka lono Alhou lau tsüghü ighilu, tishino panongu pelo axine qhikütsü ithulu no I lau aküpülü akeu vecheo shikimtheve kemi gholo a-a ithulu peni.’

Apostolmi 26:18 ပူးပေါင်းရင်းမြစ်များ

MATTHEW 4:10

Jisü no pa vilo pi, “I lau no chevelo, Satan! Kughengu ishi yèpüani: ‘Ampeu O Lhou likhi mülá lo eno pa likhi huthu lo.’”

MATTHEW 4:16

àküzǘ lo xü akemiqo no aküvü kijè lakhi ithuluvae; akithí yekükhü yeghi lo xü akemiqo shou aküvü lakhi ipeghivae.”

Luke 1:77

tiye paw timiqo lau axiné qhikütsü vechewo xakulu kighithi tsü niye ke.

Luke 1:79

tiye àküzǘ yeghi lo xü akemi eno akithí yekükhü lo akemi, ni pukhu nepa kichesü aloino keu là lo sawu nikeu ghenguno ke.”

Luke 2:32

tiye Jewkumomi ghenguno pekiphe küvü lakhi ke, eno ow timi Israelmi ghenguno ajuküvü ke.”

Luke 24:45

Tisheno pa no panoqo pelo Kuchoyesü ithikuthulu penike panongu kükümsü khaqhi tsü.

Luke 24:47

eno Jerusalem lono huthu no shiye kümtsü lau pa je lono amlo pebide eno axiné qhivetsü keu sütsa pesü asheshu nani.

Luke 4:18

“Ampeu Ghungu I shou ani, kughengu atsakiviu pe kumlhomi lau asheshu peniye pa no ni nukishelu ke. Akughumi lau khakiqhi kütüghü peniye eno anhethi kighichemi pelo ithulu kithe peniye, neda-qoda püa kemi phepuwu peniye

John 17:17

Kuchou vechewo panoqo shikimthe tsülo kughengu O tsa ye kuchou ke.

John 3:19

Xakütha ye hike: Aküvü ye ayeghi lo ighivae, ikemu timiqo no aküvü kimiye nike züqhulo àküzǘ kimiye ke, kughengu panongu kümlàqo no küsakügha ke.

John 4:10

Jisü no li khochile, “Tsalá nono Alhou no tsü keu ghò ithi aghí eno khuu no O vilo azü khu ani keno pa ithi aghí ke aye, no ye pa vilo aküxüpu zü khuni cheke eno pano ti O tsüní cheke.”

John 4:14

ikemu khukhumu I no tsü keu zü ye kemi ye tüghüthi kithemo nani. I no azü panongu tsü keu hu no panongu lolo lhokta küxü zü qò ipeghi anani.”

John 8:12

Jisü no itaghi timiqo pütsa ghi ishi pi, “Ni ye ayeghilomi küvü ke. Khukhumu I pape kemi ye khilemu àküzǘ lo chechemo nani, ikemu aküvü küxü lo cheche nani.”

John 9:39

Jisü no pi, “Küghatha nike ghenguno ni ye ayeghi hipau lo ighike, tishianguno anhethi kighichemi pelo ithulu pe eno ithulu akemi pelo anhethi kighichemi shive peniye ke.”

John 9:5

I no ayeghi lo ake dolo, ni ye ayeghilomi küvü ke.”

Apostolmi 10:43

Timi khuu no pa pülüni keno pa je vechewo axiné qhikütsü ithulu nani ipi Tungkupumi kümtsü no pa shepe shitsü.”

Apostolmi 13:47

Kughengu Ampeu no hitoi ningu lau azah tsüpüani ke: “Nongu pelo ayeghi kishekha kutólo xakulu süghi penike ghenguno I no nongu pesü Jewkumomiqo ghenguno akulu lakhi toi shitsü ke.”

Apostolmi 15:9

Alhou ye ningu eno panongu dolo kotha-kile keu shitsümoe, kughengu pa no aküpülü vechewo panoqo mlo shikimthe tsüke.

Apostolmi 2:38

Peter no khochile, “Nongu kümtsü nongu xinéqo qhivetsü penike ghenguno amlo pebideve no Jisü Khristo je lono baptiz shiluve lo. Eno nongu no Aghungu Kimthe ghò ithulu nani.

Apostolmi 20:21

Ni ye Jewmi ngò Greekmiqo kinikujo vilo ghí panongu ye Alhou lau xaideighi no amlo pebideve püzü ningu Mpeu Jisü shou pülübe moayesa kepi shukiphe shive tsüae.

Apostolmi 20:32

“Itehi I no nongu pesü Alhou eno paw küpükini tsa lau kulhuqhive tsü ani, tino nongu xaqhelu nani eno shikimtheve kemiqo kümtsü gholo nongu mheghi ighílu pe nani.

Apostolmi 26:19

“Ike tishikehu, Akükau Agrippa, ni ye kungu lono ighi keu nhetsü hebidevemoe.

