Apostolmi 2:4 - Sümi Tiqhelimi Bible

⁴ Panongu kümtsü Aghungu Kimthe no chhitoive eno Aghungu no panongu pelo pilu pe kehu amili kütau no atsa pithuve.

BAIBEL (BSI)

⁴ Panongu kumtsu Aghungu Kimthe no chhitoive eno Aghungu no panoqo pelo pilupe kehu kutami tsauno pithuve.

Sumi Naga CL (Re-edited) Bible (BSI)

⁴ Aghungu Kimthe no panongu kümtsü shepichhive no Aghungu no panongu pelo pilupe kehu amili kütau no pithuve.

Apostolmi 2:4 ပူးပေါင်းရင်းမြစ်များ

MATTHEW 10:19

Ikemu kughou panongu no nongu küghaluveni keno, kiu pìní momu kíshi pìní keno amlosa kevilo. Tipau tüqhüdo lono kiu pi kepu keno tsü nani ke.

Mark 16:17

Eno khuno no pülübeni keno amichipu hipaqo pano gholo anani: I je lono panongu no tüghaküsaqo haphelu nani; panongu no amili kithé lono pi nani,

Luke 1:15

kughengu pa ye Ampeu zülo kijè shi nani. Pa ye khilemu atsaizü jeli momu atsaizü kümkaqo peithamo nani, eno pa ye punú mphi züu no Aghungu Kimthe no chhitoive nani.

Luke 1:41

Kughou Elizabeth no Mary sasü petha shi keno li po lo angá no pakütashi ithae, eno Elizabeth ye Aghungu Kimthe no chhitoive.

Luke 1:67

John papù Zechariah ye Aghungu Kimthe no chhitoive no tungkupu tsa hitoi pi:

Luke 12:12

kughengu Aghungu Kimtheu no tipau tüqhüdo lo nono kiu pi kepu keno O shika nani.”

Luke 21:15

Kughengu I no nongu ghümi pelo khochile mülave momu nongu no pikeu lo puthugho mülave pe kepu shi atsa eno alokütsü pesü nongu tsü nani ke.

Luke 4:1

Jisü ye Aghungu Kimthe no chhitoi shi no Jordan qhive püzü Alhou Ghungu no pa sasü küghünamokeu-a lo wuve,

John 14:26

Ikemu Shikumtokütsüu, Aghungu Kimthe, khikhi Apù no I je lono puwu nani keno, pa no thowkha kümtsü nongu kütsü nani eno I no nongu vilo pive keu kümtsü pesü nongu ghutu nani.

John 20:22

Tisheno pa no panongu shou atuthu fupuku no pi, “Aghungu Kimthe sasülulo.

Apostolmi 1:5

Kughengu John ye azü lono baptiz shitsü ke, ikemu atsala hami thiu nongu ye Aghungu Kimthe lono baptiz shitsü nani.

Apostolmi 1:8

Ikemu kughou Aghungu Kimthe nongu shou ikughini keno nongu no aküka ithulu nani; eno nongu ye Jerusalem lo Judea qha kümtsü lo, Samaria lo eno ayeghi shekichi kutólo iw thopimiqo shi nani.”

Apostolmi 10:46

Kughengu panongu mili lono pi aghí keu eno Alhou sheqhe aghí keu panongu no chilu ke. Tile Peter no pi,

Apostolmi 10:47

“Kuchou no khunomu azü pesü no panongu baptiz shini keu lo lakhave mülae. Ningu no Aghungu Kimthe ithulu ketoi panongu ghí ithuluvae.”

Apostolmi 11:15

“Kughou I no atsa pithuve keno, Aghungu Kimthe hu no inahuu ningu shou ighi keu hutoi panoqo shou iqighie.

Apostolmi 11:24

Barnabas ye timi kivimi lakhi, aküpülü eno Aghungu Kimthe no chhitoi akemi, eno pa no Ampeu lau timi kutomo saighike.

Apostolmi 13:52

Eno akhopemiqo ye alokivi ngò Aghungu Kimthe no chhitoive.

Apostolmi 13:9

Tishikehu Saul, khuu Paul ipi che keno, pa no Aghungu Kimthe no chhitoi shi püzü thüghüi Elymas ju no ishi pi,

Apostolmi 15:8

Alhou, khuu timi mlo ithikicheu keno, pa no ningu lau shikeu toi Jewkumomiqo ikhilu ani kepi pephe-piye keu michi shi Aghungu Kimthe panongu tsüke.

Apostolmi 19:6

Eno kughou Paul no pa u pesü panongu shou be keno Aghungu Kimthe no panongu shou ighi, eno panongu no amili kithe lono atsa pi eno tungkupu tsa pie.

Apostolmi 2:11

(Jewmi eno Jewmi chineye luve kemi) Cretemi eno Arabmi panongu no Alhou no akümzapu mülà keu tsa piakeu nizá tsa lono ningu no chilue!”

Apostolmi 2:3

Panongu no ithulu keu no ami mili kütüta shikeu toi keu no tile akemi kümtsü shou ngoluve.

Apostolmi 4:31

Panongu no akighini shive kethiu, khilehi panongu no kuho akeno tipau-a sükinie. Eno panongu kümtsü Aghungu Kimthe no chhitoive no amlo kumto shi Alhou tsape shie.

