Apostolmi 20:31 - Sümi Tiqhelimi Bible

³¹ Ikehu nolikhi nongu jukuto alo! I no anhezü-piji ampe küthü kutólo tamo no putho-pucho nongu lakhi-khi pikichi achekeu kümsülu alo.

BAIBEL (BSI)

³¹ Tighenguno jukuto alo, ino anhezu thotsu piji ampe kuthu kutolo tamono putho pucho nongu lakhikhi shika chekeu kumsulualo.

Sumi Naga CL (Re-edited) Bible (BSI)

³¹ Tighenguno tsükhüi alo, I no anhezü piji, ampe küthü kutolo tamono putho pucho nongu lakhikhi shika chekeu kümsü lulo.

Apostolmi 20:31 ပူးပေါင်းရင်းမြစ်များ

MATTHEW 13:25

Ikemu timi kümtsü zü ake lono, pa ghümi no ighino alupiqo pesü aghibo gholo xusüvetsü no pove.

MATTHEW 3:7

Ikemu kughou Phariseemi ngò Sadduceemiqo kutomo no pa no baptiz shi akeu-a küdau chekeu ithulu keno, pa no ishi panongu vilo pi: “Nongu apighitiqo! Khuu no nongu pelo Alhou loghukighide chekeu lono polu penike pikichive kea?

Luke 21:36

Ikehu ado kümtsü lo lotsüloghui alo, eno hipaqo shikupu niye akeu kümtsü lono pokajolu penike eno tishilu keu vechewo no ye Timi Nu zülo puthugholu penike ghenguno inikhu alo.”

Apostolmi 19:10

Ampe kini kutólo Paul no hitoi shi ache, tishi keu vechewo Asia bocho lo xü akemi Jewmiqo ngò Greekmiqo kümtsü pelo Ampeu tsa chilu peniye ke.

Apostolmi 19:8

Paul no synagog lo ilo no aqhi küthü kutólo amlo kumto shi timiqo pütsa, kütsalaju eno tamo no Alhou kükaphu ghili pesü pikülha ae.

Apostolmi 20:11

Tisheno pa no itaghi aki jolha kunguu iku püzü kuposhukulu ghulhu küsaje chuve. Tsüthomo ke kutólo pa no atsapia püzü tisheno pa ye cheve.

Apostolmi 20:19

I lachile chekemi Jewmi no amqü jeli shi no paküta keu shi I peju ake dolo ghí ni ye anhezü-piji mütshaivü Ampeu qe acheke.

Apostolmi 20:7

Apine tsalà atüghiu lo ningu no asho süpho chu niye kuhokumqoe. Paul no timiqo sasü küptsa ae, eno pa ye tishiwo thoghiu wuve nikeu shi akehu zübumta kutólo küptsa ae.

Apostolmi 24:17

“Ampe hami thikhau ni ye Jerusalem lo ighi, tiye niw timiqo no aghò tsü keu pesü kumlhomiqo tsü eno akümlaghoqo mülá niye ighike.

1 Kor. 4:14

I no hipau yè akeu ye nongu shikukujo niye ke kumoe ikemu I no kimiye chekemi nuliqo lau toi nongu pikichi niye yè anike.

FILIPIAMI 3:18

Kughengu I no azüu nongu vilo müamzü pi acheke toi eno itehi ghí nongu vilo anhezü kutólo ipeghino itaghi piani, ike tiye timi kutomo no Khristo’w kros ghümi shi xü anike.

Kolosiami 1:28

Ningu no asheshu chekeu ye Khristo ke. Alhou no alokütsü ningu tsü keu kümtsü pesü ningu ye timi kümtsü vilo kütüghü eno shika acheni, tishianguno timi kümtsü pesü Khristo lono tekhoi shi no Alhou zülo qhitsü niye ke.

1 Thes. 5:14

Athiküzümi eno achelimiqo, ningu no nongu qhüiniju ani, khunoqo no akipichi eno aküpüna shi acheni keno panongu pikichi lo, aghüthisüve kemi shikumtolo, qeinai kemi kuphulo, eno kümtsü lau kheakulu shilo.

2 Thes. 2:5

Kughou I no nongu gholo ache keno I no hipaqo vehu pesü nongu vilo piche keu nongu ye kümsüchilelu anima?

2 Thes. 3:8

momu ningu ye ame tsümo no khiu chuqupumu chupüamo ke. Tishini ke züqhulo, ningu ghenguno nongu khiu makhomu shipemo nike ghenguno ningu ye aghime shi putho-pucho akümlà shi acheke.

2 Tim. 4:5

Ikemu Timothio, no ye atüqhüdo kümtsü lo tsükhutsüvai shilo, aghime lo kutuu lo, tsavipemi lakhi kümlà shi alo, eno O kümlapù pichetsüpüa keu kümtsü shi alo.

IBRIMI 13:17

Nonguw sakiphemiqo shou pülükibe alo eno panongu kükagha ghokulu shilo, kughengu panongu ye khunoqo no panongu kümlàw kihikülai tsü moayesa cheni keno tipaqo toi nongu shou jukuto acheni ke. Panongu kümlà ye amakho kimshi toimo no alokiqishi shilu penike ghenguno hipau shilo, kughengu tiye nongu ghenguno kiumu alá küha nani ke.

Piyeküsü 16:15

“Julo, ni ye küpkami lakhi toi ighini cheni! Timi khuu no züida aghí püzü tiphimini pepumini aghíni keno tipano kümghae, kughengu pa ye aphikümsa iqho-iqimo nani eno timi gizülo akukujopu shivemo nani.”