Apostolmi 26:23

Messiah ye aghime shi moayesa nani eno akithí lono xüithuve kemi dolo atüghiu shi nani, aküvü kükütsü sütsa pesü no paw timiqo eno Jewkumomiqo lau süghitsü nani.”

Apostolmi 3:19

Tishiaye amlo pebideve lo, eno Alhou lau xaide ighilo, tishianguno nongu xinéqo nuxave tsü penike eno aghüthipüxü keu do tipau ye Ampeu lau no ighi peniye ke,

Apostolmi 5:31

Alhou no pa süqhe pesü pa u ajeu qhi no Akükau nu eno Xakuluu shipe, tishianguno Israelmiqo amlo pekibide lo süghi no panongu xinéqo qhivetsü pe niye ke.

Rommi 8:17

Ningu ye Alhou nuliqo ke ghenguno ningu ye pa mheghi kiyighiuqo ke. Eno Khristo gholo ningu ghí Alhou juküvü mheghi ighiküqha ke. Ikemu pa juküvü gholo küsaje nishi aye ningu ye pa ghime lo ghí küsaje moayesa nani.

1 Kor. 1:2

Alhou kukuhou Korinth lo Khristo Jisü lono shikimtheve no paw akimthemi shilu peniye kulùve kemi, tipau gholo ningu Mpeu Jisü Khristo, khuu ningu eno panongu Mpeu keno, pa jeku chekemi kümtsü lau yèlu ani:

1 Kor. 1:30

Alhou ghenguno nongu ye Jisü Khristo gholo anike, eno Khristo Jisü vechewo Alhou lau no ighi keu lokütsü ningu tsüke—tiye ninguw achipiumikucho, akimthe eno xachilekulu ke.

2 Kor. 4:4

Hipau tiqheli lhou no pülümo kemiqo kükümsü kighicheve tsüae, tishi keu vechewo panoqo pelo Khristo khuu Alhou jukimihi keno pa juküvü pephe-piye chekeu tsakiviu küvü ithulu pemo niye ke.

2 Kor. 4:6

Kughengu Alhou khuu no, “Aküvü pelo àküzǘ lono vüipeghi pelo,” ipi keno, Jisü Khristo gi lo Alhou juküvü pephe-piye keu ithilu kepu küvü ningu tsüní ke ghenguno pa küvü pesü ningu mlo lo yepüvü tsüke.

2 Kor. 6:14

Pülümo kemiqo sasü kuokhasü lakhi shi kevilo. Achipiumikucho ngò küsakügha küma ye kiu lono aqǘ shikepu ani kea? Momu aküvü ye àküzǘ sasü kiu lono kuposhu kepu ani kea?

Galatiami 2:20

Ni ye Khristo gholo yedaküqhavae eno ni ye I ghò shi xü anike kumovae, ikemu Khristo no I lolo xü anie. Itehi I phimpi lo xü akeu küxü ye Alhou Nu khuu no I kimiye eno I ghenguno pa küxü tsüve keno pa shou aküpülü qhi no xüani.

Galatiami 3:14

Abraham lau kükümgha tsüpüa keu Khristo Jisü vechewo Jewkumomi kümtsü lau ighílu penike ghenguno pa no ningu xachilelu ke, tishi keu lono ningu pelo aküpülü vechewo piqhipüa keu Aghungu Kimthe ithulu peniye ke.

Galatiami 3:2

Ni ye nongu lau no thime lakhi ithive nishi anie: Nongu ye ayeza lo shikupulu keu vechewo Alhou Ghungu ithulu keo nongu no kiu chilu keno tipau pülü keu vechewo no kea?

Ephesiami 1:11

Pa vechewo ningu ghí kisheluvae, tiye Alhou khuu no pa pulou kimiji gholo puloküqhalu ghi thime kümtsü müla phe acheni keno ningu ye pa kukughu kiqi lono azüu no kughuchho pe qhivae.

Ephesiami 1:14

hu ye ningu mheghi ithulu nani pütsá ipikeu kimchikütsüu ke. Tiye khunoqo no Alhou’w timiqo keno tipaqo xachilelu moke kutólo ke. Ningu pa juküvü sheqheni nolo.

Ephesiami 1:18

Ni ye nongu mlo nhethi pelo alopütsülu pe nikeu ghenguno inikhu acheni, tishianguno nongu pelo pa no nongu kulù püakeu lajupu akeu, paw akimthe timiqo gholo ajuküvü mheghi kinikülü shi akeu,

Ephesiami 1:7

Ningu ye pa jì vechewo xachilekulupu eno axiné qhitsükulupu ani, tiye Alhou’w küpükini kupukunoi akeu puloküqhalu keu lono

Ephesiami 2:8

Kughengu nongu ye küpükini lono aküpülü vechewo xaluvae—eno hiye nongu likhi nongu no shilu ke kumoe, hiye Alhou’w aghò ke—

Ephesiami 4:18

Panongu kükümsü ye àküzǘ lo ani eno Alhou no tsü keu küxü lono kütüta shivae, tiye panongu lolo ayekümtha akeu vechewo panongu mlo mükamüghaive tsü akeu ghenguno ke.

