Apostolmi 22:3 - Sümi Tiqhelimi Bible

³ “Ni ye Jewmi ke, Cilicia lo Tarsus phughi lono punú kemi, ikemu aphughi hipau lono saputhu ke. Ni ye Gamaliel qholo no phi kemi eno tsaqütsalei ni pù-asüqo yeza lo qokipheluve kemi. Ishí nongu no shi akeu toi ni ghí Alhou ghenguno ighono minemighei chekemi ke.

BAIBEL (BSI)

³ “Niye Judami lakhi, Kilikia ghakhulo Tarsus phu lono punu kemi, ikemu Gamaliel qholono kiphimi lakhi shi-ghi Jerusalem phughi hipau lono saputhue. Nipu asuqo yezah ghola akuthou lono ishika puthu, eno nongu ishi hile akemiqo kumtsu hutoi Alhou ghenguno azukini shi ache.

Sumi Naga CL (Re-edited) Bible (BSI)

³ “Ni ye Jewmi, Cilicia lo Tarsus lono punu, ikemu mishighüna hipau lono saputhu, eno Gamaliel pukhuphi lono ni puasü Yezah kiqi lono akighithi ithulue. Ishi nongu kümtsü toi ni ghi Alhou ghenguno müamzü chekemi.

Apostolmi 22:3 ပူးပေါင်းရင်းမြစ်များ

Luke 10:39

Li tsünipu lakhi Mary ipikeu ye Ampeu pukhuphi lo iqa no pa no kiu pi akeno ini ae.

Luke 2:46

Atsala küthü thiu pama no achineki khala lo Jisü no kükütsümiqo gholo iqa no panongu tsa ini eno panongu vilo iniju aghí keu phulu.

Luke 8:35

eno timiqo no kiu shive keno ju niye wukhae. Kughou panongu no Jisü lau ighi keno, timi tipau phi lono tüghaküsa hapheve aghí eno tiphimini pepuve püzü akükümsü achipi shive püzü Jisü pukhuphi lo iqa aghí keu ithulu no msàve.

Apostolmi 11:25

Tisheno Barnabas ye Saul phu nike ghenguno Tarsus lo wuve,

Apostolmi 15:23

Panongu gholo ishi yèpe tsüpuwu: Apostolmi eno kichimi, nongu thiküzümiqo, Antioch, Syria eno Cilicia lo Jewkumomi küpülümi akemiqo lau: Petha tsü ani.

Apostolmi 15:41

Pa no Syria ngò Cilicia qhalo wu no akukuhouqo shikumto tsüe.

Apostolmi 21:20

Kughou hi chilu keno panongu no Alhou sheqhe. Tisheno panongu no Paul vilo pi, “Athiküzüu, no ghí julo, Jewmi qhethonhe khijehi no pülüluvea kea, eno panongu kümtsü ayeza ghenguno minemighei kemi likhie.

Apostolmi 21:39

Paul no khochile, “Ni ye Cilicia lo Tarsus lono ighi kemi Jewmi ke, inapügha mishighüna lo aghakütsami kumoe. Kimiye no I pelo timiqo pütsalu pelo.”

Apostolmi 23:34

Angh no yekili phijua no pa ye khipau ghakhu bocho lono ighi keno iniju. Paul ye Cilicia lono ighi kemi ipi ithive kelo,

Apostolmi 23:6

Tisheno Paul no panongu khami no Sadduceemiqo eno kütami no Phariseemiqo ishi keu ithi akehu, Jewmi Hoho lo asheshu thuve, “I thiküzümiqo, ni ye Phariseemi, Phariseemi lagha lono ighi kemi ke. I no atsa kükügha-a lo puthugho akeu ye kithimi ye xülethuve nani ipi lajupu akeu ghenguno ke.”

Apostolmi 26:5

Panongu ye ado kushuwa lono ni ithi ighivea eno panongu no pulo aghí aye ni ye achineye lo puloniqhiyi eno mükamüghai keu Phariseemi lakhi shi xü acheni ipi I shepe shi tsülu nani.

Apostolmi 26:9

“Ni ampi ghí Jisü ipikeu Nazareth nó ghami lachile nike ghenguno tokulupu laghi kümtsü shiju ke.

Apostolmi 5:34

Ikemu Phariseemi lakhi ayeza kükütsüu, pa je Gamaliel ipikeu, khiu timi kümtsü no gihu che keno, pa no Jewmi Hoho zülo puthugho no ado kitila ghenguno apostolmiqo khalacheu sasü ipeve penike azah tsüve.

Apostolmi 6:9

Ikemu ghochile keu ipeghive, tiye synagog lo kuqhopheve kemiqo (ishi panongu jeku cheke) Jewmi Cyrene, Alexandria eno Cilicia, Asia bocho lono ighi kemiqo no Stephen sasü kütsala thuve.

Apostolmi 9:1

Tishi ake dolo, Saul ye Ampeu’w akhopemiqo pìthíve nikeu tsaqo pesü panongu kichi kümsà ake. Pa no achinetou lau wu

Apostolmi 9:11

Ampeu no pa vilo pi, “Müzüchoi ipi chekeu laghila lo Judas ki lo wulo eno Tarsusmi Saul ipikeu iniju lo, kughengu pa ye akighini shi anie.

Apostolmi 9:30

Kughou pülüluve kemiqo no hipau ghili ithive keno, panongu no Saul sasü Caesarea lo iqi no Tarsus lo pa puwuve.

Rommi 11:1

Tipathiu I no ishi iniju: Alhou ye paw timiqo milive keshea? Khilemu tishimoe! Ni ampi ghí Israelmi lakhi ke. Ni ye Abraham tikughukomi eno Benjamin lagha lono ighi kemi ke.

2 Kor. 11:22

Panongu ye Hebrewmi keshea? Ni ghí thono. Panongu ye Israelmi keshea? Ni ghí thono. Panongu ye Abraham tikughukomi keshea? Ni ghí thono.

Galatiami 1:14

Jewmi chineye lo I qhesho kutomo akeu dolo ni ye atüghiu shi cheche ke eno I pù noqo kukhuayeqo ghenguno ni ye ighono amlotsüqhiyi cheke.

Galatiami 1:21

Tisheno ni ye Syria ngò Cilicia ghakhu lo wuke.