Apostolmi 2:46 - Sümi Tiqhelimi Bible

^46-47 Tsalà kipetsü panongu aqoshi achineki khala lo tamo no kusholu ae. Panongu no panongu ki lo kümtsa asho mülà no amlo kuchou lono Alhou sheqhe eno timi kümtsü lopu shilu keu lo alokivishi asho kijé chue. Eno tsalà kipetsü khunoqo xakulu ithulu keno Ampeu no tipaqo pesü panongu mqo lo sülupe ke.

BAIBEL (BSI)

⁴⁶ Tsalakipetsu achinekilo kumtsa wu, panongu kilo kumtsa kuchukusho shi, alokiqi eno alophaphaleyi keu lono pano chuqupu chu.

Sumi Naga CL (Re-edited) Bible (BSI)

⁴⁶ Tsala kipetsü achineki lo kümtsa wu, eno panongu ki lono kümtsa alokiqi eno qhaqhilei shi chuqu-kusho shiche,

Apostolmi 2:46 ပူးပေါင်းရင်းမြစ်များ

MATTHEW 6:22

“Anhethi ye aphimpi küvü ke. O nhethi no vi aghí aye, O phimpi kuchopu aküvü no chhitoi nani.

Luke 11:41

Ikemu nongu khu-ajikhu lo kiu ani keno kumlhomi lau tsükinimi shilo, eno O ghenguno thowkha mitheluve nanie.

Luke 24:30

Kughou pama gholo alibe chu niye iqa keno Jisü no asho ikhilu eno shikimthi Alhou tsü no asho süpho püzü pesü pama tsüe.

Luke 24:53

Eno panongu ye tamo no Alhou sheqhe ghi achineki lo ngove.

Apostolmi 16:34

Akughuki jukükütsüu no pama sasü pa ki lo ighi eno pama ghenguno alibe kutotsü; pa ye alokivi no chhitoive kughengu pa eno pa kibolomi kümtsü Alhou shou pülübeluve ke.

Apostolmi 2:42

Küpülümiqo no pulopiniyi shi apostolmi no kütsü keu pape, kuposhu, asho süpho kijé chu, eno akighini shie.

Apostolmi 20:7

Apine tsalà atüghiu lo ningu no asho süpho chu niye kuhokumqoe. Paul no timiqo sasü küptsa ae, eno pa ye tishiwo thoghiu wuve nikeu shi akehu zübumta kutólo küptsa ae.

Apostolmi 3:1

Ghulo lakhi Peter ngò John pama ye akighini do ghuloki lo achineki lo iqho che, tiye avelau ayì küthü kihe lo ke.

Apostolmi 5:21

Panongu vilo pikeu toi, atsala vüipeghi kethiu panongu no achineki lo ilo no timiqo kütsü thuve. Kughou achinetou eno pa gholo kutubo kichemi no ighi keno panongu no Jewmi Hoho kukütsü kumqo püzü Israel lo sakiphemi eno kichimi kümtsü hekütsü no akughuki lo apostolmiqo sasü ighi penike puwu.

Apostolmi 5:42

Tsalà kipetsü, panongu ye khilemu tavemo no Jisü ye Messiah ke ipi asütsa kivi pesü achineki khala lo ngo aki-aki lo kütsü no asheshu ache.

Rommi 12:8

tsalá shikumto nikeu shi aghí aye, shikumto moayesa; tsalá kütami kuphu kepu shi aghí aye, kupukuno shitsü moayesa; tsalá kütami saphe kepu shi aghí aye, tsaqütsalei saphe moayesa; tsalá kimiyekini pephe kepu shi aghí aye, amloqiqhiyi pephe moayesae.

1 Kor. 10:16

Ningu no Ampeu ghulhu lo kükümgha jikhu khikhi Alhou shikimthi ghi peitha cheni keno tiye Khristo jì gholo küsaje anike kumo keshea? Eno ningu no asho süpho chekeu ye Khristo phimpi gholo küsaje anike kumo keshea?

2 Kor. 1:12

Ningu kijuvilei chekeu ye hike: Ningu no ayeghi hipau lo xü chekeu, eno akhotoshi nongu sasü akimthe eno Alhou lau no amikucho shi kütshükime keu ye ningu lolo kighithi no ashepe shitsü ani. Ningu ye ayeghi lokütsü shou pükhümoe ikemu Alhou’w küpükini shou pükhübe ke.

2 Kor. 11:3

Ikemu apighi no muqüijo Eve pishiqhive ketoi nongu kükümsüqo ghí amikucho eno akimthe lono Khristo lau pulopiniyi akeu lau no saküghüzüve tsü kenosaye ni ye msà ani.

Ephesiami 6:5

Aqüaxemiqo, nongu no Khristo gholu chekeu toi agigihu eno sükümsa gholo amikucho mlo xapusü ayeghi lo nongu mpemiqo ghokulu shilo.

Kolosiami 3:22

Aqüaxemiqo, nongu mpemiqo pelo alovi penike ghenguno panongu no ju akelo likhi no aghokulu shi kevilo ikemu nongu no Khristo gholu chekeu toi agigihu eno sükümsa gholo amikucho mlo xapusü ayeghi lo nongu mpemiqo sükümsa shilo.