Apostolmi 21:8 - Sümi Tiqhelimi Bible

⁸ Thoghiu ye alà cheve püzü, ningu ye Caesarea tolu eno Philip tsavipeu ki lo ngolu, pa ye Jerusalem lo timi tsünì kishelu keqo gholo lakhi ke.

BAIBEL (BSI)

⁸ Tishiwo thoghiuye ninguno cheve puzu Kaisaria lo ighi, tilehi ninguno Filip atsakiviu pikulha chekeu kilo wuno pa gholo ngoe. Paye Jerusalem lo mitsuni kishelukeqo gholo lakhike.

Sumi Naga CL (Re-edited) Bible (BSI)

⁸ Thoghiu ningu ye Caesarea lo ighi no tile tsavipeu Philip, tsüni kishelu keqo gholo lakhi, kilo wuno pa gholo ngove.

Apostolmi 21:8 ပူးပေါင်းရင်းမြစ်များ

Apostolmi 10:1

Caesarea lo timi lakhi Cornelius ipikeu ache, pa ye Italymi Ghüshimi ipi chekeu lo aqhe shou zatsüu lakhi ke.

Apostolmi 16:10

Paul no kungunhetsü ithuluve kethiu Alhou no panongu lau atsakiviu pesü pipe nike ningu kulùvea kepi ithive no paikhavi Macedonia lo wuve nike aghili kutoluve.

Apostolmi 16:13

Sabbath tsalà lo ningu no mishighüna khagho vechesü akighini shi nikeu-a aghí nani kepi phusü aghoki lo wue. Ningu no tilehi iqa no totimi kumqo aghikemiqo sasü küptsae.

Apostolmi 16:16

Ghulo lakhi ningu no akighini shi chekeu-a lo wuche kelo aqüaxeu totimi lakhi aghawu no li phi lo ngo no ighi nikeu ghili pilu chekeu ningu no sasü kusholue. Li no angukuju shikeu vechewo li mpeunoqo ye pisa kutomo qelu che.

Apostolmi 18:22

Kughou pa no Caesarea tolu keno, Jerusalem lo chesü iqho püzü akukuhomiqo sasü kusholu eno tithiu Antioch lo iqive.

Apostolmi 20:13

Ningu ye zükilu lo ikuve eno azüu no Assos tove nike ghenguno wuve, tilau no Paul xapuluve niye wuche ke. Pa no hitoi pekithi pepüa, kughengu pa ye apukhu lono alà chesü tilehi ighive niye shi ake.

Apostolmi 20:6

Ikemu Kholaqhi sümo keu Sho Tiqhitini tsalà tove kethiu ningu ye zükilu lono Philippi lo wuve eno atsala pungu thiu no Troas lo panoqo gholo sülu, eno tilehi ningu atsala tsünì ngove.

Apostolmi 21:16

Caesarea lono akhopemi khami ningu gholo wu eno ningu sasü Mnason ki lo sawu, ningu ye tile ngo nikeu shi ake. Pa ye Cyprus lono ighi kemi eno akhopemiqo gholo atüghimi ke.

Apostolmi 23:23

Tisheno zatsüu no aqhe shou zatsüu mikini ku no pama vilo azah tsü, “Itiji ayì tokú kihe lo Caesarea lo wu kepu shi ghüshimi 200 kütashi eno khurshi kipemi lhotsüni ngò angu kipemi 200 ishi kutò lo.

Apostolmi 27:1

Kughou ningu Italy lo wuve nikeu shi kughuve keno, Paul ngò akughumi kütami khamiqo ye aqhe shou zatsüu Julius ipikeu, khuu Rome Kükaqha kükau ghüshimi mqo lo achekeu pelo sawu pe nikeu shive.

Apostolmi 28:11

Süsü dolo aqhi küthü züdoyeghi tipau lo ngove kethiu ningu no Alexandria lono ighi keu zükilu, khikhi agizüu atüna lhou Castor ngò Pollux ipikeu pama julho shisü pepüa keno, tipau lo ikuve.

Apostolmi 28:16

Kughou ningu no Rome lo ighive keno Paul ye ghüshimi no ngokhe no pa likhi ngolu pe nikeu shive.

Apostolmi 6:5

Akükümsü hipau kümtsü no puloluve. Panongu no aküpülü eno Aghungu Kimthe no chhitoi akeu Stephen kishelu; eno Philip Procorus, Nicanor, Timon, Parmenas eno Antioch lono ighi keu Jewmi chineye luve kemi Nicolas noqo ghí kishelu.

Apostolmi 9:30

Kughou pülüluve kemiqo no hipau ghili ithive keno, panongu no Saul sasü Caesarea lo iqi no Tarsus lo pa puwuve.

Ephesiami 4:11

Ike Khristo no aghò pesü apostolmi, tungkupumi, tsavipemi, akhemi eno shikükamiqo tsüke,

2 Tim. 4:5

Ikemu Timothio, no ye atüqhüdo kümtsü lo tsükhutsüvai shilo, aghime lo kutuu lo, tsavipemi lakhi kümlà shi alo, eno O kümlapù pichetsüpüa keu kümtsü shi alo.