Apostolmi 20:29 - Sümi Tiqhelimi Bible

²⁹ I no ithi akeu ye I no wuve kethiu tüngtügha yiküsaqo no nongu dolo iloghive nani eno küpülümiqo ghüzakhave nani.

BAIBEL (BSI)

²⁹ Ino ithi anike, ino chevekethiuye tungtugha yikusaqono nongu gholo ighi nani eno kupulumiqo-loji hapiye-pighi nani.

Sumi Naga CL (Re-edited) Bible (BSI)

²⁹ I no ithi anike I no cheve kethiu tüngtügha yiküsa no nongu gholo ighi no küpülümi lojiqo püxümo nani,

Apostolmi 20:29 ပူးပေါင်းရင်းမြစ်များ

MATTHEW 10:16

“Julo I no nongu pelo ambe no tüngtügha gholo ilolu ake toi puwu anie. Tighenguno nongu ye apighi toi tsükhutsüvai shilo eno amiqhiqo toi ivünhei shilo.

MATTHEW 7:15

“Kichileu tungkupumiqo lau no kutokupui lo. Panongu ye ashou ye ambe toi nongu lau ighi cheni, ikemu panongu lolo ye ayiküsa tüngtüghaqo ke.

Luke 10:3

Wulo! Ambeti no tüngtügha gholo ilolu ake toi I no nongu puwu anie.

Luke 12:32

“Msà kevilo, amsa lojiqo, kughengu nongu Papù ye akükaphu nongu tsü nikeu lo pa mlokiqi shi anie.

John 10:12

Aqe kiqemi ye akheu kumo ke eno ambeqo pighi chemoe. Ike kughou pa no tüngtügha chekeu ithuluni keno pa ye ambeqo likhi qhive no pove cheni. Tisheno tüngtügha no ambe lojiqo le no hapiyepighive tsü chenie.

John 21:15

Kughou panongu no chuqhive keno, Jisü no Simon Peter vilo pi, “John nu Simon, no ye thime hipaqo nguno alau I kimiye chenima?” Simon no pi, “Iyei, Ampeu, I no O kimiye chekeu nono ithi anie.” Jisü no pi, “Iw ambetiqo lojí lo.”

Apostolmi 20:28

Nongu likhi nongu jukuto lo eno Aghungu Kimthe no nongu pelo jukükütsüu shipe nike qhipüa kemiqo kümtsü jukuto lo. Alhou’w akukuhou khemiqo shilo, tiye pa likhi pa jì no qhüpe püani ke.

1 Peter 5:2

Alhou’w ambe loji nonguw tucho-mjokütsü qholo akeqo hu akivishi khekuto kepu shilo, panongu shou jukuto alo—tsükhomo shilo pikeu ghenguno kumoe, ikemu Alhou no nongu pelo shipe nishi akeu lo puloniqhiyi tipau shilo. Ajume ithulu keu ghengu likhi no kumoe ikemu amlo lono qe nikeu puloniqhiyi pù püzü shilo.

2 Peter 2:1

Ikemu timiqo gholo ghí kichileu tungkupumiqo acheke, tihutoi nongu gholo ghí kichileu kükütsümiqo anani ke. Panongu no tuqhou no achineye hekibide kütsakungo keu kilethi nani, panongu ye panongu xachilelu keu Akughushu Mpeu kutólo milive nani—eno tipau no panongu likhi panongu shou paikhavi kütsakungo keu süghive cheni.

Jude 1:18

Panongu no nongu vilo ishi pi, “Ashekha ghuloki lo timi jukünatha chekemi khunoqo no pano likhi panonguw alhou sümo keu kükümsüqo pape cheni keno tipaqo ipeghi nani.”