Apostolmi 4:8

Ikehu Peter no Aghungu Kimthe no chhitoi shi püzü panoqo vilo pi: “Timi shou ayekipemi eno kichimiqo!

Apostolmi 6:3

Athiküzümi eno achelimiqo, nongu dolo timi tsünì Aghungu no chhitoi kemi eno alokütsümi kishephe lo. Ningu no bemakho hipau panoqo pichebeve

Apostolmi 6:5

Akükümsü hipau kümtsü no puloluve. Panongu no aküpülü eno Aghungu Kimthe no chhitoi akeu Stephen kishelu; eno Philip Procorus, Nicanor, Timon, Parmenas eno Antioch lono ighi keu Jewmi chineye luve kemi Nicolas noqo ghí kishelu.

Apostolmi 6:8

Tishi akelo, Stephen ye Alhou’w küpükini eno aküka no chhitoi shi püzü akümzapu eno amichipu kümlà kijè timiqo gholo mülà ae.

Apostolmi 7:55

Ikemu Stephen ye Aghungu Kimthe no chhitoi shi püzü atsütsǘ lo jupuku no Alhou juküvü ngò Jisü no Alhou u ajeu puthugho akeu ithulu.

Apostolmi 8:17

Tisheno Peter ngò John pama no pama u pesü panongu shou be, eno panongu no Aghungu Kimthe ithulue.

Apostolmi 9:17

Tipathiu Ananias no wu no aki alou ilo. Pa u pesü Saul shou be püzü ishi pi, “Athiküzüu Saul, Ampeu Jisü, khuu nono hilau wuche kelo alaghi lo O lau ipeghi keno, pa no O pelo ithulu kitheve püzü Aghungu Kimthe no chhitoilu peniye O lau I puwu ani.”

Rommi 15:13

Nongu no pa shou pükhübe ake toi, lajupu tsü chekeu Lhou pelo alokiqi eno alokughuno chhitoi nongu shepichhi tsü peniu, tishi keu lono nongu pelo Aghungu Kimthe küká vechewo lajupu qochililu apeniu.

1 Kor. 12:10

kütami lau akümzapu mülàlu kepu küká tsü cheni, lakhi lau tungkuptsa pikulupu ghò tsü cheni, kütami lau ye Alhou Ghungu lau no ighi keo mokeno kimchi kulupu ghò tsü cheni, lakhi lau ye amili kithé jeli lono pikulupu ghò tsü cheni, eno kütami lau amili kithé jeliqo pebidekulupu ghò tsü cheni.

1 Kor. 13:1

Ni ye timi mili momu kungumi mili lono atsa pi aghiluvi, ikemu kikimiye küha aye ni ye ayì kihe ghügha lakhi paphi ke momu küghapayi pesü kügha keu ghügha lakhi paphi ke.

1 Kor. 13:8

Kikimiye ye khilemu ashekha shivemo nani. Khilehi tungkuptsaqo ani keno tipaqo ghí kishekhave nani; khilehi amili kithé no pikeu ani keno tipaqo ghí inaqhoive nani; khilehi akighithi ani keno ti ghí ashekha shive nani.

1 Kor. 14:18

Ni ye nongu kümtsü nguno alau amili kithé lono pilu akeu ghenguno Alhou shikimthi ani.

1 Kor. 14:5

Ni ye nongu kümtsü pelo amili kithé lono pi penishi, ikemu tinguno alau ni ye nongu pelo tungkuptsa pi penishi ke. Timi khuu no tungkuptsa pi cheni keno pa ye amili kithé lono piche kemi nguno akhotou ke, kughengu amili kithé ye khiuala no pebidemo kelo ye akukuhou shikumto mülae.

Ephesiami 3:19

eno kikimiye hipau ye akighithi hekiye cheni kepi ithilu peniye ke—tishianguno Alhou’w kupukulu kümtsü pesü nongu pelo chhitoilu peniye ke.

Ephesiami 5:18

Aji shomzü kevilo, tiye ghüpoghüzü küxü lo sawuve cheni ke. Tishini ke züqhulo Aghungu Kimthe pesü nongu pichhilu lo

Ephesiami 6:18

Ado aghuloki kümtsü lo Aghungu lono qhüiniju eno inikhu achelo. Amlo lo hipau qhi no kutokughoi alo eno pülhapuju Ampeu’w timiqo kümtsü ghenguno tamo no inikhu achelo.

1 Peter 1:12

Alhou no tungkupmi lau piyesü keu no panongu no mülà akeu ye pano likhi pano ghenguno kumo no hi nongu ghenguno ke; tihu itehi ye nongu lau kungugha lono ighi keu Aghungu Kimthe vechewo atsakiviu pikülhave keu vehu ke. Kungumiqo ghí thime hipaqo lo jusünishikütü cheke.

2 Peter 1:21

Kughengu tungkuptsa ye khilemu timi pulou lono hukuthu shi ighi püamoe, ikemu tungkupumiqo ghí timi shi anamu Aghungu Kimthe no mijetsü keu vechewo Alhou lau no ighi keu tsape pi cheni ke.