Apostolmi 22:1 - Sümi Tiqhelimi Bible

¹ “Athiküzümiqo eno apùnoqo, itehi ye iw sükusho tsa iniju lo.”

BAIBEL (BSI)

¹ “O timiqo o athikuzumiqo eno o apunoqo, ino nongu zulo ilikhi isaphukeu tsa pinike inijulo.”

Sumi Naga CL (Re-edited) Bible (BSI)

¹ “Athiküzümi eno apunoqo, I no nongu zülo I shokükha tsa pinike inilo.”

Apostolmi 22:1 ပူးပေါင်းရင်းမြစ်များ

Luke 12:11

“Kughou nongu sasü synagog, ayekipemi eno atomiqo gizülo wuni keno no ye kiu pìní momu kíshi O likhi O shokha moayesa nani keno amlosa kevilo,

Luke 21:14

Ikemu nongu ye kíshi no nongu likhi nongu süsholuve moayesa keno khochileni keu ghenguno azüu no amlosa kevilo.

Apostolmi 13:26

“Athiküzümi Abraham nuliqo eno Alhou sükümsami Jewkumomiqo, xakulu kükütsü sütsa hipau ye ningu lau tsüpuwu keu ke.

Apostolmi 19:33

Timi dolo no Jewmiqo khami no Alexander tuhape agizüu puwu, eno pa ye kíshi pi moayesa keno panongu no ighamuku pa vilo pi. Timiqo zülo pa likhi pa shokha keu tsa pinike ghenguno pa u kihí püzü iqünheive lo ipi.

Apostolmi 23:1

Paul no anhesüküqümo no Jewmi Hoho lo akemi ju no pi, “I thiküzümiqo, ni ye I kükümsü kiumu pünamo no ishí kutólo Alhou lau I kümlapù shikupuluvae.”

Apostolmi 23:6

Tisheno Paul no panongu khami no Sadduceemiqo eno kütami no Phariseemiqo ishi keu ithi akehu, Jewmi Hoho lo asheshu thuve, “I thiküzümiqo, ni ye Phariseemi, Phariseemi lagha lono ighi kemi ke. I no atsa kükügha-a lo puthugho akeu ye kithimi ye xülethuve nani ipi lajupu akeu ghenguno ke.”

Apostolmi 24:10

Kughou angh no Paul kiche no piju lo pi keno, Paul no khochile: “I no ithi akeu ye no ye ampe kushuwa shiye hipau shou küghaküthau shi ighivea; ikehu I lokivi shi I likhi I süsho keu tsa pìní.

Apostolmi 25:16

“I no panongu vilo pikeu ye, Rommi kukhuaye lo timi lakhi ye pa nguku akemiqo zülo pa lachile akeu shokhalu kepu dokivi tsü no küghatha ju moke züu ye pa pesü kütami lau phesüve chemoe ipi.

Apostolmi 25:8

Ikelo Paul no pa likhi pa shokhalu keu tsa pi: “Ni ye Jewmi yeza shou shipimi keu momu achineki shou shipimi keu momu Caesar shou shipimive keu kiumu kühae.”

Apostolmi 26:24

Paul no pa shokha keu tsa pi akelo Festus no pa tsa vekha ghi müghachhoi shi pi, “No ye izüuvae, nono kutomo ithi akeu no O saküghüzü anie.”

Apostolmi 28:17

Atsala küthü thiu Paul no tipa qhalo Jewmi sakiphemiqo ku kumqoe. Kughou panongu no hekütsü kumqoluve keno, Paul no panongu vilo ishi pi: “I thiküzümiqo, I no niw timiqo zülo kiumu shipimi keu küha momu ningu pù-asüqo no pimhe ighi keu kukhuaye lo kiumu shipimi keu kühamu Jerusalem lono I küghaluve no Rommiqo u lo phesüve tsüe.

Apostolmi 7:2

Stephen no khochile, “Athiküzümi eno apùnoqo, I tsa inilo! Ningu papù Abraham no Harran lo wo xü mphi züu Mesopotamia lo ngo aphi lono ajuküvü Lhou no pa lau ipeghi pìye ke.

Rommi 2:15

Panongu ye panongu mlo lo ayeza no avehupu shi akeqo yèpe qhipüa keu pìye cheni, panongu lolo kighithiqo ghí thopi shi cheni, eno khani lo ye panongu kükümsü no akipimí panoqo tsü cheni eno ado kütau lo ye pano süsho keu ghí shi cheni.)

1 Kor. 9:3

Hiye khunoqo no I shou küghathabe ani keno panongu lau iw sükusho tsa ke.

2 Kor. 12:19

Nongu ye ado hito-tohi nongu lau no nilikhi ningu süsho ani küghashi kümsü ani keshea? Khristo gholo ache kemi toi ningu ye Alhou zülo no pi acheni; ikehu kimiye chekemi shompamiqo! Ningu no mülà keu kümtsü nongu shikumto pe nikeu ghenguno ke.

2 Kor. 7:11

Alhou lau no ighi keu mloghime no nongu lolo kiu lhophetsü keno julo: tiye pulopiniyilu pe, achipi kumomi lau no putosülu pe, achipikumo shive keu lo aghaidelu pe, msàqhiyilu pe, kusholu nishiqhiyilu pe, alomsülu pe, achipiu shipe nike jukutokughoilu pe. Hipau vehu lo nongu ye nolikhi nongu ye pimi püamo kepi alaghi thowkha lono mütsüqhei pìyevae.

FILIPIAMI 1:17

Anhekushu eno kumgho ke láu no Khristo ghili pesü kütsü chekemiqo ye kuchou no kumo no alakimine ju-aje ghenguno Khristo ghili pesü kütsü cheni ke, tiye I no akughuki lo ake dolo no panongu ye I ghenguno aküküpüna xukutho phelu nani küghashi shiju ke.

FILIPIAMI 1:7

I no nongu kümtsü ghili hipau ghola lono kümsü akeu achipi ke, kughengu nongu ye I mlo lo ani, ike I tsüghape aghina momu atsakiviu süsho eno shikumto aghí namu nongu kümtsü no I gholo Alhou’w küpükini küsaje anike.

2 Tim. 4:16

I likhi I saphu keu tsa kükügha atüghiu lo, timi khumu I saphuni ke ighimoe, ikemu kümtsü no I likhi qhive ke. Alhou pelo panongu shou nguku keu shipemoniu!

1 Peter 3:15

Ikemu nongu mlo lo Khristo ye Ampeu kepi gihu lo. Nongu no lajupu akeu kiqi iniju kemi kümtsü vilo khochile tsüní ke alhokuthu lo kutò pe alo. Ikemu iqüighai eno agigihu,