Apostolmi 20:7 - Sümi Tiqhelimi Bible

⁷ Apine tsalà atüghiu lo ningu no asho süpho chu niye kuhokumqoe. Paul no timiqo sasü küptsa ae, eno pa ye tishiwo thoghiu wuve nikeu shi akehu zübumta kutólo küptsa ae.

BAIBEL (BSI)

⁷ Sabat tsala avelau ningu kuposhukulu ghulhu shiniye kuhokumqoe. Paul no timiqo sasu kuptsa ae, eno thoghiu chevenikeu shi akehu paye zubumta kutolo atsa kuptsa ae.

Sumi Naga CL (Re-edited) Bible (BSI)

⁷ Apine kithe lo atsala atüghüni, ningu no aghulhu shiniye kumqo akelo, Paul ye thoghiu wuve niye akehu pa no timiqo sasü küptsa anipi zübumta kutolo süpushuve.

Apostolmi 20:7 ပူးပေါင်းရင်းမြစ်များ

Mark 16:9

Kughou Jisü no apinedo tsalà atüghiu inaqhe itheno xülethughive keno, pa no atüghishi Mary Magdalene lau ipeghi pìye. Li ye Jisü no li lolo tüghaküsa tsünì hapheve tsü keu hu ke.

Luke 22:19

Tisheno, pa no asho ikhilu no shikimthi tsü püzü süpho pe panongu tsü ghi pi, “Hiye I phimpi nongu ghenguno tsüve keu ke. I kümsüchilelu ghi hi shichelo.”

Luke 24:35

Ikehu pama no alà lo che kelo kiu shive eno Jisü no asho süpho ke lono pama ye kíshi Jisü michilu keno lhepe pìye.

John 20:1

Apinedo tsalà atüghiu inaqhe zümoi aphi lo Mary Magdalene ye akumoki lo wu kelo ye ahukikha lo atuqu akeu hu tukulove aghí keu ithulu.

John 20:19

Apinedo tsalà atüghiu avelau kughou akhopemiqo no Jewmi sakiphemiqo kümsà lau no ahukikha khapesü aqoshi ngoa keno Jisü no ighino panongu gholo puthugho no pi, “Aloino keu nongu gholo apeniu!”

John 20:26

Apinedo lakhi thiu akhopemiqo ye itaghi aki alou ngoa, eno Thomas ghí panongu gholo ae. Ahukikhaqo ye khapüa keghi Jisü ye ighino panongu gholo puthugho no pi, “Alokughuno nongu gholo apeniu!”

Apostolmi 16:10

Paul no kungunhetsü ithuluve kethiu Alhou no panongu lau atsakiviu pesü pipe nike ningu kulùvea kepi ithive no paikhavi Macedonia lo wuve nike aghili kutoluve.

Apostolmi 2:42

Küpülümiqo no pulopiniyi shi apostolmi no kütsü keu pape, kuposhu, asho süpho kijé chu, eno akighini shie.

Apostolmi 2:46

Tsalà kipetsü panongu aqoshi achineki khala lo tamo no kusholu ae. Panongu no panongu ki lo kümtsa asho mülà no amlo kuchou lono Alhou sheqhe eno timi kümtsü lopu shilu keu lo alokivishi asho kijé chue. Eno tsalà kipetsü khunoqo xakulu ithulu keno Ampeu no tipaqo pesü panongu mqo lo sülupe ke.

Apostolmi 20:11

Tisheno pa no itaghi aki jolha kunguu iku püzü kuposhukulu ghulhu küsaje chuve. Tsüthomo ke kutólo pa no atsapia püzü tisheno pa ye cheve.

Apostolmi 20:31

Ikehu nolikhi nongu jukuto alo! I no anhezü-piji ampe küthü kutólo tamo no putho-pucho nongu lakhi-khi pikichi achekeu kümsülu alo.

Apostolmi 20:5

Timi hipaqo no nizüu no wu no Troas lo nikhe aghí pe ke.

Apostolmi 20:9

Eutychus ipikeu apumi lakhi ye alashe mütsü lo iqa ake. Paul no ado kushuwa atsapia kehu, Eutychus ye cheyi zühuve. Pa ye züchei akehu aki jolha aküthüu lono ayeghi lo ilu iqive eno pa khapeqhelu kelo thive aghíe.

Apostolmi 28:23

Panongu no Paul sasü kusho nike atsala khami kughusüve, eno panongu kutomo hekütsü kithe püzü Paul no khile ngoa keno tipau-a lo ighi. Pa no inaqhe no avelau kutólo panongu vilo Alhou kükaphu ghili hepho-piye tsü, eno Moses no tsü keu Yeza ngo Tungkupumiqo no pikeu tsaqo pesü panongu vilo pi no Jisü ghili pesü panongu pütsaqhi niye shijue.

1 Kor. 10:16

Ningu no Ampeu ghulhu lo kükümgha jikhu khikhi Alhou shikimthi ghi peitha cheni keno tiye Khristo jì gholo küsaje anike kumo keshea? Eno ningu no asho süpho chekeu ye Khristo phimpi gholo küsaje anike kumo keshea?

1 Kor. 15:10

Ikemu Alhou’w küpükini vechewo I pelo apostolmi lakhi shilu pe ke, eno I lau paw küpükini tsü keu hu ye adou shivemoe. Moe, ni ye panongu kümtsü nguno alau aghime shi mülà acheke—tishiaghimu tiye I no kumoe, ikemu Alhou’w küpükini I gholo achekeu hu no ke.

1 Kor. 16:2

Apinedo kümtsü lo atsala atüghiu lo nongu kümtsü no nongu no pisa iloghi keu lono hami pakütashi qhive no kütsü pe qhimoayesa ke, tishianguno kughou I no ighini keno pekütsü akeu shipemo niye ke.

2 Tim. 4:2

Alhou tsa pesü kütsü alo; azüu no kütüghü keu shi aghina zülile shi aghí namu Alhou tsa pìní keu lo kutò pe alo; kheakulu shi no tsaqütsalei keu shikakütsü vechewo shikithe tsü, alomipi eno shikumto tsü alo.

Piyeküsü 1:10

Ampeu Tsalani Aghungu no I peitha ake, ikelo afuko ghügha toi I zübou ighamuku keu lakhi I no chilu,