Apostolmi 21:11 - Sümi Tiqhelimi Bible

¹¹ Ningu lau ighino pa no Paul pokha ikhilu no tipau pesü pa likhi pa phi-au phedave püzü ishi pi, “Aghungu Kimthe no piani, ‘Apokha mpeu hipau ye Jewmi sakiphemiqo no Jerusalem lono hitoi pheda pesü Jewkumomiqo lau tsüve nani.’ ”

BAIBEL (BSI)

¹¹ Pano ningu gholo ighi puzu Paul pokha ikhipe pa likhi pa phi-au pheda puzu pi, “Aghungu Kimthe no hishi pi anie, apokha hipau mipeuye Jerusalem lo Judami qono hitoi pheda puzu pa kughape Judakumomi ulo phesuve tsunanie.”

Sumi Naga CL (Re-edited) Bible (BSI)

¹¹ Pa no ighi no Paul pokha ikhipe pa pukhu ngo au tshüve no pi, “Aghungu Kimthe no ishi piani, ‘Apokha hipau mpeu ye Jerusalem lo Jewmi no hitoi phedape Jewkumomi u lo süvetsü nani.’”

Apostolmi 21:11 ပူးပေါင်းရင်းမြစ်များ

John 18:1

Kughou Jisü no akighini shitave keno pa no pa khopemiqo sasü wuve no Kidron khilaqa kathave. Akhilaqa hukukuu aghutu lakhi ae, ike Jisü eno pa khopemiqo no tile iloe.

Apostolmi 13:2

Panongu no Ampeu sheqhe mülá eno kümvü akelo Aghungu Kimthe no pi, “Barnabas ngò Saul pama ye I no ku pe püakeu kümlà shipe nike ghenguno pama kütashi qhilo.”

Apostolmi 16:6

Asia bocho lo atsakiviu kütsü pemo nike Aghungu Kimthe vechewo lakhave kehu Paul ngò pa küsàmiqo ye kicheghüzü shisü Phrygia eno Galatia ko-aqha kümtsü lo wue.

Apostolmi 20:23

I no ithi akeu ye mishighüna kümtsü lo akughu shini keu eno shiluküsa chekeu pesü Aghungu Kimthe no I kütüghü anie.

Apostolmi 21:33

Zatsüu no iqhoghi püzü pa küghaluve eno ayikichhe kini pesü pa tshüvelo pi azah tsüve. Tisheno pa no Paul vilo pa ye khuu eno kiu shive keno iniju.

Apostolmi 21:4

Ningu no tile küpülümiqo phulu eno panongu gholo atsala tsünì ngove. Aghungu vechewo panongu no Paul vilo Jerusalem lo wu kevilo ipi.

Apostolmi 22:25

Panongu no pa heqhi niye tshü akelo Paul no aqhe shou zatsüu tile puthugho akeu vilo pi, “Rommi aghakütsami khuu akipimímu phuphe müla keno pa heqhi nikeu hiye O ghenguno ayeza lo achipi keshea?”

Apostolmi 24:27

Kughou ampe kini wove keno, Porcius Festus no Felix theli lo Angh shiluve, ikemu Felix ye Jewmiqo lopu shitsü niye Paul pesü akughu shipe qhive ke.

Apostolmi 26:29

Paul no khochile, “Ado ikhonhei shi aghina kushuwa shi aghí namu I no Alhou vilo inikhu akeu ye O likhi kumo no ishí hilehi I tsa ini akemi kümtsü pelo I toiluve penishi ani, ikemu I toi ayikichhe lo ngove penishi amoe.”

Apostolmi 28:17

Atsala küthü thiu Paul no tipa qhalo Jewmi sakiphemiqo ku kumqoe. Kughou panongu no hekütsü kumqoluve keno, Paul no panongu vilo ishi pi: “I thiküzümiqo, I no niw timiqo zülo kiumu shipimi keu küha momu ningu pù-asüqo no pimhe ighi keu kukhuaye lo kiumu shipimi keu kühamu Jerusalem lono I küghaluve no Rommiqo u lo phesüve tsüe.

Apostolmi 28:20

Hipau ghenguno I vilo nongu sasü kusho no nongu pütsa lo pike. Kughengu Israelmi’w lajupu akeu ghenguno ni ye ayikichhe hipau lo ani.”

Apostolmi 28:25

Panongu likhi panongu dolo no pulokile mülave püzü Paul no ashekhau tsa hi pive kethiu, panongu lakhi-khi no wove: “Aghungu Kimthe no Isaiah tungkupuu vechewo nongu pù-asüqo vilo pikeu ye kuchou ke:

Apostolmi 8:29

Aghungu Kimthe no Philip vilo pi, “Khurkulu lo wulo eno tipau phivilo ngo lo.”

Apostolmi 9:16

I je ghenguno pa ye khijehi ime moayesa keno I no pa pìye nani.”

Ephesiami 3:1

Hi ghenguno ni Paul ye nongu Jewkumomiqo je ghenguno Khristo Jisü’w akughumi shike.

Ephesiami 4:1

Tishiaye ni Paul, Ampeu ghenguno akughumi lakhi shi akeu no, nongu pelo nongu kulùve keu qhemi aküzüpushi xü penike nongu hakite ani.

Ephesiami 6:20

kughengu ni ye atsakiviu ghenguno ayikichhe no tshüpe akemi lashikami lakhi ke. I pelo msàmo no I no pi moayesa keu toi piphelu apenike inikhu tsü alo.

1 Tim. 4:1

Ashekha ghuloki lo timi khami ye aküpülü pheve no pishikiqhi ghunguqo eno tüghami no shika keu thimeqo pape wuve nani kepi Alhou Ghungu no mütsümishei pivae.

2 Tim. 2:9

hi ghenguno ni ye ayeza heküxami lakhi toi aghime shi ayikichhe no tshüpe anie. Ikemu Alhou tsa ye ayikichhe pe tshüve mülae.

IBRIMI 10:34

Nongu ye akughuki lo akemiqo gholo imeküqha ke eno nonguw tinhemüghaqo ikhiluve tsü kelo alokivishi ke, kughengu nongu ye nolikhi no ghenguno tinguno amheghi akiviu eno pepushu nikeu ani kepi ithi ake.

IBRIMI 3:7

Ike, Aghungu Kimthe no pikeu toi: “Ishí nongu no pa sütsa ini aye,

1 Peter 1:12

Alhou no tungkupmi lau piyesü keu no panongu no mülà akeu ye pano likhi pano ghenguno kumo no hi nongu ghenguno ke; tihu itehi ye nongu lau kungugha lono ighi keu Aghungu Kimthe vechewo atsakiviu pikülhave keu vehu ke. Kungumiqo ghí thime hipaqo lo jusünishikütü cheke.