Apostolmi 2:23 - Sümi Tiqhelimi Bible

²³ Alhou no azünatha ghi ithithai püghüpe qhive keu vechewo Jisü pesü nongu u lo phesüve ke. Eno nongu no küsaküghamiqo kukuphu lu püzü kros lo Jisü yeda pìthíve ke.

BAIBEL (BSI)

²³ Alhou wu apulou eno azunatha kighithi lono hi Jisu ye nongu ulo phesuvetsu keu shi; eno nonguno ayehkumthami pelo kros lo pa yedavepe eno pa pithivepeke.

Sumi Naga CL (Re-edited) Bible (BSI)

²³ Alhouw mtsümishei keu küpüghü eno azünatha kighithi kiqi lono Jisü hipau pesü nongu u lo süvetsü, eno nongu no aye kümthami u lono pa yedave no pithive.

Apostolmi 2:23 ပူးပေါင်းရင်းမြစ်များ

MATTHEW 20:19

eno pa junuqhi eno heqhi püzü yeda pìthíve penike ghenguno pa pesü Jewkumomiqo tsüve nani. Eno pa ye atsala aküthüu lo xülethuve nani!”

MATTHEW 26:24

Timi Nu ye Kuchoyesü lo yèpüa ketoi thive nani. Ikemu Timi Nu küghape thechu shive keu ghengu ye ahaküsapue! Pa ghengu ye punúmove keumu pavini cheke.”

MATTHEW 27:35

Kughou Jisü yedave keno, panongu no asaqhi no paw tiphimini kijéluve.

Mark 15:24

Eno panongu no pa yedave. Tisheno panongu no Jisü’w tiphimini kijé no khiu no kiu ithulu kepu keno asaqhibejue.

Luke 22:22

Timi Nu ye kughupüa ketoi thive nani. Ikemu pa thechu shive keu tipau ghengu ye ahaküsapue!”

Luke 22:37

Ishi yèpüani, ‘Pa ye ayeza hekibidemiqo gholo kihisüve’; eno I no nongu vilo piakeu toi hiye I lau no shikupuve moayesae. Iyei, I ghenguno kiu yèpeqhi keno shikupuveni cheae.”

Luke 23:33

Kughou panongu no Aboghe ipikeu-a lo ighi keno, panongu no tilehi ayeza heküxami pama lakhi no pa u ajeu eno lakhi no pa u piyiu ishi no pa gholo yedave.

Luke 24:20

Achinetomi eno ninguw ayekipemiqo no pa pìthíve penike ikhiphe pe tsüve, eno panongu no pa yeda pìthíve;

John 19:18

Tilehi panongu no Jisü yeda pìthíve, eno pa gholo kütami kini hula-hila qhi püzü Jisü no amta lo qhi no yeda pe qhive.

John 19:24

Panongu lakhi no lakhi vilo ishi pi, “Ningu süxümo no khuu no ithuluni keno asaqhi junie.” Hipau shikeu ye Kuchoyesü lo ishi pipüa keu shikupu niye ke, “Panongu no panongu dolo no I phimini süxü kijeve ke eno I phinhemgha shou asaqhi ke.” Ike ghüshimiqo no hitoi shike.

Apostolmi 13:27

Jerusalem lo xüküami eno ayekipemiqo ye Jisü ikhilumove ke, tishimu pa kiléqhive keu lono panongu no Sabbath tsalà atsütsǜ lo tungkupumi no pikeu tsa phisü chekeu shikupuve ke.

Apostolmi 15:18

hiye khaghi no ithi akeu thimeqo ke.

Apostolmi 2:36

“Tighenguno Israelmi kümtsü no hipau mütsüqheilu lo: Jisü khuu nongu no yedave keno, Alhou no pa pesü Ampeu eno Messiah kinikujo shive tsüae.”

Apostolmi 3:18

Ikemu hipau gholau no Alhou no tungkupumiqo kümtsü vechewo azünatha ghi Messiah ye ghichhe-ghime shi nani ipi pipüa keu shikupuvae.

Apostolmi 4:28

Panongu no O küká eno O pulou lono azünatha ghi kiu shi moayesa keno xatha pe püakeu tipau shike.

Apostolmi 5:28

Achinetou no pi, “Ningu ye nongu vilo tsatsái azah tsüvea no pa je lono kütsü kevilo pivea, tishi keghi nongu no akükütsü hipau pesü Jerusalem nhachhiva eno timi hipau kithí pesü ningu kipimí shive tsü niye anie.”

Apostolmi 5:30

Ningu pù-asü Lhou no Jisü khuu nongu no kros lono tshüqhi pìthíve keno akithí lono xüputhuvae.

Apostolmi 7:52

Nongu pù-asüqo no pishi-pujumo keu tungkupumi lakhimu akeshea? Panongu ye khunoqo no Amikuchomi Lakhi ighi nani ipi pichho keno tipaqo ghí heqhipithíve ke. Eno itehi ye nongu no pa jechuve eno ghiqhi pithivae—

Rommi 2:12

Moses yeza küha kemi Jewkumomi khunoqo no axiné shini keno panongu no Moses yeza küha namu kütsave nani. Eno Jewmi khunoqo Moses yeza qholo ani keno axiné shikemi kümtsü shou ayeza tipau no küghathabe nani.

Rommi 4:17

Kughengu hitoi yèpüani: “I no O pesü shiye kutomo papù lakhi shitsü ke.” Alhou zülo Abraham ye ningu papù ke. Abraham no pülü chekeu Lhou ye kithimi aküxü tsü chekeu eno püzüu küha no akeqo lhophe chekeu Lhou ke.

1 Thes. 2:15

Jewmiqo no Ampeu Jisü ngò tungkupumiqo pìthíve ke eno tisheno ningu ghí hapheve ke. Panongu ye Alhou loshipüsü cheni eno timi kümtsü ghümi shi cheni.

1 Peter 1:2

Apù Alhou lokütsü vechewo kisheluve kemiqo, Aghunguw shikimthe keu kümlà vechewo Jisü Khristo gholu peniye eno pa jì no küzüteve kemiqo: Küpükini eno aloino keu no kupukuno shi nonguw shilu peniu.

1 Peter 1:20

Pa ye ayeghiqha pulhosü mphi lono kisheluve ke, ikemu nongu ghenguno ashekhau do hipaqo lono pa pephe-piye ke.

1 Peter 2:8

eno, “Atu khipau no timiqo pelo püsüpukulu pe cheni eno atuqu khipau no panoqo pelo veqhive pe cheni keno.” Panongu no akükütsütsa gholumo ke ghenguno panongu ye küpüxa cheni eno panongu ye hitoi shipe nikeu shi kughuchho pe qhive ke.

Jude 1:4

Kughengu püzüu timi khami kiléqhive keu ghili yèpüa keu ye nongu dolo tuqhou no küzü-kugho shi iloghivae. Panongu ye alhou kümthamiqo ke, panongu ye xüküpsa kümlà shini keu ghenguno ashepe pesü ningu Lhou’w küpükini lakha cheni ke eno ninguw Akughushuu eno Ampeu lakhi likhi akeu Jisü Khristo mili acheni ke.

Piyeküsü 13:8

Ghiqhive keu Ambeti’w aküxüpu kaku lo aje yèpuku püaghi kemi nguno alau ye ayeghi lhophe kelo no acheghi kemi kümtsü tüghashi hu mülá nani.