Ephesiami 5:11

Àküzǘ lo athi pithímo keu kümlàqo lo chhosü kevilo, ikemu tishini ke züqhulo tipaqo aküvü lo pephe-piye lo.

Ephesiami 5:14

Hi ghenguno ishi pike: “Zü akemiqo, ithuvelo, kithimi gholo no ithughivelo, eno Khristo no nongu shou yepüvü tsü nani.”

Ephesiami 5:8

Kughengu ghuthu lakhi lo nongu ye àküzǘ lo acheke, ikemu itehi ye Ampeu lono nongu ye aküvü lomi shivae. Aküvü lo akemi toi xüche lo

Ephesiami 6:12

Kughengu ningu ye timi sasü küpüghǘ anike kumoe, ikemu ayekipemi, kükagha pe akemi, àküzǘ yeghiqha hipau ayekipemi eno kungugha kükaqha yekipe lo küsakügha ghawu kükaqo sasü küpüghǘ anike.

2 Tim. 2:26

eno tishilu aye panongu ye alotsüluve no tüghami khuu no pa pulou shipe niye panongu pesü akughu shive keno pa lichhe lono pokajoluve nani.

IBRIMI 10:10

Eno Alhou pulou vechewo ningu ye Jisü Khristo phimpi pe ghuthukhavi lono alhokupuju ghenguno aghakishi shive keu vechewo akimthe shiluvae.

IBRIMI 10:14

Kughengu pa ye aghakishi lakhi vechewo khunoqo pe akimthe shivea keno panongu ghenguno alhokupuju ghenguno kupukülaive tsüke.

IBRIMI 11:6

Eno aküpülü küha kelo ye Alhou mlokiqipu shini keu kushokütsü ke, kughengu khukhumu pa lau ighi kemi ye pa ye xüani eno pa ye khunoqo no puloniqhiyi pa phu ighi cheni keno tipaqo asaxu tsü cheni kepi pülü moayesa ke.

IBRIMI 9:15

Hi ghenguno Khristo ye puloshoqhi akitheuw alakipiu ke, tishianguno khunoqo kulùvea keno panongu pelo piqhipüa keu lhokta mheghi ighílu peniye ke—kughengu panongu pelo puloshoqhi atüghiu qholo axiné shive keqo lono kuqhophe nike ghenguno pa ye xakipheu lakhi shi thive ke.

James 2:5

I thiküzümi eno I chelimiqo, hi inilo: Alhou ye ayeghiqha nhethi lo khunoqo no athokhami keno panoqo pelo aküpülü lo kinikülü shi no khunoqo no pa kimiye cheni keno tipaqo lau akükaphu piqhipüa keu ighílu penike kishelu ke kumo keshea?

1 Peter 1:4

eno khilemu tsümavemo, shikuchubevemo momu kühavemo nikeu mheghi lakhi pe ningu tsüke. Amheghi hipau ye nongu ghenguno kungugha lo qhipüani ke,

1 Peter 2:25

Kughengu “nongu ye ambe no kawuve ake toi ke,” ikemu itehi nongu ye Ambe Kheu eno nongu ngulhoqo Jukükütsüu lau ideghivae.

1 Peter 2:9

Ikemu nongu ye kisheluve kemi timiqo, akükau chine kümlamì, akimthe shiye eno Alhou’w paküta keu mheghiqo ke, tishi keu vechewo nongu pelo khuu no paw akichiqhipu küvü lo süghi niye àküzǘ lono nongu kuphelu keno pa sheqhe ghi asheshu peniye ke.

1 John 1:9

Alhou ye pükhübekulu eno achipiu Lhou ke ningu no ni xinéqo piphe aye pa ye ningu xinéqo qhivetsü nani eno amikucho kumo jeli kümtsü lono ningu shikimtheve tsü nani.

1 John 2:12

Kimiye chekemi anuliqo, I no nongu lau yè akeu ye pa je lono nongu xinéqo qhivetsü ake ghenguno ke.

1 John 3:8

Khukhumu kiu no axiné keno tipau shi chekemi ye tüghamiw ke, kughengu tüghami ye abothu lonomu axiné shisü chephi ke. Alhou Nu no ipeghi keu kiqi ye tüghami kümlà kütsakungo nikeu ghenguno ke.

1 John 5:19

Ningu ye Alhou nuliqo, eno ayeghiqha kümtsü küsaküghau ghaküsü qholo ani kepi ningu no ithi ani.

Jude 1:1

Jude, Jisü Khristo qeu eno James thiküzüu lakhi, Khunoqo kulùvea, khunoqo no Apù Alhou vechewo kimiye cheni eno Jisü Khristo ghenguno ghüpe qhivea keno tipaqo lau yèlu ani:

Piyeküsü 21:27

Mithekumo jeli kiumu Akimthe Mishighüna lo ilo müla nani, khukhumu akukujopu momu pishikiqhi kümlà shi chekemi ye khilemu ilo müla nani, ikemu Ambeti’w aküxüpu kaku lo aje yèpüa kemiqo likhi no ilolu nani.